老歲仔團湘西張家界9日遊----第五工：
期待「張家界」ê特殊山景tit-bueh出現，導遊講今仔日to̍h-bueh上山看奇景，每年tsit-ê時陣遊客是人山koh人海，kan-nā入門排列to̍h-ài排kui點鐘甚至2點外鐘，除了對門票koh-tio̍h檢查身份證明，非常嚴格ku-sui，逐家tio̍h-ài kā門票身份證tsah-hō͘好勢，m̄-thang phàng見。咱ê團員tuè hō͘ tiâu，m̄-thang hō͘人插隊，家己ê皮包、揹仔tio̍h顧hō͘ ân，驚做有剪綹仔(tsián-liú-á)。
今仔日bueh去天門山森林公園，ē先坐流籠上山，山頂有玻璃棧道、鬼谷棧道、天門洞景點，落山坐電梯。另外kā逐家報告，因為公司臨時通知，ing暗tio̍h換旅館，所以行李先囥上車，ing暗ê旅館連紲bueh tuà 3暝，離風景區較近，好bái到時tsiah-ē知，實在不得已。
講suah，鄉親to̍h會bē-suah，小可有怨言，也bueh賣物件，也bueh換旅社，也bueh kā咱háⁿ，騙人m̄-bat出國tshit-thô，講kah hiah-nī恐怖⋯
咱是m̄-bat tuè團旅遊，啥乜是著，啥乜是m̄著，咱是bē-hiáu判斷，總--是出外生份所在，聽導遊ê話to̍h無m̄著，所以kan-nā tiām-tiām聽人leh會，m̄敢出聲加講話。
Tsit-pái ê旅遊，pún-tsiâⁿ著注心定，人行tùe人行，人上車tùe人上車，斟酌導遊ê交代去向，家己tuè hō͘ tio̍h陣，牽手顧hō͘好勢，無要緊ê pué-huē盡量mài kap人會、mài kā人tshap，做一个無聲無說ê老歲仔人，隨時斟酌家己身體狀況，m̄-thang bē記得，看是老神在在，真正是家己ê自私心態。
今仔日bueh去天門山森林公園，ē先坐流籠上山，山頂有玻璃棧道、鬼谷棧道、天門洞景點，落山坐電梯。另外kā逐家報告，因為公司臨時通知，ing暗tio̍h換旅館，所以行李先囥上車，ing暗ê旅館連紲bueh tuà 3暝，離風景區較近，好bái到時tsiah-ē知，實在不得已。
講suah，鄉親to̍h會bē-suah，小可有怨言，也bueh賣物件，也bueh換旅社，也bueh kā咱háⁿ，騙人m̄-bat出國tshit-thô，講kah hiah-nī恐怖⋯
咱是m̄-bat tuè團旅遊，啥乜是著，啥乜是m̄著，咱是bē-hiáu判斷，總--是出外生份所在，聽導遊ê話to̍h無m̄著，所以kan-nā tiām-tiām聽人leh會，m̄敢出聲加講話。
Tsit-pái ê旅遊，pún-tsiâⁿ著注心定，人行tùe人行，人上車tùe人上車，斟酌導遊ê交代去向，家己tuè hō͘ tio̍h陣，牽手顧hō͘好勢，無要緊ê pué-huē盡量mài kap人會、mài kā人tshap，做一个無聲無說ê老歲仔人，隨時斟酌家己身體狀況，m̄-thang bē記得，看是老神在在，真正是家己ê自私心態。
▲來到武陵源入門喙，人聲kā-ka̍p，遊客kā-kā滾，彎彎斡斡幾若斡tshiān欄(tshiān-nuâ)已經排到欄外去，趕緊tùe人排，半點鐘to̍h過門入園，導遊催阮早起床早出門是有道理--è。
