Chheⁿ-á-châng chi bāng: 20180823_Lah-jih

Chheⁿ-á-châng chi bāng:  20180823_Lah-jih

1、

Lò-sia̍k-sia̍k khiā-thêng-thêng

Boeh khòaⁿ kong-kéng góa siāng-bêng

Hn̄g-hn̄g sī pat-kòa-soaⁿ  kīn-kīn sī chhân-hn̂g

Lông-bîn sin-khó͘ chia̍h gō͘-tǹg

So-chháu koah-tiū  chhiú sng kha nńg

Thàu-chá chhut-mn̂g tio̍h kàu ji̍t-hông-hun

Chheⁿ-á-châng khòaⁿ chiok-kú  siòng chin-hn̄g

Kó͘-chá kàu-taⁿ  tō-sī choh-chhân-lâng siāng sim-sng

2、

Chheⁿ-á-châng góa pún-sèng

Boeh chò sit-thâu góa siāng-hèng

Chá-chá sûn chhân-chúi  òaⁿ-òaⁿsûn âm-khang

Chá-àm kut-la̍t ke chi̍t-kang

Chhân-thô͘  iām-ji̍t chhiah-ia̍h  kōaⁿ-lâu

Ji̍t-ji̍t sio-liân  siāng-kiaⁿ ji̍t-tiong-tàu

Chheⁿ-á-châng  thó͘-ti̍t sèng pì-sù chêng

Sai-nai chhùi-súi  tō-sī choh-chhân-lâng siāng bē-cheng

菁仔叢之望：

一、

躼sia̍k-sia̍k 徛挺挺

欲看光景我上明

遠遠是八卦山  近近是田園

農民辛苦食五頓

挲草割稻手痠跤軟

透早出門著到日黃昏

菁仔叢看足久相真遠

古早到今  就是作田人上心酸

二、

菁仔叢我本性

欲做穡頭我上興

早早巡田水 晏晏巡涵孔

早暗骨力加一工

田塗炎日刺疫汗流

日日相連上驚日中晝

菁仔叢土直性閉思情

司奶喙水 就是作田人上袂精