2018年5月31日 星期四

〈還我台灣鳥仔ê本名〉重出網路

感謝鳥仔朋友薛光雄先生、Kan Ingli老師、林春吉老師、廖淑鳳老師、蕭清文、蕭文章宗親,無料提供鳥仔相片並允准tiàm相片頂懸書寫紹介文字,chiah ē-tàng hō͘〈還我台灣鳥仔的本名〉重出網路。

〈還我台灣鳥仔ê本名〉    蕭平治編寫2000.01
參考周鎮著:台灣鄉土鳥誌(台灣省立鳳凰谷鳥園出版)簡單台文紹介


2000.01.01bat-tī「台灣文學研究工作室」:http://ws.twl.ncku.edu.tw/連載】








話頭
華語講『行不改姓,坐不改名。』姓是爸母所賜,只有來源,無好bái差別,若無特殊原因,姓是無容允別人咱改換,改姓是天大地大ê代誌;名ê稱號大部分是爸母公祖所號,為著尊重序大,大多數ê人攏敢換名,只好等到大人tsiah閣家己號名,為著雅氣好,為著命理好,總是有伊改名換名ê理由kap自由,可見名姓對人尊嚴ê重要性。朋友!你姓啥、你叫啥物名,你ê名姓ê人生中間敢bat懷疑過?
實在問了tsiânn奇怪,逐êê名姓應該kap Siau Lah-jih仝一樣,免想知無問題,攏是tuè爸母姓,攏是爸母所號ê名,哪有啥thang懷疑,無論漢名、戶口名、本名、囡仔名,抑是偏名、外號,若是爸母所號,家己佮意,啥人會kap家己ê姓名會清,kô-kô纏?
蕭平治,Siau Lah-jih,這是我ê戶口名kap本名,同窗--e kap社會朋友叫我蕭平治,厝裡爸母兄弟姊妹,庄裡親堂,囡仔伴,kap上知己ê老兄弟,攏叫我Lah-jih。細漢少年時,若有外位朋友同學來相tshuē,講beh tshuē蕭平治,定著三問四問無人bat,著愛閣問伊是啥物人ê囝兒?tsit-má leh創啥物?tsiah知影是leh tshuē Siau Lah-jih,若無kan-nabeh tshuē蕭平治,做你問kui晡,也是無人bat伊。m̄-koh你若直接講beh tshuēLah-jih--è」,大概kui庄內ê大大細細無人m̄-bat,免問第二擺就有人tshuātshuē著伊。
語言是文化ê根本,文字是記錄語言ê符號,蕭平治kap Siau Lah-jih哪會去hōo人分離,原因是喙講--è kap文字所顯示--ē無仝音字,講歹聽,有淡薄仔put-tap-put-tshit(不答不七),我姓蕭,無著,漢文化ê傳統內,tuè老爸ê姓是天公地道,有唐山公,無唐山媽ê悲情,抑是在地人hō͘人滿化賜姓ê不幸,敢講咱平埔族媽ē原味,按呢hōo咱放記得?父公祖媽留落來ê話語,咱有leh講,m̄-koh tsiânn做文字書寫煞pìnn-tsiânn無路理來,借音借意借kah不答不七,因為除了唐山ê漢字以外,若無lām用羅馬字,就無法度thangkah tsiânn順序,長久以來,只有漢字北京語教育ê結果,台灣人家己ê語、文自按呢拆分開。
tsit-ê原因,台灣鳥仔名mā kap咱仝款運命,仝款liân-huê,根據周鎮先生ê講法,百年來,台灣鳥仔名,受著三擺ê蹧躂,第一擺tī 1937~1945年代,日本人ê非常時期,為著推展in ê「皇民化運動」kap「國語家庭」,台灣鳥仔ê母語,台灣鳥仔ê本地名,煞攏用日語發音,好佳哉日本人猶有一寡良心,對咱台灣鳥ê特有種,親像「oo-tshiuka-līnghue-bî」攏照台語音用『假名』翻譯。上蓋bē o-ló--tit-è tō是終戰後ê『國語』運動,m̄-nā母語hōo人壓迫,連續台灣鳥仔名徹底改名換姓,ùi日語翻譯做「日義漢字名」,是中譯外來名,上悲哀是,台灣正港ê傳統鳥仔名,攏總放sak m̄用,甘願採用外來名,叫咱家己祖公祖媽留--落來ê名字,烏鶖已經oo-tshiu,叫做『大捲尾』,花眉hue-bî,是『畫眉』。解嚴10外冬,台灣鳥仔ê本名仝款無受重視,罕得tangē-tàng tī報紙雜誌看著台灣鳥仔ê本地名,煞hōoking-thé做「土名」,在地鳥hōo人看輕做土鳥,在地人hōo人看做「土人」,在地化ê本質敢tsiânn實按呢生?
第三擺就是最近ê代誌,由出版界偷渡中國鳥名來咱台灣,目前已經有46ê鳥仔名已經hōo人統一,可憐ê代誌,外來化--è外來化,hōo人統一--è hōo人統一,今(tann),台灣ê愛鳥人,大多數已經知影台灣鳥仔ê本名kap本名ê意思tī-tueh,可嘆!可悲!真正hiau-hīngliân-huê。為啥物?為啥物?解嚴後台灣在地化ê口號喝kah tsiah大聲,對台灣鳥ê母語卻知影thang保惜保持,除了無知以外,就是欠缺家己ê自信、自覺kap愛家己文化ê良知。
〈還我台灣鳥仔ê本地名〉,生是台灣人,死beh做台灣魂,台灣話,台灣語,台灣ê在地代誌,攏m̄-thang bētit,台灣鳥仔ê本地名beh愛流傳,kan-na漢字無夠,tio̍h-ài用羅馬字sio-thàu,這是筆者參考tsit本「台灣鄉土鳥誌」ê本意,對鳥仔有趣味ê朋友,若是beh了解較濟鳥仔ê紹介,著愛看「台灣鄉土鳥誌」ê本文kap參考內底ê相片。(2000.01.01

