2017年9月23日 星期六

輕輕鬆鬆讀台語 台語首冊 第三課 第四課

輕輕鬆鬆讀台語 台語首冊  第三課 第四課
第三課      阿母講予你知影
乖囝    乖囝                你斟酌聽
阿母有話              beh講予你知影
早起時著早起            m̄-thang 睏大豬
起床tiō 洗面             嘴齒愛抿清氣
衫褲穿整齊                tsiah thang 去讀冊
穿súi-súi              tsiah-ē古錐
古錐囡仔              人人合意
【註解】:
斟酌:tsim-tsiok[小心,注意]
早起時:[早上]
睏大豬:[睡大覺]
tiō 洗面:[就洗臉]
抿清氣:bín [刷乾淨]
tsiah-thang [才可以]
súi-súi [漂漂亮亮]
合意:kah-ì [喜歡]

第四課      阿爸講予你知
阿雄    阿雄                - -過來
阿爸有話欲講予你知
去學校讀冊著聽老師ê
kap同學歡歡喜喜tshit-thô   m̄-thang 冤家
老師問你              ài勇敢應話
講話實在              bē 使白賊
守規矩      有禮貌      看著老師ài行禮
講「老師平安」        講「老師gâu 早」
【註解】:
阿爸:a-pa
kap/kah:佮 []
冤家:uan-ke [吵架,打架,不是冤家]
應話:ìn ūe [答話]
bē 使白賊:[不可以說謊]
ài[要,不是愛]

2017年9月18日 星期一

輕輕鬆鬆讀台語 第一單元 第一課第二課

輕輕鬆鬆讀台語 第一單元  第一課第二課
壹、【講予你知影】

第一課      阿媽講予你知
乖孫--ê           tsia
阿媽講予你知
你真乖            你真bat
你真骨力        bē白賊
阿媽疼            阿媽惜
阿媽十箍        予你買芎蕉
【註解】:
tsia來:你遮來[你來這兒]
bat [很懂事]
骨力:kut-la̍t,勤勞。
bē白賊: pe̍h-tsha̍t [不會說謊]
十箍:tsa̍p-kho͘[十元]
予你:hō͘ 你,[給你]

第二課      阿公kā 你講
乖孫--ê           來阿公tsia
阿公kā 你講        放學tiō 趕緊轉來
m̄-thang 路裡tshit-thô
m̄-thang 路邊買物
行路著 sè-jī         過十字路tiō 注意
讀冊認真扑拼      轉來歡歡喜喜
【註解】:
tiō :需要,[]
kā 你:共你[跟你]
m̄-thang :毋通[不可以]
tshit-thô [遊玩]
sè-jī:著細膩,[要小心]