2021年7月30日 星期五

Chúi 水

Chúi 水

 









Chúi 水

Ū iáⁿ 有 影
Súi 媠
Chheⁿ-á 菁仔
Bô hong 無風
Bē iô 袂搖
Tiām-tiām tiām-tiām 恬恬 恬恬
Hip-joa̍h 翕熱
La̍k-goe̍h-thiⁿ 六月天
Choh-chhân-lâng 作田人
Bîn-bāng 眠夢

2021年7月21日 星期三

台語人ê智慧:Lahjih

 台語人ê智慧:Lahjih

【人力不及天惠。】

人無gâu是天kap你做對頭。

【分配不均,紛爭不息。】

bē平,m̄-chiah冤家lô-chè

,分配若公平,自然bēche

bē-pêphah到二九暝。

【夫妻爭吵尋常事。】

床頭相phah床尾和,嘴齒咬舌siá人無。

Ang婆,ang婆,ē冤家ē相褒,ta̍k日好chhit-thô

【生而為人,難得樣樣完美,事事如意。】

人生是苦,1人煩惱1代,酒色財氣上厲害。

【老天不下雨,人無生計。】

天公落雨,百姓beh siá步。

「人定勝天」,是leh逆天,順其自然,合該然。

【初為人父母,方知父母情。】

做人父母,chiah知父母苦。

kha母心,做人chiah知父母情,kám bē siu慢!

【單身無家累固然愜意,有朝一日病痛則叫苦連天。】

「單身貴族」,趁錢ka-tī用,真快樂;食老無某無猴,siákā侍候。

無娶,衫破ka-tī補。

To̍h是有kóa少年人,時想bē開,-chiah有冤死鬼。

少年為情為愛,無你khah慘死,認識無夠,分手無gâusoah來吊tāu,放水流。

【亂世之風,顛倒是非,不循天理規則。】

天地顛倒péng

勸人修心積德,-thang迷信風水。

勸人做人講話tio̍h謹慎,以免傷害人,起屁面。

 

2021年6月26日 星期六

【益春留傘】:南管佮歌仔戲文比較

 【益春留傘】:南管佮歌仔戲文比較        蕭平治漢羅電腦拍字 1995.9.28.

 

這是蕭平治老師將【益春留傘】ti7 南管kah 歌仔戲內面無仝e5 戲文表達方式所作e5 比較研究。

 

益春留傘(南管荔枝記第26 集)

 

益春留傘(歌仔戲陳三五娘)

 

【益   傘】(南管荔枝記第26 集)蕭平治漢羅電腦拍字 1995.9.28.

 

 [根據吳守禮教授著:清光緒間刊「荔枝記」校理e5 原文,用Ho7 -Lo2 台文改寫並做註解]

 

【戲文】: 

 

【陳三上】「為著人情無teh 比,趁早收拾轉鄉里;

 

【益春上】看你心腹硬成鐵,因乜一去m7 相辭。」三哥!你beh 叨去?

 

【陳三】我beh - -去!我beh 叨去?

 

【益春】mih8 - -a3 ?你beh - -去?m7 -tioh8 稟過阿公阿媽,有命才轉- -去!

 

【陳三】我是官家子弟,來!由我來,去!由我去。稟伊做乜?

 

【陳三】你m7 共阮阿公阿媽taN5 !都無thang 共阮阿娘taN5 - -一聲?

 

【陳三】薄情e5 人,taN5 -beh 做乜?

 

【益春】你m7 共阮阿娘taN5 !小妹暝昏早起,捧燒捧冷,服事三哥,你都be7 割捨得共小妹taN5 - -一聲!aih tioh8 !「自古男兒虧心漢,叨見丈夫是好人?」

 

【陳三】小妹!是你賤兄歸心去緊,be7 得共小妹相辭,望小妹莫怪!

 

【益春】小妹做乜敢怪?三哥!你是為乜beh 轉去chiong2 緊?m7 -tioh8 khit 小妹曉得。

 

【陳三】小妹聽說:年久月深oh 徛起,趁早收拾轉鄉里。

 

【益春】你chiong2 恨正是恨乜人?

 

【陳三】恨恁阿娘無行止,

 

【益春】誤你叨處?

 

【陳三】誤我一身chit 處無teh 比;

 

【益春】有偌久- -lou3 

 

【陳三】艱辛受苦將有三年,

 

【益春】亦是久- -lou3 

 

【陳三】拜辭我小妹,便轉鄉里。

 

【益春】三哥!三哥回心且轉意,寬心放落chit 行李。

 

【陳三】我beh - -去!

 

【益春】既你beh - -去!使阮心也悲,chiong2 e5 姻緣怎捨得拋棄?且mai3 煩惱,有日相見。

 

【陳三】姻緣ti7 時會得成就?