2018年5月24日 星期四

無好示範:

無好示範:

Hit个年代,包班制一禮拜五工半,阮細間學校chiah有一節兩節科任代班,無論國語、算術、社會、自然攏家己教,音樂、美術、勞作、體育,除了科任課以外,chhun--e mā是家己上,音樂、美術、勞作、書法我是無leh驚,上驚是外口kah學生囡仔走相迮、捙畚斗。
樂理五線譜、C調A調二步七--à,色水、對比、漸層二步七--à,中鋒、偏鋒、逆鋒、藏鋒二步七--à,師範教育有栽培,老師做一下樣示範,學生囡仔家己趣味練習。
單單這个體育運動課,做體操無問題,走相迮mā ē-hiáu是地心引力kah我做對頭,親像教跳竹篙仔,kan-na跤頭趺懸,跳一个樣hō͘囡仔參考,看hit-lō範,真正歹示範。

2018年5月23日 星期三

無牛,駛馬:

無牛,駛馬:風琴伴奏

Hit个年代,師範出業,十八搬武藝,件件二步七--ā
Tn̄g-tio̍h學校辦理觀摩教學,外校老師來參觀,頂司大官虎、督學來評判,人未到,緊張聲嗽早亂操操,等到hit一工,早有人踏跤到,看恁是leh pì啥物báng?八點朝會上重要,人boeh看隊伍,人boeh看精神,人boeh聽歌聲,有膏無膏看現現,為著好表現,阮早著拴便便。
唱歌著伴奏,全部老師二十外,彈琴啥物人siōng-gâu,揣來揣去,siòngsiòng去,無一个是音樂專才,鍵盤Keyboardbē-hiáu,ē-hiáu--è一指功,尾仔教導主任指定蕭平治,你是師範出業,通才無問題,自按呢「無牛,駛馬。」無人比,koh-iā無落氣。

2018年5月18日 星期五

國民學校讀七冬:

國民學校讀七冬:                Lah-jih_20180518
無寄讀,無落第,無休學,國民學校是讀七冬。
1950年代寫真:田中鎮第三國民學校二年級學生







