2014年4月22日 星期二

1950-2012_音樂、音響、sim-sek、sńg

19502012_音樂、音響、sim-seksńg    20121220_Lah-jih
Sim-seklehsńg ê過程。
Sńglehkài用心,kan-nā「好sńg--niā-niābē-tàng chiâⁿ做內行人來展寶。
音樂主要是leh講學校ê教學內容。
音響是lehLah-jih一生聽音樂ê家私頭仔,按怎leh chhia-poa̍h-péng

Iū-koh leh chhia-poa̍h-péng--àtiàm he電視櫃仔後壁壁堵lak hit-khangboeh創啥?」
「講hō͘bat,喙鬚to̍h好拍結,boeh chhng喇叭線起去樓頂--lah,按呢to̍h ē-sái-chit tī二樓房間聽音樂。」徛家樓仔厝kap隔壁兜無公家壁,壁堵kap壁堵中間làng 一縫,ē-tàng seh入去chhng喇叭線,樓頂安2粒鼓吹,ùi樓腳客廳主機分線接樓頂喇叭,按呢樓頂房間to̍h有音樂thang聽。有音樂thang聽,暗時to̍h加真好睏,1CD聽無5分鐘久to̍hkah kō͘ⁿ-kō͘ⁿ叫。
結婚20冬來,to̍hhak chitsiāng-kài貴,組合音響,有CD,有卡帶,有喇叭,開4萬箍新台票,超過1個月薪水,歡喜是真歡喜,滿足是真滿足,講著錢to̍h感覺疼tiuh-tiuh。窮實是看錢性命,實在是經濟ân-tòng-tòng,愛到--àphî-phî kap--e參詳chiah決定--ē。因為khǹg tī人客廳,boeh聽家己kahê古典音樂,總是較無方便,為著加一套,m̄-chiah家己天才想chit步,iū-koh--e ko͘-chiâⁿko͘-chiâⁿ追加1對喇叭。

有較高級音響thang聽,to̍h開始趣味看音響雜誌,研究聽音響ê智識,接線、定位、開機、保養、排疊⋯⋯  總講一句,to̍hboeh了解按怎pâi-thia̍p chiah-ē好聽,看音響雜誌siāng-àihe音響器材紹介,看主編ê分析趣味,ná kah意,m̄-koh若看著價賬,kha̍p-bē-tio̍h著十幾萬、幾十萬,siāng-sio̍k--è mā5-6萬箍,kan-nā想都siàu想,只有癮仙膏ê份。看清現實,改善現有ê器材較重要,chhiâu-sóa 喇叭位置、喇叭thiap跤尖  等等一寡撇步,若有一寡效果to̍h感覺心滿意足,m̄-chiah ē時常chhia-poa̍h-péng徙來徙去接來接去。

