輕輕鬆鬆讀台語 第五單元 第二課

輕輕鬆鬆讀台語 第五單元 第二課 一隻釣魚翁 一隻釣魚翁，徛tī 魚池仔邊ê一欉苦楝仔樹頂， tiām-tiām徛tī hia，一直攏無tín 動， kan-na 目睭金金siòng，siòng對魚池hit 旁， 魚池內底有魚仔leh tshit-thô ，泅來泅去， 大尾魚tsiah 大尾，釣魚翁看著會驚， 細尾魚傷細尾，匿tiàm 大尾魚ê 下跤，m̄ 敢泅tī 水面， 釣魚翁猶是金金siòng，寬寬仔leh 聽候， 突然間，機會來--lò，一尾細尾魚泅出水面， 釣魚翁跤手猛掠，隨時tso̍k--落去， 聽候飛倒轉來樹仔頂ê時，伊ê 喙裡已經咬一尾魚。 【註解】： 釣魚翁：tiò-hî-ang，[翠鳥] 徛tī ：[站在] 苦楝仔：khó͘-lîng-á 。 tiām-tiām徛tī hia：[靜靜站在那兒] siòng：[看準] tín 動：[搖動] kan-nā ：只是。 目睭金金siòng：[眼睛注視] hit 旁：[那一邊] 匿tiàm ：[躲在] 猶是：iáu-sī [仍舊]。 寬寬仔：khuaⁿ-khuaⁿ-á ，[慢慢的] 泅：siû ，[游泳] 聽候：等候。 tso̍k 落去：[如箭般的射下] 緊：kín ，[快]