2023年12月29日 星期五

龍坑生態保護區冒險記 Lahjih 20231230

 龍坑生態保護區冒險記        Lahjih 20231230

2023122425兩工南部旅遊thit-thô,重點khǹg tī聖誕節chái-khí 8點,boehKhún-teng龍坑生態保護區se̍h chi̍t-chōa園區,欣賞大自然原始生態真面目。

8點準時到ji̍p-chhùi,行10分鐘石頭仔路到管理站,檢查身分證辦理入區手續,隨時分組hō͘導覽chhōa隊開始聽紹介說明。

導覽台語自我紹介叫伊A-lêng,有問題做你kā A-lêng問,台語北京語lóng無問題,我叫伊講台語to̍h好,阮是庄腳來--è絕對聽有。

A-lêng台語lián-tńg bē跳針,「Che是林投,果實若有夠黃,內面ê nn̂g ē--得。」感覺足稀奇,A-lêng竟然ē-hiáunn̂g,確定伊是正港台灣人。

Che"稜果榕",咱講tōa-phàⁿ-chhêng講豬母奶舅。」問伊敢有講tōa-phàⁿ-chhiūA-lêng講有,koh-khah hō͘kiaⁿ-chi̍t-tiô,腔口竟然hāmChhân-tiong-ng sio-kāng

聽紹介,「Ta̍k-ê chim-chiok看,土腳phòng koân chit lêng siáⁿ-mih路用?」「若是公路是阻擋駛車ūn-choán-chhiú駛較慢--lehtī chia是阻擋雨水khoaⁿ-khoaⁿ-á流,chiah-bē破壞路面,因為chit段路sió-khóa bîn-bîn-á崎,見若落雨水chhoah-lâu路面to̍h-ēhāi--khìChe是阮ka-tī--出來 ê phiat-pō͘。」實在值得phah-pho̍k-á o-ló,有影足用心專業。

Línche樹葉ná-ē chi̍t-khang chi̍t-khangkui-châng雨傘樹無一葉完整--èchelán-chiaphū農藥,是ia̍h-á ê幼蟲食--ēLín koh看,nn̄g-pêngê樹仔草仔去hō͘ hit-pái "小犬"風颱sńg-tn̄g kah chit款,除了路徑以外,咱lóng維持原來狀態,無ka整理,che to̍h是生態保護ê原則。」

Línchesiáⁿ-mih植物?che號做白水木(山埔姜、銀毛樹),開花像細蕊花仔菜,白水木hām林投是chia siōng-kài-chē ê植物。」

「請問A-lêng,台語ná-ē chiah-nī gâu講,kapê腔口足sio-kāng。」

「細漢to̍h hām阿媽阿母講台語,當然mā lián-tńg,其實阮老爸外省人,tī chia做空軍熟似我a-bú。」

「原來是外省第二代,你m̄-nā認同台灣koh了解台灣語言文化,實在敬佩。」

行來到1.5Km所在,chiàⁿ-pêngPa-sū Hái-kiap(巴士海峽),tò-pêngkui山坪ê林投hām山埔姜,頭前面to̍h是出名ê ló-kó͘-chio̍h台地。

Ta̍k-ê小等--chi̍t-ēchia風真透,前面to̍hló-kó͘-chio̍h台地,tio̍h pehchiūⁿ ló-kó͘-chio̍h山嶺,hiakoh-khah大,是thàu驚人ê落山風,海湧ê水霧ētio̍h身軀,所以tio̍h穿雨幔,bē-tàng giâ雨傘,帽仔tio̍h縛帶戴hō͘ ân,若無ē吹落地,peh到嶺頂千萬tioh sè-jī,徛hō͘chiah thang徙位,咱se̍hê圓箍仔轉來原位,若無boeh se̍hêtiàm-chia等,ta̍k-ê若準備好勢to̍h開始peh。」

kài koânpeh-chiūⁿ嶺頂lóng是舖枋仔ê棧道,真好行,m̄-koh風足大足thàugiōng-boeh在,落山風sngh-sngh叫,koh náleh噴雨毛仔,一時間隨人顧ka-tī安全,無koh hōehōe西,A-lêng kau-tài oat tò-pêng行,ta̍k-êchiâⁿ慢,有人像三心兩意,有人行進前koh oat倒轉--來,風實在有夠大,親像leh做風颱,行路phiân--leh phiân--lehā-boeh看光景ā-boeh顧身穿,雨幔hō͘風掃kah pia̍k-pia̍k叫,手、面phùn-tio̍h水霧tâm-sip tâm-sip,手提手機仔翕相,hīⁿ-ho͘ⁿ-á有聽人講「風真大,m̄-thang過」,m̄-koh猶是有人一直向前行,實在是thài稀奇稀罕,甘放棄,to̍h tòe人行。

