平凡偉大的母親

平凡偉大的母親 蕭專琴(屘叔蕭平治修改做台語文2009/9/26)
平凡偉大阮媽媽，個性有量客氣無輸阮爸爸，厝邊隔壁人呵咾，佮人做夥，從來毋捌佮人計較siannh。
伊一生勤儉持家養育阮一家，辛苦栽培阮讀冊，雖然艱苦嘛無怨嘆後悔，日子猶原歡歡喜喜一工一工過。
媽媽時常講阮攏是伊的心肝寶貝，阮嘛認為媽媽是真古錐的老人家，有時會講囡仔話，有時閣會鼓勵孫--ê著認真讀冊。
媽媽年老身體虛弱已經一年外，無法度行路，嘛袂記得真濟代誌佮艱苦，每日坐店撐椅頂，恬恬無半句話，毋知影伊心內想啥貨？
好佳哉有大兄輝虎、大嫂秋菊佮二姊惠方認真咧照顧，才予阮佇外地的大姊小妹會當安心做工課。
阮攏真向望會當一直守護阮的寶貝媽媽，毋過媽媽親像已經揀好日子，欲歸依阿彌陀佛去西方極樂世界，煞袂記得共阮講，就按呢佇平靜安祥中恬恬離開。
媽媽！今仔日真濟親情、朋友佇遮送你離開，你著mài閣為阮操煩掛心，放心追隨阿彌陀佛去吧！oo-mí-tōo-hu̍t！

[面向親情、朋友行禮答謝]
各位親情朋友，感謝逐家歡喜送阮媽媽離開，感謝過去逐家對阮蕭--家的愛護痛疼，感心在心內。向望今後各位親情朋友，會當繼續支持阮兄弟姊妹，共阮疼惜，共阮牽教。祝福逐家事業順利，家庭平安。感恩！