057Pan-kah（斑鴿）＞斑頸鴿＞Spotted-necked Dove.

057Pan-kah（斑鴿）＞斑頸鴿＞Spotted-necked Dove.

斑鴿（pan-kah）是斑鴿（pan-kap）ê走音，台灣通史：「家鴿，俗稱粉鳥。野鴿，俗曰，斑鴿。」

斑鴿，因為頷頸仔後有白色ê珠仔形噴點花，ná像食菜人掛ê佛珠，所以閣叫做「數珠仔」抑是「掛珠仔」。

斑鴿，差不多逐四界攏有，平地、山坪，庄跤、都市，學校、公園攏有伊ê叫聲「久、久、久」，一直吼一直tìm頭。植物性食物是主食，嘛愛食草仔籽。

聽候斑鴿若吼，就是講猶閣真久ê意思：「久、久、久」。