Khan--ê tī頭前,有kiáⁿ婿cha-bó͘-kiáⁿ陪伴,to̍h放心顧咱ka-tīchiàⁿ-pêng是太平洋,有時ētio̍h海湧chhiângkoânphū出水霧,雨衣、褲腳、手、面、手機lóng是水滴。風猶原sngh-sngh-kiò chi̍t-chūn koh chi̍t-chūnkham-kham-khia̍t-khia̍t ê ló͘-kó͘-chio̍h,大細粒滿soaⁿ-lêngham-ham-khia̍t-khia̍t phòng-phòng-naih-naih,若無舖柴枋棧道,根本to̍h bē--得,he棧道chiah chiâⁿ bí闊,風koh強,若無sè-jī phiân--lo̍h-khì tiāⁿ-tio̍h chhè-siang,莫怪A-lêng一直交帶tio̍h sè-jī

翕,soahkhoàiⁿ人影,行到boeh落崎chiah發現A-lêng我後壁,一直叫我「ûn-á行,tio̍h sè-jī,手ài hōaⁿ欄杆」,落崎幾若khámchia ê ló-kó͘-chio̍hlàng隙,ē-tàng看見chiàⁿ-pêng海水hē-hē-kiò,注目看,歡喜chi̍t-tiôhe海霧hām吹雪看現現tī ba̍k-chiu前,手機仔開始錄影,風搧水霧噴,ā-boeh顧手機ā-boeh看奇景ā-boeh hōaⁿ欄杆,kuiê水滴bô-khà拭,to̍hkan-nā專注、小心,安全第一,koh4-5 khám,角度清楚好看,實在甘放棄,「hō͘ koh錄影--一下」,a A-lêng拜托,手機繼續koh póe,螢幕baksió-khóa bē順,有夠緊張,總--iū-kohchiâⁿ分鐘,繼續koh落崎,看清楚,看見海灣海湧leh chhiâng,有koân,有大有細,chhiâng he海墘引起水鬚,m̄-nā造成水霧,koh因為heló-kó͘-chio̍h海墘,造成ê chúi-pho pìⁿ-chiâⁿ ná茶箍泡,輕báng-báng tī海腳,koh tn̄g-tio̍h今仔日落山風特別大,he水泡堪得落山風ê力頭,ùi海面飛過làng隙到台地iāⁿ-iāⁿ飛,kài-sêng leh落雪,kài-sêng leh吹雪,「千算萬算m̄-ta̍t tú-tn̄g」,chit種奇景竟然hō͘tn̄g-tio̍hkoh有錄影為記。Liân-sòa翕幾張相片錄kúi-chat影片,sui-bóng緊急sap時間ê操作,有sió-khóa手影,經過裁剪猶原精彩。

落崎了後,已經無海霧,落山風kāng-khoán kā雨幔吹kah pia̍k-pia̍k叫,趕緊雨幔褪--落來,行到南北步道交會點,to̍h按原路轉來龍坑入口,坐遊覽車繼續行程。

是食老m̄-siauh-hiauⁿh,實在景緻siuⁿ siâⁿ人,堪得引誘soah bē記得ka-tī ê年紀,是因為有導覽A-lêng tòe tī身邊,咱chiahchiah-nī好膽冒險。

台地棧道
落山風大徛bē在
ló͘-kó͘-chio̍h ham-ham-khia̍t-khia̍t
棧道大約1公尺闊
山頂有海霧 需要穿雨幔
kui遍ê山埔姜
對面to̍h是ló͘-kó͘-chio̍h台地
ló͘-kó͘-chio̍h台地
石頭仔路
林投
山埔姜
擋水ê thô͘-lêng
蟲咬--ê
板根
導覽A-lêng老師
龍坑檢查站





2023年12月10日 星期日

Chháu-khûn Chháu-pû Chháu-in

 Chháu-khún草捆:無經過捲

Chháu-khûn草囷:用機器捲

Chháu-cháng草摠:稻草cháng成1摠1摠

Chháu-in草絪:ē-tàng灶空hiâⁿ火

Kú-chhài-in韭菜絪:糋韭菜條

Chháu-pû草垺:經過師傅疊成ê稻草堆






2023年3月5日 星期日

A-Sian hām A-Siân Lah-jih

A-Sian hām A-Siân              Lah-jih  2023.02.22修正 2002.03. 