對好聽音樂聲感覺趣味,有記智ê年紀大概是tī 8-9歲時,囡仔時代常捷聽阿爸kap人挨弦仔唱七字仔,to̍h感覺真好聽,加減ē家己罔挨罔學,koh-iā小可挨有花字,差一點仔to̍h hō͘阿爸送去曲館學絃管。讀國校5年,頭一擺聽著老師彈風琴教阮唱歌,是第一擺接受西洋樂器,到讀初中chiah接觸著小吹聲、鋼琴聲、小提琴聲、品仔聲、口琴聲,聽著chia ê優美樂音,心內充滿新奇、趣味、欣羡,趣味是趣味,散赤保守ê庄腳囡仔是siàuboeh買啥物樂器來學。學校因為有琴聲ê伴奏,對唱歌koh-khah感覺心適愛唱,chiok-ài上音樂課,欣賞老師彈琴koh ē-tàng開嘴大聲唱歌。初二hit年,參加學校品仔隊,學ē-hiáu歕品仔,家己歕家己欣賞to̍h感覺足歡喜--è,有一工看隔壁班同學leh歕口琴,真好聽,to̍h探聽tī tó位買、gōa-chē錢,tiàm心內sìm幾若禮拜chiah決定寫批四兄討錢來買。讀師範學校時,bat聽過2擺演奏會,對ピアノ(鋼琴)、バイオリン(小提琴)產生真大欣羡,猶是仝款siàuboeh-ti̍h,一直到師範第三年下學期,lún-bē-tiâu慾望ê siàu想,chhân-chhân koh一擺寫批四兄討錢買1支バイオリン,可惜無錢倩老師教,只好家己「無師自通」學到put-tap-put-chhit。學音樂學無成,加減對樂理、樂器、演奏技巧有淡薄仔體會瞭解,chia-ê智識影響未來蓋大,m̄-nā ē-tàng tī學校彈琴教學生唱歌,mā ē-tàng休閒時間自我消遣gī-niū唱歌、欣賞音樂。
正規學音樂無koh siàu想,演奏樂器小可ē-tàng娛樂家己,欣賞音樂聽歌上趣味,聽音樂需要ラヂヲ(收音機)電唱機,厝前Chàn-seng-á in-tau有一台,有時聽電台放送,有時放唱片,伊koh-tī厝外安裝1粒喇叭pun人聽,每kái若聽著音樂聲,to̍h走去頭前門口埕bih-leh偷聽,聽kah耳仔phak-phak,放送--è攏是流行歌曲,是台語to̍h是日語,ài唱台語流行歌攏讀師範進前chit段時間無形中kah--起來èhit-tang-sîkah意聽文夏ê歌。
踏入社會做老師,開始有薪水領,有錢to̍h有信用,經過朋友紹介電氣行頭家賒一台6粒球仔êラヂヲ(收音機)kah電唱機,免保證用嘴chhóaⁿto̍h ē-tàng 分期thoaⁿ納,提早享受聽音樂ê趣味。
人講「食飯食俺爹,趁錢趁sai-khia」,我是趁錢家己開,食飯食飯坩中央,兄嫂攏無khe-khó,每kó͘月薪水若領,較儉著去唱片行買1-2塊烏膠唱片來聽。--來看朋友聽ステレオ立體聲,koh-khah siâⁿ人慾望,隔轉年iū-koh叫人組一組鐵殼仔8粒球仔立體音響,開去2-kó͘月較加月俸,將近boeh 2000箍,ステレオ立體聲有立體ê感覺,聲音ùi倒爿走kah正爿,ùi正爿走kah倒爿,實在希奇,聽he交響樂演奏kài-sêng聽現場,人聲、樂器聲pâi-thia̍p kah ná--em̄-nā心適koh加真好聽。thó-chè開錢ê結果,加減影響著家庭ê活力,厝內有音樂,增加少鬧熱,聽歌仔戲、聽布袋戲,年節鬧廳歕春,加真有氣氛,可能是chit款緣故,阿兄阿嫂m̄-bat阻擋計較--過。

做兵退伍娶某了後,責任自然來,早前hit組音響已經歹去,暫時敢想boeh hak--e,簡單買手捾音響暫度,有音樂thangto̍h好,規日無閒學校教冊kap chhōa囡仔、幫忙牽手經營西裝社,因為稅厝徛,無閒工心情sńg音響。10年經過hak第一間粉鳥櫥2樓厝,生活小可安定to̍h-koh開始siàu想高級音響,chit時已經進入卡式錄音帶時代,耳孔開始kéng-koai7-8千箍貨色bē-giàn聽,chiūⁿ萬以上閣無hit-lō才調,規氣閣等,成家結果to̍h是囡仔1-ê 1-ê來,生活開銷利不及費,無閒chông顧囝顧家ê生活中,一目nih iū-koh過去3-4冬,總--是有較chhun-chûn ê時陣,kap某參詳結果,台中看kah意一組3,0000箍綜合機兼一對喇叭,試聽已經試聽好勢,等待1點鐘後納錢交貨,siáⁿ知陪太太去台中公園se̍h 1-liàn了後soah「暗頭仔食西瓜  」反悔無boeh買,為著個人享受,開chiah濟錢實在開--去,經過koh-chài chhiau-chhōechiah117,000ê貨色,都也勉強滿意。

