關係入聲變調ê問題：4h>2；8h>3有問題。

關係入聲變調ê問題：4h>2；8h>3有問題。

簡單講入聲變調是：4>8；8>4。4ptkh>8ptkh；8ptkh>4ptkh。

p、t、k、h只是韻尾記號，無聲。

所以4ptk>8ptk；8ptk>4ptk。

當然4h>8h；8h>4h。意思就是h韻尾記號ài保留。

有人講解做4h>2；8h>3。按呢有問題，為啥物？

1、4h>8h變調了後ê音值kap 4h>2仝款，若直接講做4h>2，實在無妥當。因為人若問講第二聲ê原調是第幾聲？bueh按怎回答？第三聲？第八聲？

2、8h>4h變調了後ê音值kap 8h>3仝款，若直接講做8h>3，實在無妥當。因為人若問講第三聲ê原調是第幾聲？bueh按怎回答？第五聲？第七聲？第八聲？

Tī教學討論中，bueh講解4>8；8>4變調問題，下面ê例ē使得做參考。

骨：kut，bah-kut，kut-tshué>kút tshué。肉骨，骨髓。

肉：bah，ti-bah，bah-kut>báh kut。豬肉，肉骨。

熟：sik，sîng-si̍k，si̍k-sāi>sìk sāi。成熟，熟似。

著：tio̍h，m̄-tio̍h，tio̍h-kâu>tiòh kâu。毋著，著猴。