Chit-phiàn樹林內,樹仔大欉樹葉ōm,樹頂鳥隻滿滿是,吼聲響亮鬧熱chhih-chhih ,樹腳真清涼,樹葉仔lak kah 滿四界,土腳兜tòa 1  支腳ê 蟬仔族,蟬仔族ê lóng gâu 禪,in ê 囡仔自出世落to̍h注定bih tiàm生活,bih tiàm 孔內78冬,chiah-thang bùn 出來地面看光景、thit-thô、唱歌。

Chit  支腳ê 蟬仔族內面有家夥仔,hō͘ i父母飼tiàm 1 欉大欉樹仔腳,日到暗lóng tī洞內生活,tiām-chut-chut  講話,看in ê 生做,實在無sêng i父母,身軀khiau-ku khiau-ku,穿領戰甲外星人ê裝甲兵,行路leh tòng-gōng tòng-gōng chi̍t-sut-á to 無像i父母hiah-nī活跳gâu 飛,koh-khah無像i老父hiah-nī gâu 唱歌。雖然ibē-hiáukoh bē-hiáu講話,-koh in lóng歡歡喜喜過日,mā ē-hiáu用表情、比手畫刀來交陪,交換意見,參詳代誌。生活過kah真平靜,一直到有工,án-chóaⁿ?突然間,in逐家lóngboeh nǹg出去洞口外,in ê 心情感覺chiâ pek-chhek像有siáⁿ-mih pháiⁿ-khang--ê tih-beh 到位?ta̍k-ê心內起恐惶, 知影boehán-chóaⁿ

Ná-ē chiah-nī bē自在?到底siáⁿ-mih-tāi?拜託ta̍k-ê想看māi!想看有siáⁿ-mih好辦法來排解?」 ta̍k-ê tng-leh激破頭殼,想bē 出好主意ê 時陣,有 隻蟬仔提出意見:

Lín kám-bat 聽過chi̍t-ē傳說?」

Siáⁿ-mih傳說?」

「講咱祖先交代落來ê 教示,傳說中講咱蟬仔族ê 囝孫,lóng-ē tī父母kā 咱生--出來了後,經過7冬成長,身體to̍h-ē變化,提醒咱tih-boe轉大人,hit 時陣咱tio̍h-ài注意sè-jī ……oeh!咱幾歲--à haⁿh?

歲!」

是,是歲!」

Ah chit-ê 傳說敢有證據?」

「有!聽講khǹg-tiàm 1 ê 祕密ê 所在。」

「應該tio̍h chim-chiok ê 時陣--ā ,逐家chhōemāichhōe 看有遺書a̍hsiáⁿ-mih古早ê a̍h是地圖--bò͘?」

Ah!有--ā -chia ,請你看māi--leh !」有隻蟬仔chhiau tio̍h 1 n̂g-gâm n̂g-gâm ê 字紙,隨時交hō͘提出意見ê hit 隻蟬仔chim-chiok看詳細

「到底是寫siáⁿ-mihm̄ tio̍h報告hō͘ ta̍k ê!」

提出意見ê hit 隻蟬仔,kui-khìhit 張字紙貼tàm 壁堵hō͘  ta̍k ê看詳細。

各位乖囝:

Ta̍k ê平安!ta̍k ê恭喜!恭喜lín boeh轉大人,ē使得出外phah-piàⁿ,雖然阿爸阿母生lín八兄弟,to̍h來離開lín ê 身邊,-koh goán lóng真思念lín78年來,lín  lóng真乖巧,互相照顧,互相參詳,-bat oan-ke-lô-chèhō͘  goán感覺chiâⁿ安心chiâⁿ hiau-pai chit-mái lín已經大漢,tih-boeh 出去外口phah-piàⁿ,表現lín ê 才能,展現咱蟬仔族ê 歌喉hō͘ 人聽,逐家tio̍h-àisè-jī--leh tih-boeh 轉大人, tih-boeh出外phah-piàⁿ,心內緊張,心情kiaⁿ-hiâⁿ是難免,總是ta̍k ê tio̍h m̄-thang  chheⁿ-kông,事事項項ta̍uh-ta̍uh-á來,ē記得,tio̍h 出洞口,-thang  sio-cheⁿ,千萬tio̍h hō͘清楚下面幾項祖先ê 交代:

