咱來造句：

1.        chok-gia̍t(作孽)：〔狡怪愛創治人〕造句：你chit-ê 囡仔chiah chok-gia̍t，mài 創治--人，敢bē 使得？

2.       chok-koài(作怪)：〔胡鬧〕造句：閣chok-koài，等--一下你就皮疼！會hō͘ 人拍

3.        chia̍h-la̍t(食力)：〔糟糕〕造句：Taⁿ！tio̍h chia̍h-la̍t！愈補愈大空！beh 按怎？(這下可糟糕了)

4.       chiâⁿ-mi̍h(成物)：〔像樣子〕造句：收成bē-bái--ō͘！ā 有！m̄ chiâⁿ-mi̍h 啦！chiah 成百斤--niâ！造句：做人kah 若是chiâⁿ-mi̍h！哪會去做chit 款sià-sì-chèng ê 代誌！

5.        chau-that(蹧躂)：〔諷刺〕造句：你講chit 款話，未免太過chau-that 人。

6.       cha̍p-liām(雜念)：〔話太多，囉嗦〕造句：你chit-ê 人bē 輸澎湖菜瓜----cha̍p-liām。(十捻，十瓣)

7.       chih-chuh：〔愛捉弄人〕造句：你mài chiah chih-chuh 好--bò！人囡仔本來tī-hia 歡喜ieh chhit-thô，予你創治kah 哭lê-lê。

8.        chàu-kha(灶跤)：〔廚房〕造句：bú--à tī灶跤leh無閒煮食。

9.       cháu-chông(走傱)：〔奔波經營〕造句：阿爸四界chhōe 人cháu-chông，看有法度解決chit 件代誌--bò！

10.      chím-mái(這滿)：〔chit-mái/chit-má /現在〕造句：Chím-má 無閒，聽候--一時à，好--bò？