一九四九囡仔栽,無鞋thang穿赤跤來,戇戇à真歡喜,老師教阮ㄐㄑㄒ;
也無教阮台灣話,見講攏是北京語,ㄓㄔㄕㄖbē-liàn-tńgkâm-lān咬喙唇。
二零一八老人羶,面肉皺皺肚大掔,三分之一拍毋見,招同窗會僫實現;
有人chhōa孫真歡喜,有人暝日守電視,上好出門做運動,同窗相揣講過去。
國校四年舊寫真:







19506--月翕hti張二年團體相,7--月開始歇熱,9月初開學升三年級,ĕ!怪奇!奇怪!ná-ē hiah-nī chē-ê同學無khoài人影?閣來真濟隔壁班ê同學?本來二年--ē有兩班,為啥物升三年--ē soah chhun一班?
--chiah知,原來阮ê第三國民學校徙去外三塊厝,phàng見去ê同學是綴第三國民學校搬轉去hit爿讀冊。tòa頂潭、中潭、龍潭這三里ê同學猶原留leh無徙位,m̄-koh已經是第三國民學校ê學生,阮是田中第一國民學校分校學生,仝款戇戇à歡喜上課下課。
第一國民學校分校三年級這一年,變化有夠濟,像「搬岫雞母」--leh,有一大站,阿兵哥佔阮ê教室,害阮著家己chah椅仔來學校,tiàm厝前厝後閃日頭光,是去附近樹仔跤、廟埕,ah無烏枋,老師喙講阮耳空聽,覆ē椅仔寫字,算術課只好老師講,阮用心算,都也心適kah知影心酸。有一擺,全部徙去田中第一國民學校本校,借所在上班上課。(一段有小可時間錯亂,記得是二年--ē 抑是三年--ē?)
升四年級,阮徙去田中第一國民學校本校,因為男女分班kap女生拆散,lām本校14个男生chiâ做一班,級任游傳章老師,記得是四川人,聽講伊͘銃子tōa-tio̍h後斗殼仔,有chit-chhop無頭毛,尻川後有學生叫伊白頭khok仔,伊真pháiok,學生無乖是拍,m̄-ku hit-chūn ê學生囡仔,足濟gû-thâu-thóa(牛頭剷),驚拍。雖罔我ê成績是第一名,因為我較乖狡怪,老師͘我做班長,有一擺叫我去揣柴仔boeh拍學生,頭一擺我攑了傷細支,koh去攑一支大支--e--來,結果班長無責任,拍第一个,有夠衰,m̄-bat hôngê乖囡仔,頭一擺食著「竹筍炒肉絲」。
庄跤囡仔͘-pîn來到街路讀冊,感覺足心適,一日四逝路,一逝半點鐘,攏是半行半走,無冊揹仔用包袱巾包,縛tiàm尻脊骿,走--起來chiâ扭掠,雖罔四年級,mām̄知影tio̍h-ài認真讀冊,將來‥‥‥,將來?將來是啥?
學年尾,來一个少年家仔,講boeh chhōa唱歌做遊戲,免讀冊kan-na耍,這我上愛,快樂三工後,翕一張團體相做記念,經過幾年了後chiah知影,原來是師範生leh實習,教啥乜記得了了,真正奇緣,留chit張相真正有記念性。
國校六年舊寫真:














四年--ē結束,原班人馬升五年--ē,級任是胡老師,大連人,ē記得有一站仔老師身體無好,帶痚呴喘,時常無來上課。下學期老師阮講boeh「能力分班」,考試了後,我hông編入甲班18號,阮班又閣拆散,雖然甘,m̄-koh甲班是好班,同學攏較認真讀冊,我感覺真歡喜。知啥原因,一個月後又閣恢復原班讀冊。
學年尾,老師家庭訪問,老爸講無錢thang考初中,自按呢hông編入六年戊班,是無boeh升學ê牛仔班。
牛仔班是放牛食草無受學校重視ê班級,新級任戴老師教無一個月tō hông召去做四個月補充兵,換來一个bē-hiáu教冊ê代課老,等伊戴老師轉--來,牛仔班已經散仙到親像無牛鼻圈ê一陣野牛。讀冊無sêng讀冊,規工siáu-tin-tangsiàng肉球(ドッジボール躲避球)耍,是勞動服務,終其尾是六年出額(出業),全校排名108,牛仔班第一名,提著鎮長賞kap畢業證書轉到厝,阿爸歡喜kah kā人展,in囝提著鎮長賞,我猶原戇戇àⁿ m̄知影無冊thang讀閣來boeh chhòng-saⁿh
出業前,老師用カメラ(照相機)阮翕chit張相,chiah有留牢記智,總共65个,攏是赤跤大仙。
經過40年後,轉來母校田中國小kap胡老師同事,有一工老師我講,斯當時『平治很會讀書,那一次能力分班考試,全五年級只有你算術考100分,讓老師們覺得好驚奇。』可惜無tn̄g-tio̍h貴人。













