恭喜三潭國小60週年校慶：

恭喜三潭國小60週年校慶：

恭喜三潭國小60週年校慶：
六十週年一甲子，三潭校慶真歡喜，長官貴賓踏跤到，大細校友滿滿是；
也有弄獅做體操，文武才藝展透透，呵咾掌聲響無停，校長老師用心厚。

北學校是古早名，第三國校有名聲，徙去外三變明禮，校址改屬第一校；
分校主任陳新曲，認真經營真斟酌，一九五六換新名，三潭國校好結局。

一九四八一年生，學校長是陳成章，兩棟木造的教室，赤腳年代怯性命；
一九六二回母校，家鄉子弟感情厚，毋敢耽誤咱囝孫，認真拍拚逐項包。

今逢校慶回母校，看著學生真活跳，校園美麗好讀冊，年年進步名聲透；
感恩母校的栽培，母校永遠是咱的，感謝校長佮老師，感謝有你三敬禮。

感謝 蕭校長 各位老師 各位志工 10161224

師範學校出業，轉來母校服務15冬，1年到6年，升學班、級任、科任，音樂、勞作、寫字、畫圖、自然、作文攏bat教，斯當時師範教育師資養成，真正18搬武藝，件件攏有二步六--à。chit-mái ê老師較專職，學術學了較深入。