△天門山森林公園海拔1518米，坐liû-lông(溜籠)tsiūⁿ山超過半點鐘，liû-lông總長7455米，坐佇車箱內，ná看風景ná錄影翕相，愈peh愈kuân愈來愈雺霧，窗外雨滴tsa̍h著山景，啥乜lóng無khuàiⁿ，來到山頂趕緊穿雨幔，有人急急便所，有人哀哀tsa̍p-tsa̍p，總--是喝行猶原著行，山路當然無闊，細膩徙跤，斟酌看路，hó-ka-tsài雨滴已經sap-sap-á落，來到出名驚險「天空步道」，講 著換鞋套tsiah ē-tàng行過60米長ê玻璃棧道，棧道下跤烏lang-lang，m̄知山坑仔有外深，可惜--à可惜，千里迢迢來到tsit，to̍h是bueh享受驚死人ê趣味，siáⁿ知毛毛仔雨，玻璃bē thang光(通光)，啥乜m̄敢看、跤ē軟攏無發生，tsham bueh翕相to̍h翕bē明。
行過60公尺，來到鬼谷棧道，雨小可較細，人濟只有前進前進bē-tàng倒退，ná進前ná翕相，趁有機會趕緊探頭看出欄杆(nuâ-kan)外，iáu-siū--o͘！遠遠是山，下面是烏lang-lang，深 無khuàiⁿ底，越頭看正爿棧道下跤，koh越頭看倒爿棧道下旁，驚死人，真正看著ē驚，看著ē起雞母皮，原來棧道是按呢起造。
看he山壁是石壁tīng-khok-khok、khiā-thîng-thîng，是師傅kā石壁挖孔tsiah-kā鋼筋紅毛土橫杙插入固定，技術性ê話語咱是bē-hiáu形容，總--是ân-tòng-tòng ê橫杙仔做路基，面頂tsiah舖紅毛土抑是打馬膠做路，米外闊，m̄是kài狹，相閃身無問題，行--起來 雖罔彎彎斡斡，卻是平坦bē tak-khê。
毛毛小雨無想bueh停，人客有夠濟，逐个穿雨幔，也有攑雨傘，suah pìⁿ-tsiâⁿ相閃身小可ē相kheh相挨，好景點相爭bueh翕相，雖罔人聲kī-ka̍p，並無相嚷冤家，互相相讓互相尊重風度thang-tit呵咾。
天門山頂天門洞，ná-ē tsiah怪奇，天然sio-thàng(相迵)ê山洞，懸拄天闊莽莽，若無攑頭m̄知影稀奇，聽講表演飛龍機bat飛過山洞，真正轟動。天門洞是遊覽上懸所在，閣來to̍h是bueh落山，ē使得行落崎999 khám(坎)ê石坎，mā ē使得坐13支(？)紲接ê電梯。tsit時有人想bueh試跤力建議行路落崎，我是無意見，結果導遊講既定路程是坐電梯，行路ê人tsiah tī廣場小等。
He電梯是舖造tī趨趨磅空內，舖設親像高鐵、捷運彼款崎度ê斜梯，一爿上山一爿落山，總共10幾支相紲，中間有平台，一支接過一支，將近700公尺，工事有夠大，真正大開眼界，坐山洞內電梯ê經驗比行坎仔較有價值。
來到天門洞廣場停留20分，攑頭看天門洞，樓梯1坎1坎密tsiuh-tsiuh，落崎peh崎人影近遠差真濟，看起來kài-sîng用大倍數ê召鏡看著ê影像。徙跤koh看山跤，彎彎斡斡大約10公里ê公路，kan-nā看，人 to̍h-ē gông，何況坐車落山彎斡驚險ê當下感受，奇怪--neh？規車無人喝咻，原來阮是「過橋較濟你行路，食鹽較濟你食米」ê老不修。
轉來到旅社，時間猶早，安排參觀隔壁「軍聲畫院」，he是在地私人展覽，1幅1幅ê圖lóng是半立體浮畫，材料是在地砂石、木材、竹仔，tsiâⁿ特別tsiâⁿ-súi，tsiâⁿ有藝術天才，只有參觀，無人交關，歹勢。
Ing暗看「魅力湘西秀」，分室內室外兩場，室內彼場，現代科技聲影技術盡展，好聽有力ê音響，五花十色ê燈光，配合舞蹈歌聲tsham故事，比「狐仙秀」較kah意欣賞，第一齣ê大鼓表演，power飽滇，印象真深。道士趕殭屍hit幕，精彩ê風土味kài強，hō͘人淡薄仔怪奇淡薄仔恐怖淡薄仔驚奇。
Ing暗tuà武陵源賓館，有影比昨暝彼間較新較四序， m̄-thang嫌。