第一:出洞口ê 時間算hō͘ 準,ùi日頭落海到半暝仔12 前,siuⁿsiuⁿlóng m̄-thang 

第二:出洞口tio̍h-ài一直,勇敢向前行,-thang 停睏,tn̄g-tio̍h樹仔tio̍h開始peh peh kôan-koân iap-thiap ê所在

第三:心情放輕鬆,siáⁿ-mih時陣褪殼,免擔心免tio̍h急,時間若到,自然to̍h-ē「羽化」。

第四:天光chái天若光,to̍h趕緊thián-si̍t飛,離開現場,cháu-chhōe安全所在

Tio̍h--lah lín八兄弟,阿爸阿母已經先kā lín號名號好勢:大--ê A-Sian ),唱歌kôan ē牽絲;第二--ê A-Sián阿癬),頭殼有跡青斑為記;第三--ê A-Siàn阿煽),個性無lám ne ,無精神,siāng hō͘ 阿爸阿母擔心;第四是A-Siat阿設),唱歌猛脆pân-tōaⁿ牽聲;第五叫A-Siân阿蟬 ),siāngsiāng gâu 唱歌siāng gâu 牽聲;第六--ê A-Sián阿蘚,伊kap 第二阿癬是雙生仔;第七--ê 個性善良古意古意叫A-Siān阿善);第八A-Sia̍t阿舌),吼聲猛脆siāng個性Che  lóng是天生自然,是父母偏心thiau-kang  lín生無kāng-khoán

祝順利,生活快樂!

阿爸阿母留

提出意見 hit 隻蟬仔等ta̍k ê看清楚了後,koh-chài pái kā ta̍k ê提醒,父母交代ê tio̍h-ài聽,祖先交代ê規矩tio̍h遵守,siáⁿ-mih時陣tio̍h出洞門,隨人斟酌,等你脫殼變做ēēhiau-pai有自信ê蟬了後,你一定ài ē記得相chhōechhōe-tio̍hê兄弟,「Phahlia̍h賊親兄弟」,有團結chiah  ē出頭天。

經過2工後,樹林內iū-koh增加ê 歌聲,siat siat siat siatsiat siat siat siat ,響聲滿山坪,有hit- kôan 聲,有hit- 低調,有hit- 長聲ē牽絲,hit- chhè 切齒,kui-ê 林內交響樂齊交響,充滿歡喜,充滿希望。突然間有蟬ê hoah-hiu聲:

AhA-Siân~A-Siân~!我tī chia--lah !你有看tio̍h--bò͘?」

Ah!你是A-Sián--hioh?你ê 頭殼額仔有跡,一看to̍h知影你是阿癬!」

「是--lah!我是A-Siánah 其他ê兄弟--leh?」

「我是A-Sian!」 hit kôan ē牽絲--ê  飛來 in ê 邊。

「實在歡喜,恭喜ta̍k ê ē-tàng sūn-sū蟬蛻(siân-thòe ),chit-má 已經報到3  ê chhun--e 咱大聲hoah-hiu--chi̍t-ē ikho͘-kho͘轉來做堆,我喝chi̍tnn̄gsaⁿta̍k-ê to̍h大聲hiu12!」

A-SiānA-SiànA-Siat A-Sia̍thiu boeh chiâⁿ-cha̍p分鐘,兄弟已經chiâu到位,有講有笑,歡喜ka̍h ,歡喜in 褪殼成功,koh團圓做堆。

兄弟相認了後,to̍h共同推薦A-Siân做班長,A-Siân表示感謝了後to̍h開始講話:

Ē-tàng做蟬仔族是真hiau-pai  ê 福報,咱tio̍h代先來展寶蟬仔族ê 才能hō͘林內ê 眾朋友知,chit-mái 咱按大細ê 順序排列,我若喝開始,ta̍k ê to̍h照順序ho͘ka-tī ê聲音,輪流ho͘ piàn。」

Án-neboeh  chhòng-siáⁿ

Ho͘--落去tio̍h預備!開始!」

siansián siàn siat  siân sián siān sia̍t ;仙、癬、搧、 設、蟬、蘚、 善、舌;siansián siàn siat  siân sián siān sia̍t;仙、癬、搧、 設、蟬、蘚、 善、舌」