 

【益春】若beh 姻緣成就,屈指算來,都也免使幾時。

 

【陳三】恨恁阿娘無定期,我taN 半句m7 敢聽伊。

 

[註解]

 

l  teh 比:(teh pheng7 )[無法跟人相比

 

l  因乜:(因為啥乜

 

l  叨去:(to2 位去)

 

l  mih8 - -a3 ?:(啥乜?

 

l  m7 -tioh8 [不是要...] 

 

l  taN5 (談,說

 

l  taN5 -beh 做乜:(beh 創啥

 

l  be7 割捨:[都捨不得

 

l  Aih tioh8 !:[!對啦!]

 

l  chiong2 緊:(這樣緊)[這樣急

 

l  khit 小妹曉得:[說起給小妹知道

 

l  oh 徛起:[難於立足

 

l  無行止:[舉止行為乖張不定

 

l  chiong2 好:[這麼好,如此好]

 

l  mai3 [不要

 

l  ti7 時:(啥乜時陣

 

l  成就:(成功.有結果

 

l  taN (現在,chit -mai2 )

 

【益春】伊閣有荔枝ti7 恁邊。

 

【陳三】是我當初無所見,枉掠荔枝收為記。

 

【陳三.tan3 ,益春.khioh 】三哥!荔枝且留,好事ku3 -chai7 後。

 

【陳三】想見人情枉相耽置,拜辭我小妹便轉鄉里。

 

【益春】三哥!寬心且耐性,姻緣不在一時。

 

【陳三】歸心去緊- -了!

 

【益春】何必hiah 業歸心如箭?但存心堅,不畏彼石硬,比做嫦娥亦曾降世。

 

【陳三】恁阿娘並無半點真心相待。

 

【益春】阮阿娘有真心!阮阿娘!伊人果有真心。尊兄怎捨得拋棄!怎捨得拋棄?

 

【陳三】小妹!乞你賤兄轉- -去?

 

【益春】三哥!你罔予小妹留- -一下!

 

【陳三】Lak8 我雨傘柄乜事?

 

【益春】乞小妹說一人情。

 

【陳三】是乜人情?

 

【益春】三哥!且從容,待阮去共阮阿娘taN5 - -一聲,乞你轉- -去!

 

【陳三】多承小妹暝昏早起,捧燒捧冷,服事你賤兄,叫你賤兄講:「度小妹你說!」你緊去緊來。

 

【益春】曉得!

 

【陳三坐下】

 

【益春】阿娘!陳三爹叫beh - -去!

 

【五娘內面應】陳三爹是誰?

 

【益春】阿娘!你出來看- -一下!

 

【五娘】鬼- -a3 !都是陳三,又taN5 是乜陳三爹。

 

【益春】人都叫伊「三爹」。

 

【五娘】誰叫伊?

 

【益春】抵即有一家人來chhoe7 伊叫伊。

 

【五娘】見伊怎樣?

 

【益春】亦跪伊,亦拜伊。

 

【五娘】有乜話說無?

 

【益春】說:「伊厝乜樣門風富貴。豈無玉顏之女thang 匹配,何beh chit 勾當?

 

【五娘】伊chiong2 應伊?

 

 [註解]

 

l  tan3 [擲,丟

 

l  khioh [撿,拾

 

l  ku3 -chai7 後:(toe3 在後面)[跟在後面

 

l  耽置:[耽誤擱置

 

l  hiah 業:[業障那麼重,不得閒

 

l  伊人:[他這個人

 

l  乞你:(乞求你

 

l  罔:(暫且

 

l  Lak8 [拉、扯

 

l  從容:(chiong5 -iong5 )[不慌不急

 

l  度小妹你說:(hou7 小妹你講

 

l  beh - -去:[說要回去

 

l  - -a3 !:[鬼叫鬼叫的!

 

l  抵即:(tu2 -chiah5 )[剛才

 

l  chhoe7 [尋找

 

l  有乜話說無?:(有講啥乜話- -無?

 

l  beh 做:(為啥乜beh 

 

l  chiong2 應伊:(怎樣應伊

 

【益春】伊乜話thang 應伊!那hit 目屎如雲雨- -nih 

 

【五娘】阮m7 信,二人想計智來騙- -我!

 

【益春】又乜騙?伊一支雨傘gia5 - -leh beh 去。

 

【五娘】你都m7 去留- -伊?

 

【益春】Kan2 留伊m7 -toa3 厝,阿娘!你去留- -伊!

 

【五娘】待我去問- -伊!

 

【益春】三哥!阮阿娘出來囉!

 

【陳三看五娘】猶m7 起來?

 

【五娘】陳三。

 

【陳三】乜事?

 

【五娘】你beh 叨去?

 

【陳三】我beh - -去!beh 叨去?