國民學校六年出業,tiàm--hō-lí-hō-sō庄內庄外四界hàikáu-bó-so,有一工我兩个ê叔伯姪仔閣是同窗--e來招我考田中第一國民學校附設ê補習班,阿爸一聲「無錢」準soah,後--來是三兄提錢͘我報名,chiah考牢補習班繼續升學命運,報我消息êsoah考無牢轉去做田做工。命運創治人,運氣改變人ê運命,考牢補習班真正是改變人生真重要ê關鍵。
鄭老師是名師是嚴師,戽斗戽斗khan一支烏框目鏡,惡khia̍k-khia̍k有夠歹,尻川後學生稱呼伊「阿猴--ē」。「算術」科足gâu教足gâu應用圖解分拆,͘月無暝無日ê惡補籐條伺候之下,算術ùi考零分到一百分,考牢縣內上讚彰化中學,繼續阿爸hai「無錢」ê「三更燈火五更雞」「菜脯根仔罔咬鹹」趕火車ê日子。













1960年田中第一國民學校第九屆畢業生第一擺同窗會,轉來80个,有人出社會leh拍拚,有人leh準備考大學,有人已經準備boeh做老師,我是台中師範tăboeh升二年。

2018年5月13日 星期日

國校四年舊寫真:

國校四年舊寫真:
1950年代寫真:田中鎮第三國民學校二年級學生







一九四九囡仔栽,無鞋thang穿赤跤來,戇戇à真歡喜,老師教阮ㄐㄑㄒ;
也無教阮台灣話,見講攏是北京語,ㄓㄔㄕㄖbē-liàn-tńgkâm-lān咬喙唇。
二零一八老人羶,面肉皺皺肚大掔,三分之一拍毋見,招同窗會僫實現;
有人chhōa孫真歡喜,有人暝日守電視,上好出門做運動,同窗相揣講過去。







19506--月翕hti張二年團體相,7--月開始歇熱,9月初開學升三年級,ĕ!怪奇!奇怪!ná-ē hiah-nī chē-ê同學無khoài人影?閣來真濟隔壁班ê同學?本來二年--ē有兩班,為啥物升三年--ē soah chhun一班?
--chiah知,原來阮ê第三國民學校徙去外三塊厝,phàng見去ê同學是綴第三國民學校搬轉去hit爿讀冊。tòa頂潭、中潭、龍潭這三里ê同學猶原留leh無徙位,m̄-koh已經是第三國民學校ê學生,阮是田中第一國民學校分校學生,仝款戇戇à歡喜上課下課。
第一國民學校分校三年級這一年,變化有夠濟,像「搬岫雞母」--leh,有一大站,阿兵哥佔阮ê教室,害阮著家己chah椅仔來學校,tiàm厝前厝後閃日頭光,是去附近樹仔跤、廟埕,ah無烏枋,老師喙講阮耳空聽,覆ē椅仔寫字,算術課只好老師講,阮用心算,都也心適kah知影心酸。有一擺,全部徙去田中第一國民學校本校,借所在上班上課。(一段有小可時間錯亂,記得是二年--ē 抑是三年--ē?)
升四年級,阮徙去田中第一國民學校本校,因為男女分班kap女生拆散,lām本校14个男生chiâ做一班,級任游傳章老師,記得是四川人,聽講伊͘銃子tōa-tio̍h後斗殼仔,有chit-chhop無頭毛,尻川後有學生叫伊白頭khok仔,伊真pháiok,學生無乖是拍,m̄-ku hit-chūn ê學生囡仔,足濟gû-thâu-thóa(牛頭剷),驚拍。雖罔我ê成績是第一名,因為我較乖狡怪,老師͘我做班長,有一擺叫我去揣柴仔boeh拍學生,頭一擺我攑了傷細支,koh去攑一支大支--e--來,結果班長無責任,拍第一个,有夠衰,m̄-bat hôngê乖囡仔,頭一擺食著「竹筍炒肉絲」。
庄跤囡仔͘-pîn來到街路讀冊,感覺足心適,一日四逝路,一逝半點鐘,攏是半行半走,無冊揹仔用包袱巾包,縛tiàm尻脊骿,走--起來chiâ扭掠,雖罔四年級,mām̄知影tio̍h-ài認真讀冊,將來‥‥‥,將來?將來是啥?
學年尾,來一个少年家仔,講boeh chhōa唱歌做遊戲,免讀冊kan-na耍,這我上愛,快樂三工後,翕一張團體相做記念,經過幾年了後chiah知影,原來是師範生leh實習,教啥乜記得了了,真正奇緣,留chit張相真正有記念性。

