崁頭崁面，m̄知死活。

 崁頭崁面，m̄知死活。

Khàm-thâu-khàm-bīn: Hêng-iông chi̍t-ê lâng m̄-chai seⁿ-sí mn̂g, "m̄-chai sí-oa̍h" .

Khàm-thâu siān-hî/ Khàm-thâu-môa: Oa̍h siān-hî oa̍h môa khǹg tiàm tīm-tâng-á lāi-bīn tīm, m̄ chai-iáⁿ sí-kî í-keng kàu. "M̄-chai sí-oa̍h" .

Chhit-goe̍h-pòaⁿ ah-á: "M̄-chai sí-oa̍h". Thoân-thóng pài sîn-bêng thâi ke chò seng-lé. Nā chhit-goe̍h-pòaⁿ pài hó-hiaⁿ-tī-á, thâi ah-á to̍h hó.

Hô͘-sîn tì lêng-kéng khak: Khám-thâu-khám-bīn, m̄-chai sí-oa̍h. Lêng-kéng châng kha, bán lêng-kéng chia̍h lêng-kéng, lêng-kéng khak peh chò nn̄g pêng tàn kui-tui, siâⁿ lâi hô͘-sîn sio-cheⁿ chn̄g, chit-ē bô-sè-jī, lêng-kéng khak tò-péng, hô͘-sîn to̍h khàm-thâu-khàm-bīn.

感謝！

感謝：

感謝Tá-káu Tâi-gí-bûn Chhiok-chìn Hia̍p-hōe（打狗台語文促進協會）

起造《作田人博物館》《台灣俗語鹹酸甜》網站

今仔日2023台灣羅馬字協會年會賞chit張獎狀ê肯定kap鼓勵

實在chiâⁿ歡喜

網站link https//:siaulahjih.github.io/ChohChhanLang/

歡迎來參觀khioh寶，感謝！

Bun米糕、Bun油飯、燖米糕：

 Bun米糕、Bun油飯、燖米糕：

古早用生鍋燜，生理人kō͘籠床炊。

Bun bí-ko: Tn̂g chu̍t-bí chham khiàn-phang chhá phòe-liāu, chiah iōng seⁿ-oe bun se̍k.
Bun iû-pn̄g: Tn̂g-chut-á kō͘ seⁿ-oe bun se̍k, a̍h-sī iōng lâng-sn̂g chhoe se̍k; Phòe-liāu khiàn-phang chham môa-iû chhá se̍k; Koh lâi ka hē tiàm tōa-tiáⁿ chhiau-chhiau pōaⁿ-pōaⁿ hō͘ chiâu, to̍h-sī iû-pn̄g/ môa-iû-pn̄g.
Tīm bí-ko: Tn̂g-chu̍t-á lām lêng-kéng-bah, thn̂g, hē tiàm tīm-tâng-á khǹg tī seⁿ-oe lāi tīm.
Bun米糕是日常keⁿ-tǹg，Bun油飯是嬰做12日hēngchhin-chiâⁿ 厝邊，燖米糕是tīm hō͘老人、gin-a食膀胱無力，kāu尿chhōa尿。
油蔥、鰇魚、香菇、薑母、豬肉......是上chia̍p用ê配料。
相片油飯1 kheh-á 50 kho͘，koh ū lām iân-sng/ iân-sui/芫荽。Chiok好食。