登彩虹瀑布：

登彩虹瀑布：之一

明知chúi-chhiâng無彩虹，山坪猶原青蘢蘢，

落雨答滴山路滑，雙人慢步跤無停。

河溪缺隙水沖落，見證兩老愛情好，

驚人m̄知大聲喝，盤山過嶺一直褒。

登彩虹瀑布：之二

白色chúi-chhiâng天頂lak，千軍萬馬bē齷齪，

哥哥妹妹鬥陣行，紅塵俗事放挕捒。

自然交響深山內，旋律節奏無牽礙，

只要有情閣有愛，自自然然上和諧。

登彩虹瀑布：之三

搪著落雨天，瀑布咱獨享，

雖罔無彩虹，兩人ê清閒。

來回兩點鐘，peh崎時時停，

落崎雨水滑，chiah知依倚情。