△天門山森林公園海拔1518米，坐liû-lông(溜籠)tsiūⁿ山超過半點鐘，liû-lông總長7455米，坐佇車箱內，ná看風景ná錄影翕相，愈peh愈kuân愈來愈雺霧，窗外雨滴tsa̍h著山景，啥乜lóng無khuàiⁿ，來到山頂趕緊穿雨幔，有人急急便所，有人哀哀tsa̍p-tsa̍p，總--是喝行猶原著行，山路當然無闊，細膩徙跤，斟酌看路，hó-ka-tsài雨滴已經sap-sap-á落，來到出名驚險「天空步道」，講 著換鞋套tsiah ē-tàng行過60米長ê玻璃棧道，棧道下跤烏lang-lang，m̄知山坑仔有外深，可惜--à可惜，千里迢迢來到tsit，to̍h是bueh享受驚死人ê趣味，siáⁿ知毛毛仔雨，玻璃bē thang光(通光)，啥乜m̄敢看、跤ē軟攏無發生，tsham bueh翕相to̍h翕bē明。
行過60公尺，來到鬼谷棧道，雨小可較細，人濟只有前進前進bē-tàng倒退，ná進前ná翕相，趁有機會趕緊探頭看出欄杆(nuâ-kan)外，iáu-siū--o͘！遠遠是山，下面是烏lang-lang，深 無khuàiⁿ底，越頭看正爿棧道下跤，koh越頭看倒爿棧道下旁，驚死人，真正看著ē驚，看著ē起雞母皮，原來棧道是按呢起造。
看he山壁是石壁tīng-khok-khok、khiā-thîng-thîng，是師傅kā石壁挖孔tsiah-kā鋼筋紅毛土橫杙插入固定，技術性ê話語咱是bē-hiáu形容，總--是ân-tòng-tòng ê橫杙仔做路基，面頂tsiah舖紅毛土抑是打馬膠做路，米外闊，m̄是kài狹，相閃身無問題，行--起來 雖罔彎彎斡斡，卻是平坦bē tak-khê。
毛毛小雨無想bueh停，人客有夠濟，逐个穿雨幔，也有攑雨傘，suah pìⁿ-tsiâⁿ相閃身小可ē相kheh相挨，好景點相爭bueh翕相，雖罔人聲kī-ka̍p，並無相嚷冤家，互相相讓互相尊重風度thang-tit呵咾。
天門山頂天門洞，ná-ē tsiah怪奇，天然sio-thàng(相迵)ê山洞，懸拄天闊莽莽，若無攑頭m̄知影稀奇，聽講表演飛龍機bat飛過山洞，真正轟動。天門洞是遊覽上懸所在，閣來to̍h是bueh落山，ē使得行落崎999 khám(坎)ê石坎，mā ē使得坐13支(？)紲接ê電梯。tsit時有人想bueh試跤力建議行路落崎，我是無意見，結果導遊講既定路程是坐電梯，行路ê人tsiah tī廣場小等。
He電梯是舖造tī趨趨磅空內，舖設親像高鐵、捷運彼款崎度ê斜梯，一爿上山一爿落山，總共10幾支相紲，中間有平台，一支接過一支，將近700公尺，工事有夠大，真正大開眼界，坐山洞內電梯ê經驗比行坎仔較有價值。
來到天門洞廣場停留20分，攑頭看天門洞，樓梯1坎1坎密tsiuh-tsiuh，落崎peh崎人影近遠差真濟，看起來kài-sîng用大倍數ê召鏡看著ê影像。徙跤koh看山跤，彎彎斡斡大約10公里ê公路，kan-nā看，人 to̍h-ē gông，何況坐車落山彎斡驚險ê當下感受，奇怪--neh？規車無人喝咻，原來阮是「過橋較濟你行路，食鹽較濟你食米」ê老不修。
轉來到旅社，時間猶早，安排參觀隔壁「軍聲畫院」，he是在地私人展覽，1幅1幅ê圖lóng是半立體浮畫，材料是在地砂石、木材、竹仔，tsiâⁿ特別tsiâⁿ-súi，tsiâⁿ有藝術天才，只有參觀，無人交關，歹勢。
Ing暗看「魅力湘西秀」，分室內室外兩場，室內彼場，現代科技聲影技術盡展，好聽有力ê音響，五花十色ê燈光，配合舞蹈歌聲tsham故事，比「狐仙秀」較kah意欣賞，第一齣ê大鼓表演，power飽滇，印象真深。道士趕殭屍hit幕，精彩ê風土味kài強，hō͘人淡薄仔怪奇淡薄仔恐怖淡薄仔驚奇。
Ing暗tuà武陵源賓館，有影比昨暝彼間較新較四序， m̄-thang嫌。
△武陵源。
△天門山門票。
△上山流籠(liû-lông)。
△玻璃棧道(棧道)。
△電梯(電梯)[電動手扶梯]。
△天門山。
△99斡peh山公路「通天大道」。
△祝賀結婚牌樓。
△攑雨傘o͘-tó͘-bái。
沒有留言:
張貼留言