時間飛,除了固定月給以外,牽手經營ê西裝店幫贊真濟,囡仔會大,厝間猶原是粉鳥櫥,勉強koh1間半舊落30坪店面,整修後到徙入去tòa已經是半百年紀,配合人客廳簡單設備,to̍h1組環繞音響,有前聲道、後聲道、遙控、CDプレーヤー、卡帶,開去4,0000箍,chit聲真正進入「sńg」音響ê開始,過去hit段長ló-ló ê 20幾年來,對聽音樂、買音響ē-sái講充滿好奇、期待kap戇想--niā-niāchit-mái chit50瓦有環繞ê Amplifier hō͘人充滿期待。音樂會聽現場,樂團頭前台頂,樂聲是Stereo立體聲,左右分開,che Surround Sound環繞音響,人前後喇叭中間聽,he聲音是啥款感覺?是hit種四聲道音響?用想--ē --來,趕緊動手要緊,開始牽線後壁喇叭掛tiàm壁頂,線路接好勢,開機、khǹg CD,揀hit塊有 Surround效果--è,樂聲一出現,kui-ê客廳khin-khin khiang-khiangtin-tin tiang-tiang,前有後有,倒爿是提琴,正爿是鋼琴,猶有he鼓聲樂團ê後壁位置?ná-ē chiah心適chiah趣味,為著「好聲音」,開始chhiâu-chhe̍k喇叭位置,換訊號線、喇叭線,因為甘開錢,貴--è--去,效果當然有限,sńg無半年to̍h感覺ià-siān,猶是聽he Stereo立體聲較實在,為著家己hèng聽古典音樂,m̄-chiah加買一對喇叭,分線起去樓頂,m̄-chiah tiàm he電視櫃仔後壁壁堵lak-khang,真正是天才chiah-ē想著chit款撇步。

音響常識無底深坑,開機進前一定著檢查接線是是「正確」,開機進前音量需要「歸零」,chit種基本常識是kā hitSurround Amplifier sńg報銷--chiah知影ê智識。主機害去著換新--e,參考雜誌紹介去員林音響店試聽Orlle了後,開2,8000to̍h kā mo͘h--轉來,講著錢仝款開著疼tiuh-tiuhm̄-kohŏa」一聲to̍h知影開錢開了有價值,「che m̄-chiah是真正音響!」pá-tīⁿsio-lo̍h、低音bē hm̄ bē chak、高音尖,真正好聲,聽he流行歌,iù-jī、輕鬆、聽ē出演唱者ê個性、情感,聽he siōng-àiê古典音樂,koh-khah感動,Violin ê泛音柔軟mî-mîpianotēng-pak mé-chhè bē拖沙,聲音11chiâⁿ明,kui-ē樂團發出ê力頭power,是頭一擺感受著『帕華洛帝』hām『破瓦落地』ê精差是啥物?che是配合hit對細支B&W ê效果,o-ló兼觸喙舌,滿意度9.5。紲落去買CD來聽是重點,古典音樂較kah意熟似ê音樂家BeethovenChopinMozartVivaldi,西洋老歌、台語老歌、日本演歌,歌仔戲、南管kap現此時ê各種流行歌、演奏曲,聽若kahto̍h買,尤其是he發燒片、啥物幾粒星、TAS名盤,橐袋仔若飽飽隨時買轉來聽,耳孔聽kah ē出油,CD唱片11日濟,siáⁿ歹款,對音響器材要求愈來愈kéng-koai(揀乖),除了致重音質kap出力,開始斟酌大師劉漢盛所紹介「音響二十要」ê 超低音、音場、細節,一組無超過5萬箍ê器材,boeh要求精密品質是無可能,總--ē-tit聽著一寡éng-kòe m̄-bat聽著ê bass聲、微微ê伴奏聲,to̍h hō͘thiòng入骨髓,目bui,愈聽愈入迷,愈聽愈戇神,像食鴉片,音樂siâⁿ人迷茫ê關節tī chia,雄雄chiah發現作曲者、演奏者ê功夫ná-ē chiah-nī hō͘人欣羡敬佩。
人講「人心牛腹堵」,慾望永遠貯bē-tīⁿ,對樂聲ê追求從來m̄-bat滿足--過,牽--e看我聽kah chiah-nī注心滿意:「按呢滿意--à-ho͘ⁿh?」
「暫時真滿意!」
ah無後日boeh-koh--hio͘h?」
He當然!錢水若有夠額to̍h-ē koh siàu想較讚--è。」
10幾年來,牽--e一直建議「等較有錢--leh!等較有錢--leh!到時chiah買一組足讚足讚--è12ê喇叭,ē phōng koh-ē khiang--e」。伊boeh-thài-ē了解無音樂ê生活是gŏa-nī無聊gŏa-nī ta-sò ê日子,真正「講hō͘bat,嘴鬚to̍h好拍結」。