Ó͘ ná-ē chiah-nī 好聽!節奏輕鬆koh ná leh phah-phek--leh!」

M̄-nā án-ne!咱mā ē使得 1 ê 獨唱,a̍h 2 ê 輪唱,阿設kap 阿舌過來遮,lín 2 ê 表演hō͘逐家聽。」

Siat  siat siat  siatsiat  siat  siat  siat siat siat siat  siat阿設先出聲。

Sia̍t sia̍t sia̍t sia̍tsia̍t sia̍t sia̍t sia̍tsia̍t sia̍t sia̍t sia̍t 」續--落去阿舌kāng-khoán 1 ê 獨唱。

Án-ne獨唱有較無味,阿!你先開嘴,阿tòe 你後尾,連續10 秒,開始!」

Siat  siat siat  siatSia̍t sia̍t sia̍t sia̍tSiat  siat siat  siatSia̍t sia̍t sia̍t sia̍t

koânkē koh bē-bái聽。

Sia̍t siat Sia̍t siat Sia̍t siat Sia̍t siat⋯⋯」想設換chi̍t-ê節奏,soah lúlú soah-phah

Pho̍k-á 聲滿山坪,蟬仔聲chiâu響,阿kap 愈唱愈心適,愈唱愈聲。

「阿癬、A-Sian、阿善、阿煽,lín 4 ê 來頭前,照順序 4 ûn ,拜託lín特別注意節奏ê 緊慢kap 聲音ê 大細,阿癬唱強拍,阿煽上低。」A-Siân繼續交代。

Kan-nā goán 4 ê án-ne輪流唱,kám-ē好聽?」阿煽無siáⁿ自信ê 款。

Ē!唱--落去你to̍h知!kohpiàn,特別注意節奏ê 緊慢kap 聲音ê 大細,阿癬唱強拍,阿煽上低。開始!」

「癬   sián  sian  siān  siàn   sián sian  siān  siàn ⋯⋯

「有影 to-tio̍h,不過猶是阿設kap 阿舌in 2-ê ê 歌聲較mé-chhè ,較有精神。」

忽然間,遠遠傳來o-ló 兼有淡薄仔giâu-gî ê 笑聲:

Cáhnchánchánchán!實在有影chángâu唱歌koh有好滋味,仙、2癬、搧、設;蟬、6蘚、善、舌;chi̍t-siannn̄g-sián saⁿ-siàn sì-siat gō͘-siân la̍k-sián chhit-siānpeh-sia̍thah hah hah hahchán chán chán chángâu 唱歌koh好滋味!」像鳥仔ê 笑聲。

「眾兄弟,tio̍h注意,-thang kan-nā 顧唱歌,顧iāng 氣,災難有可能 ê 身邊,隨人tio̍h sè-jī;阿爸阿母生咱 8 兄弟,並無半ê 姊妹kap tàu-tīn堆,ē記得,cha-bó͘-gín-á lóng是較pì-sú in  lóng m̄ 講話,tiām-chih-chih ,咱若boehbó͘ boeh 交女朋友,一定tio̍h展功夫,認真kho͘,認真吼,piàⁿ-sì chhōe tio̍h ē chhōe-tio̍h好妻兒,tú-chiah hit-ê o-ló笑聲,是真正經,隨時tio̍h注意,祝逐家好運,幸福過日,再會!」

Chit-ê 樹林內,樹仔真ōm真大欉,樹頂鳥隻滿滿是,對蟬仔族來講,雖罔充滿危機,為著生活,為著生湠,吼聲猶原響亮鬧熱chhih-chhih

siatsiatsiatsiatsiatsiatsiatsiat!蟬仔飛出來啦!

siatsiatsiatsiatsiatsiatsiatsiat!熱天已經到了!

siatsiatsiatsiatsiatsiatsiatsiat!天氣真正炎熱!

siatsiatsiatsiatsiatsiatsiatsiat!蟬仔歡喜唱歌!

附錄:台語囡仔歌

蟬仔siat-siat siân-á siat-siat C 調  2/4 

小青蛙:53 33 /53 33/5.6 53 /4  2. /42 22 /42 22/4.5 42 /3 1. /

53 33 /53 33 /5.6 53 /4  2. /42 22 /42 22 /4.5 42 /3 1. //]

siatsiatsiatsiatsiatsiatsiatsiat!蟬仔飛出來

siatsiatsiatsiatsiatsiatsiatsiat!熱天已經到矣!

siatsiatsiatsiatsiatsiatsiatsiat!天氣真正炎熱!

siatsiatsiatsiatsiatsiatsiatsiat!蟬仔歡喜唱歌!