2018年9月16日 星期日

059Hué-tsui-á(火鵻仔)>紅鳩(âng-kiu)>Red Turtle-Dove.

059Hué-tsui-á(火鵻仔)>紅鳩(âng-kiu)>Red Turtle-Dove.







Hué-tsui-á(火鵻仔)嘛叫做紅斑鴿,因為伊ê毛紅huánn紅huánn,生湠力真強,tī西部近海地區,溪埔仔,時常會當看著數十隻、數百隻做伙tī草埔抑是農耕地活動,in ê葡萄色紅ê羽衣,tī飛懸落低ê姿態中,ná像火leh燒,所以tsiah號做Hué-tsui-á(火鵻仔)。
Hué-tsui-á(火鵻仔)大部分tī地面tshuē食,tī城市學校內嘛定定看著三五隻做伙活動,食草籽仔抑是細尾蟲豸(thâng-thuā),庄跤所在猶閣較濟,真正是『無地不有』。

2018年9月12日 星期三

058Tuā-hue-pan(大花斑)>金背鳩>Oriental Turtle Dove.

058Tuā-hue-pan(大花斑)>金背鳩>Oriental Turtle Dove.



















Tuā-hue-pan(大花斑)是大型ê斑鴿,羽衣有花紋。是普遍ê留鳥,時常出現tī曠闊ê農耕地,以植物性食物為主,嘛愛食細隻蟲仔。

2018年9月10日 星期一

057Pan-kah(斑鴿)>斑頸鴿>Spotted-necked Dove.

057Pan-kah(斑鴿)>斑頸鴿>Spotted-necked Dove.


















斑鴿(pan-kah)是斑鴿(pan-kap)ê走音,台灣通史:「家鴿,俗稱粉鳥。野鴿,俗曰,斑鴿。」
斑鴿,因為頷頸仔後有白色ê珠仔形噴點花,ná像食菜人掛ê佛珠,所以閣叫做「數珠仔」抑是「掛珠仔」。
斑鴿,差不多逐四界攏有,平地、山坪,庄跤、都市,學校、公園攏有伊ê叫聲「久、久、久」,一直吼一直tìm頭。植物性食物是主食,嘛愛食草仔籽。
聽候斑鴿若吼,就是講猶閣真久ê意思:「久、久、久」。

2018年9月8日 星期六

055Tshenn-tsui(青鵻)>綠鳩>Green Pigeon.

055Tshenn-tsui(青鵻)>綠鳩>Green Pigeon.















 Tshenn-tsui(青鵻),大部分歇tī原始闊樹林內,規身軀有樹葉仔色ê保護色,無簡單hōo人發現,吼聲「hu.hu.hu.hu」ná洞簫聲,tī台灣東部另外有紅頭青鵻T.formosae formosae,是無界普遍ê留鳥。
056Suann-hún-tsiáu(山粉鳥)>台灣鴣鳩、灰林鴿>Ashy Wood Pigeon.
Suann-hún-tsiáu(山粉鳥),體型、大細、羽衣等,大致kap粉鳥相仝,in原生tī山野,所以有山粉鳥之名,不過tī伊ê頷頸有肉色ê頸輪斑紋,這是kap粉鳥無仝ê所在。
伊飛行ê姿勢、速度、習性kap家禽粉鳥無差別,冬天tī南投縣白石山ê粉鳥洞、中埔產業道路十一號橋附近,抑是東埔、觀高,透早攏有一大陣、一大陣tī-leh飛。in規陣tuà仝一所在,在地人kā號做粉鳥洞,抑是粉鳥林。『野鴿谷』ê名稱是二次大戰終戰後ê號名,m̄是母語。

2018年9月4日 星期二

自訂詞庫如何使用,請參考。

FHL Taigi-Hakka IME 信望愛台語客語輸入法 3.1.0 版http://taigi.fhl.net/TaigiIME/
自訂詞庫如何使用,請參考。


2018年9月2日 星期日

台灣鳥仔唸歌詩:

台灣鳥仔唸歌詩:
台灣鳥仔phu̍h-phu̍h飛,台灣確實好土地,有山有海真實在,Ilha Formosa真美麗。
台灣鳥仔唸歌詩,粗聲幼字真趣味,大隻細隻攏佮意,互相欣賞kài歡喜;
台灣鳥仔自由飛,飛懸飛低頭lê-lê,咱ê土地雖然狹,物產豐富生產濟。
台灣鳥仔leh講話,美麗寶島自由地,咱若認真來扑拼,民主自由是咱ê。
台灣鳥仔飛懸懸,欣賞美麗咱台灣,創造奇蹟m̄是假,物產豐富生產濟。
台灣鳥仔飛低低,鼻著清芳烏龍茶,猶有果子佮番麥,好食物件塞倒街。
台灣鳥仔種類濟,有ê一生tiàm台灣,有ê會轉去本基地,有緣歡喜tòa做夥。
台灣鳥仔百百款,一心一意愛台灣,家己做主世傳世,無愛外人kā咱管。
台灣鳥仔真自由,樂觀奮鬥無憂愁,看人目色扑結虯,欲有尊嚴家己求。
台灣鳥仔真自在,東西南北攏飛來,Formosa 好所在,衣食住行真phang-phài。
台灣鳥仔飛振動,享受自由真輕鬆,前途光明無別項,勤儉kut-la̍t有希望。
台灣鳥仔自由飛,台灣祖國是咱ê,家己決定咱一切,別人bē使加講話。
台灣鳥仔愛台灣,充滿自信重人權,互相尊重你我咱,尊守法律頭一層。
台灣鳥仔自由飛,台灣祖國真美麗,Formosa 好所在,土地山海攏咱ê。
台灣鳥仔自由飛,飛懸飛低ná講話,咱ê所在雖然狹,認真phah拚勝一切。
台灣鳥仔飛振動,認真kut-la̍t無了工,台灣徛起有信心,未來一定有希望。
Tâi-ôan chiáu-á sia°-im súi , chiat-chàu hó-thiaⁿná gîm-si , Gôan-bîn Hakfa Hö-Ló-gí , to-gí bûn-hòa tãk-chhùi-ch…h .
台灣鳥仔聲音媠,節奏好聽ná吟詩,原民Hakka Hö-Ló-gí,多語文化觸喙舌。
Gôan -bîn Hakfa Hö-Ló-gí,多語文化觸喙舌。
Gôan -bîn Hakfa Hö-Ló-gí,多語文化觸喙舌。

050.khiàu-tshùi-á(翹喙仔)>反喙鴴>Avocet.

050.khiàu-tshùi-á(翹喙仔)>反喙鴴>Avocet.
















khiàu-tshùi-á(翹喙仔)是因為伊ê喙pe特別長(8.8公分)閣翹翹,反喙鴴是日本名,「反」字ê日本語ê意思是翹翹。
khiàu-tshùi-á(翹喙仔)ê羽毛烏白對比tsiânn明顯,定定規陣做伙tī淺水ê所在散步tshuē食,真好認,是非常súi ê鳥仔。