第六課 無愛食飯歌
阮老師真趣味，昨昏kā 阮教食飯歌，講阿母煮ê 三頓上好食，叫阮m̄-thang 『偏食』揀食， tsit-mái 又閣教阮「無愛食飯歌」，予阮唱kah
真心適真合意。
老師講：「食飽tō無khá 」，腹肚若枵，啥物攏好食，腹肚若飽，逐項嘛歹食。放學轉去ê 時，恁tō愛唱「食飯歌」，m̄-thang 唱「無愛食飯歌」，若hō͘ 媽媽無歡喜，你tō無飯thang 食，m̄-thang 講老師害你--ê-ō͘ ？」
咱來唱看覓，有影足趣味--ê neh ！
無愛食飯歌：
我無愛食飯，我無愛食飯，腹肚bē 枵，腹肚bē 枵，
雞肉豬肉無好食，青菜豆腐無好食，我無愛食！我無愛食！
我無愛食飯，我無愛食飯，腹肚bē 枵，腹肚bē 枵，
牛奶肉包歹食，豆奶饅頭歹食，我無愛食！我無愛食！
我無愛食飯，我無愛食飯，腹肚bē 枵，腹肚bē 枵，
雞卵鴨卵無好食，魚仔蝦仔無好食，真歹食！真歹食！
【註解】：
無愛：bô-ài ，合音唸（buaih ）。
合意：kah-ì 。
第七課 狗蟻真kut-la̍t
káu-hiā tiō是『螞蟻』，tī 厝內四界趖，四界tshūe 食，非常無閒。
狗蟻母tiō是蟻王，逐日匿tiàm
岫內，負責生卵m̄ 免做工課，兵蟻保護安全kap 相戰，上kut-la̍t ê 工蟻，逐日攏扑拼做工，tshūe 食物、做岫、飼狗蟻囝，無閒tshih-tshih 。
狗蟻實在真無閒，真勤快，真扑拼，
狗蟻實在真kut-la̍t ，閣有禮貌。
tn̄g 著面，tìm-tìm 頭，相借問，『問問好』。
狗蟻實在真kut-la̍t ，閣有禮貌。
狗蟻ê kut-la̍t 、勤快、扑拼閣有禮貌ê 行為，是咱上好ê 模範，咱愛kap
狗蟻學，認真讀冊，對人有禮貌，做一個乖巧ê 好學生。
【註解】：
狗蟻：káu-hiā [螞蟻]
蟻王：gí-ông。
kut-la̍t ：勤快，扑拼
tn̄g 著面：[碰到面]
tìm-tìm 頭：[點點頭]
沒有留言:
張貼留言