 

【五娘】你beh - -去!m7 -tioh8 稟過阿公阿媽,有命才轉- -去!

 

【陳三】我是官家子弟,來由我來,去由我去,稟伊做乜?

 

【五娘】你若beh 是官家子弟,肯來阮厝為奴?

 

【陳三】Oh !你掠我做一磨鏡人款待- -嗎?

 

【五娘.益春】m7 ,你是乜人?

 

【陳三】且來!我若m7 說,伊亦m7 知。略說幾句乞伊曉得!

 

【五娘】Ka7 伊說- -來!

 

【益春】Ka7 你說- -來!

 

【陳三】因送哥嫂去廣南城,來到潮州又是上元月半,幸然燈下遇見娘- -a7!恰是天上跋落月精,神消散。勉強去到廣南城。暝日為你割吊,才會拜辭我兄,轉來潮州,又是寶馬金鞍,遊遍貴城,亦曾在恁樓前經過。不覺又是六- -月天熱,娘- -a7 共益春在chit 樓上適興,你掠荔枝故意親手tan3,我估叫恁有真心。我才扑破恁寶鏡,kan 心捧盆水,怎樣ka7 恁掃廳。只望beh你會掠荔枝做親情,誰知,到今taN 說是反悔錯手無定。既然那是錯手,亦是夙世前緣。手帕上繡字,是你親手繡成。早知你虧心何beh 來騙阮恁厝空磨。相思一病,大半了送命!相思一病,大半了送命!

 

【益春】阿娘!咱亦來說- -一下!

 

【五娘】叨年六- -m7 hit 樓上chhit -tho5 ti7 m7 食荔枝?ti7 m7 hit 樓上繡工課?

 

【益春】叨e5 郎君m7 在樓前.經過?誰人親像你僥倖?有chit chiong-poaN 創造。

 

[註解]

 

l  hit 目屎如雲雨- -nih !:[只是那眼淚如雨般呢?

 

l  又乜騙?:[又來了!為甚麼要騙你?

 

l  kan2 [女僕

 

l  m7 -toa3 厝:[不留在家中

 

l  且來!:[且住

 

l  割吊:[掛念在心

 

l  掠:(liah8 )[,,

 

l  適興:心適興,[隨興玩樂

 

l  估叫:[以為

 

l  kan 心:[心甘情願

 

l  chhit -tho5 [遊玩

 

l  僥倖:[幸運

 

l  chit chiong2 poaN5 創造:[有這種如此這般造化]

 

【陳三】荔枝誰人tan3 

 

【五娘】荔枝tan3 落,只是阮益春伊人tan3 chhit -tho5 

 

【陳三】手帕誰人繡- -e5 

 

【五娘】手帕上繡字,亦m7 是阮親手造。

 

【益春】陳三你白賊,m7 -na7 chit 一遭。說你騎馬遊遍街市,定是遞文走報。看你chiong2 般行- -來,騙阮都m7 倒。想你e5 磨鏡工藝,亦m7 是一向hiah 好。

 

【五娘】幾擺在阮樓前經過,雙目帶刀,思量阮娘kan2 beh 落你環套。

 

【益春】設計來探聽,先知阮下落。

 

【五娘】枉費你心神,看你頭尖耳嘴薄。今taN khit 恁看見,越添恁煩惱。你說是好人囝兒,何不去建功立業?m7 去讀書教學?何beh 做一光棍來阮潮州城落魄?

 

【益春】beh 來做人厝奴僕,聽人hoat8 落,liam 腳懾手,be7 得阮好。

 

【五娘】今taN 帶著你chiah 好頭面,人說叫:「善心終有報」,勸kah 阮厝爹媽,將你寫一個契書提來予你,kah 伊銀be7 得共你討。

 

【益春】TaN !你緊收拾行李,拜辭阮阿公阿媽。今taN 乞恁轉去厝,是你chit 尾梢命運好。

 

【五娘】恁厝某囝說叫:你顛倒,出來年久月深,等望不見到,

 

【娘kan2 合】若還相纏,才惹得我心憔糟。想你chiong2 般人物, hit 潮州城亦有處thang 討,任你相思病就死,你就死beh 來賴阮,賴阮亦m7 驚你chit 一半分毫,chit 一半分毫。

 

【陳三】我beh - -去!

 

【益春】Beh - -去?

 

【五娘】你taN 去留- -伊!

 

【益春】Kan2 留伊,都m7 -toa3 ,阿娘你去留伊,看toa3 - -m7 

 

【五娘】賤婢!你去留- -伊,若m7 -toa3 ,你去死- -度伊!

 

【益春】阿娘乜好笑,性命都m7 是鹽- -e3 !教人死- -度伊!三哥!你聽見- -m7 

 

【陳三】聽見乜?

 

【益春】阮阿娘教阮來留你,你若m7-toa3 ,教阮死度- -你。TaN 據你處看,是beh  toa3 chit 處,抑是beh 當人命?