2018年5月11日 星期五

1950年代寫真:田中鎮第三國民學校二年級學生

1950年代寫真:田中鎮第三國民學校二年級學生









一九四九囡仔栽,無鞋thang穿赤跤來,戇戇à真歡喜,老師教阮ㄐㄑㄒ;
也無教阮台灣話,見講攏是北京語,ㄓㄔㄕㄖbē-liàn-tńgkâm-lān咬喙唇。
二零一八老人羶,面肉皺皺肚大掔,三分之一拍毋見,招同窗會僫實現;
有人chhōa孫真歡喜,有人暝日守電視,上好出門做運動,同窗相揣講過去。

2018年5月1日 星期二

輕輕鬆鬆讀台語 第八單元 第十五課 白賊七--à

輕輕鬆鬆讀台語 第八單元
第十五課      白賊七--à
白賊七--à 真愛講白賊,hau-siâu 話一直講,騙人gông-gông-se̍h
擺風颱天,伊騙厝邊隔壁ê 囡仔,m̄ 免去讀冊,hō͘囡仔tsiâ歡喜。m̄-koh 天光日逐家tsiah知影hō͘伊騙去,因為無去學校ê 囡仔攏hō͘老師罰寫宿題。
逐家tō 去罵白賊七--à ,白賊七--à kā 逐家會失禮:「我聽m̄ 著去,m̄ thiau-kang kā 恁騙。」
閣有擺,白賊七--à ùi 學校逃學轉去kā 厝邊ê 阿姆講:「恁囝A-Hông跋倒跤骨斷---à 。」害A-Hông怹阿娘緊張蹤去學校,tsiah知又閣去hō͘白賊七--à --去。
白賊七--à 仝款kā A-Hông怹阿娘會失禮:「歹勢,我看m̄ 著去,A-Hông跋倒,跤無斷--去。」
1 ê 禮拜日,白賊七--à peh 山,忽然間白賊七--à哀爸叫母喝救命:「我hō͘毒蛇咬著- -à ,趕緊來救--我!」
逐家知影白賊七--à 愛講白賊,hau-siâu 話烏白講,所以無tshap --伊,驚做又閣hō͘伊騙騙去。
白賊七--à 一直喝救命,喝足久,逐家tsiah 知影代誌大條,tsit擺白賊七--à--ê是真--ê,趕緊kā 送去病院,可惜siu--lò͘,醫生講:「hō͘蛇咬著hit 支跤著鋸掉。」
白賊七--à 聽著mà-mà 吼:「攏是我愛講白賊,hau-siâu話一直講,騙人gông-gông-se̍htsiah 會按呢生,後擺我m̄ --à !」
【註解】:
白賊七--à:愛講白賊話ê人。
gông-gông-se̍h[團團轉]
thiau-kang:故意。
蹤去:趕過去。
講白賊:[說謊話]
tshap--伊:[沒理他]