1994年開始趣味唱カラオケ(Karaoke)hitOrlleleh純聽音樂用,koh hak 1100瓦主機、大支喇叭kap VHS錄放影機、Echo混音機(迴音混音機)mài-khuh(microphone),開去5-6萬箍,che是規家口仔ê享受,開了chiâⁿ有價值。總--是對聽音樂ê要求m̄-bat停睏--ê我,1995年,有一工看著田中街路新開一間音響店,入去參觀熟似頭家楊--先生了後,知影是一般電氣行,to̍h pìⁿ-chiâⁿ店內常客,楊--先生囥步,hia得著真濟音響常識,koh ē-tàng tīê音響室得著印證,伊了解我對聲音ê要求真龜毛,錢koh--去,to̍h紹介1對二手貨 瑞士小喇叭Pawel Acoustics Ensemble,允准搬轉來厝--裡試聽,聽到滿意chiah決定boeh買抑買。真正好喇叭,一聽to̍h kah意,細支bóng細支,低聲真飽tīⁿ(),聽鼓聲tēng-pak肉聲,高音順耳,聽女高音iú-jī鑽入雲頂鑿耳,中音上滿意,甘甜nńg-lio̍h koh耐聽,聽久 ià-siān,試聽1禮拜決定留--落來,3ê價賬買10幾萬ê貨,tiông--tio̍h-à。無獨立聽音響室,只好家己ê睏房當做聽音響好所在,暗時牽--e tī樓腳看TV連續劇,家己to̍h tiàm樓頂房間聽音樂,迷醉音樂家、演奏樂團、演奏者、演唱者kap樂器之間ê對話
退休後第二冬,有一工網路拍賣市場影著17粒球仔ê綜合機,看價賬boeh6萬箍,心iū-koh浮動,手iū-koh ngiau-ngiau,真空管發燒機,因為價賬貴蔘蔘koh oh侍候,一直siàu想,忽然間看著chit20瓦真空管綜合機,chiah boeh6萬箍,上網路揣經銷商看詳細,風評bē-bái,原價9萬外,ē-tàng做後級連結,使用無夠1年,ē買得,to̍h按呢開始進入球仔ê發燒世界。無聽無比較to̍h像鼓井水蛙,開機了後to̍h知輸贏,是欣賞he球仔光影,是͘ he sio-lo̍h sio-lo̍h溫柔中閣有力頭ê聲音吸引,尾音ê延續chhèng高音自然無壓迫感,若是幼聲siu-soah,閣͘你聽kah一清二楚斷氣 koh明,顯出ê人聲是中氣十足,感覺ē出演奏者ê投入,聽ē出作曲家幼膩ê思想舖排,感動注神中敢喘氣,感動作曲者演唱演奏者ê天才kap苦練成果展現。真空管ê音樂輸出,人講是發燒管機,真空管ê痴迷者人講是發燒友,真正有影頭殼發燒phaí去?無聽過boeh-thài-ē了解,聽過了後chiah知啥物是樂聲,啥物是好聽,啥物是好物,啥物是High-End
Sńgto̍h好,sńg了過頭to̍h pìⁿ-chiâⁿ失去聽音樂ê趣味。Lóng是因為散赤,學琴學無成,學音樂mā kan-nā限制學校ê課表內,偏偏to̍h是對音樂聲有意愛,m̄-chiah 4-50年來,浸聲音ê要求、音響ê追求一直無pàng-soah,因為錢開較--,無法度真緊達到希望,因為bē-tàng滿足現實koh充滿向望,chiah-ē sńg bē-siānsńg bē-soahche mā是一種享受。
人生70外,sńg音響聽音樂超過50冬,現此時使用J.C.Verdier 220DE擴大機,Rega Apollo CD唱盤,Pawel Acoustics Ensemble瑞士小喇叭,假使--e koh一擺問講:「按呢滿意--à-ho͘ⁿh?」

「滿意!滿意!非常滿意!」應該是免考慮ê回答,雖罔心內猶原siàuhe百萬音響ê享受。