唸家鄉： Lahjih 歌詩

唸家鄉：                Lahjih 歌詩 20200224

出外人 唸家鄉 心情重        舊情人 囡仔伴 咧眠夢

拈田嬰 灌杜猴 爬樹欉        今仔日 踮外庄 目箍紅

春天去 熱天來                     戴瓜笠 播田兄 無看見

秋天到 冬天時                     四界揣 目屎滴 偆記智

姑不將 著出外 不得已        為家庭 為某囝 著趁錢

做生理 欠本錢 無捨世        臨時工 罔趁食 度時機

日也想 暝也想                     想某囝 想爸母 想鄉親

早一日 有成就                     轉鄉里 解相思 袂陷眠

日也想 暝也想                     半暝時 睏袂去 目屎滴

春天去 冬天來                      罔期待 有一日 轉鄉里