漫談台語流行歌「倒音」問題：

漫談台語流行歌「倒音」問題：

倒音tó-im，m̄是tò-im，倒音tō是歌詞音韻kap音樂旋律升降無合，聽無歌詞ê意思，親像「cha-po͘-lâng ê kōaⁿ 5555 5」譜曲做「cha-po͘-lâng ê koaⁿ 5555 6」，kōaⁿ汗是第七調中平調，koaⁿ肝是第一調高平調，結尾ê旋律高平調soah用中平調ê「汗」做結束，「查埔人ê汗」soah變做「查埔人ê肝」。
公視台語台「話山話水話玲瓏」有leh探討台語歌曲「倒音」ê問題，是一个好現象，周杰倫、荒山亮ê作品ē-tàng接受澎恰恰ê稽考探討，值得咱kā尊敬。有針對真實作品提出批判，對台語歌ê創作定著有正面ê幫贊，值得台語歌創作者參考。
下面是用台語歌〈雨夜花〉做例，點出旋律歌詞「倒音」ê所在，總--是名曲有伊出名ê理由，旋律優美、歌詞有意境，雖罔出現「倒音」現象，並無影響伊ê藝術價值。
蕭平治m̄是科班出身，只是提出個人看法，向望台語音韻kap作曲內行ê朋友，ē-tàng提出正確觀點。