 

【陳三】寧可都toa3 chit 處!

 

[註解]

 

l  白賊:[說謊

 

l  m7 -na7 [不止

 

l  騙阮都m7 倒:(騙阮騙be7 過手

 

l  taN khit 恁看見:(chit -mai2 去予恁看- -

 

l  hoat 落:[擺佈

 

l  liam 腳懾手:[小心翼翼

 

l  be7 得阮好:[不得討我們的歡欣

 

l  kah (勸到

 

l  kah 伊銀be7 得共你討:[叫他不得討你銀兩

 

l  尾梢:[後半段

 

l  顛倒:可能是(thian -thoh8 )[瘋瘋癲癲的樣子

 

l  賴阮:(誣賴阮

 

l  toa3 - -m7 ?:[看看是否要住下來?

 

l  你去死- -度伊!:(你去死予- -伊!)[意思是死皮賴臉的要人家答應

 

l  kah 阮:[叫我

 

l  ku3 你處看:(根據你e5 看法

 

l  當人命:(出人命

 

l  寧可:(leng5 -khou2 ) 

 

【益春】Mai3 !阮來死- -度你。

 

【陳三】小妹既愛我toa3 chit 處,乜路會得姻緣成就。

 

【益春】小妹有一思量,將三哥心腹你e5 話,寫成一封書。待小妹為你送去hit 繡篋內,阮阿娘若看見,必然叫阮去問,阮將三哥說起hiah -e5 話,說乞阮阿娘曉得,hit 時姻緣定得成就。

 

【陳三】Kian3 chiong2 說,入內討紙筆來。

 

【益春】TaN 雨傘我共你收!

 

【陳三】龍煙墨兔毛筆,故意傳言語,賴你說消息。

 

【益春】紙筆在chit 

 

【陳三】起動小妹磨墨- -一下!

 

【益春】人那來那beh 使人。

 

【陳三】Kan2 - a2 度人使,才會大。

 

【益春】閑話。

 

【陳三寫】有緣千里將相見,無緣放早拆分離,莫得三心共二意,誤我一身chit 處無叨比。為你相思病重,頭gia5 m7 起,若還割吊我身,那beh 先死,死--去冤魂beh 來共你相纏。不免再題一首詩he7 chit尾:只為揮鞭渡南台,三分春色碧麗開;皓月隔窗人寂寂,空惹劉郎入蓬萊。

 

【益春】寫完- -未?

 

【陳三】完- -了!

 

【益春】乘勢卻封除。

 

【陳三】書taN 寫完就筆封,勞煩小妹為阮傳送。落花流水無定期,說叫:我choat 時為伊相思,反自沉重,再三上覆恁厝阿娘,kah 伊莫得氣殺人,莫得來氣殺人。

 

【益春】尊兄聽告,告放落chit 心性。且聽小妹說出choat 來因:阮娘- -a7 若還無真心,樓上荔枝因乜beh tan3 度恁?只都是話說未投機,伊hit 心內ku3 都未信。待阮轉- -去為你,小心近前告稟。便待那是鐵佛,阮才來勸伊beh 回心。

 

【陳三】一段好姻緣,

 

【益春】一段好恩愛,小妹敢擔戴。從今去後,恁二旁著記得小妹,為恁費盡心神。

 

【陳三入】未知娘仔意,那憑一紙字。

 

【益春入】得伊轉心意,免你費心機。

 

【陳三】小妹著lek8 - -一下!

 

【並下】

 

[註解]

 

l  Mai3 [不要

 

l  乜路:(啥乜路數,啥乜辦法

 

l  篋:(khiap )[小盒子

 

l  Kian3 chiong2 說:[既然是這麼說

 

l  賴你:(依賴你

 

l  chit [在這兒

 

l  起動:(勞動,勞煩,麻煩

 

l  閑話:(廢話

 

l  kan-a2 度人使,才會大:[婢女,給人使喚,才會長大。玩笑話,有點輕浮。

 

l  放早:(趁早

 

l  he7 chit 尾:[放在這末尾

 

l  乘勢卻封除:()(順續封批

 

l  choat 時:(chit -e5 時陣

 

l  反自沉重:[反而心情沉重

 

l  還無:(hoan5 -bo5 ) 

 

l  tan3 度恁:[擲給你

 

l  ku3 [再怎麼

 

l  便待那是鐵佛:[任你是鐵打心腸

 

l  擔戴:[擔待

 

l  lek8 - -一下:[盡力一下]

 

*****************************************************************************

 

【益   傘】(歌仔戲陳三五娘)Siau -Peng5 -Ti7 .漢羅譯寫

 

 

[總統府介壽堂音樂會節目:台灣本地歌仔戲戲文]

 

(益春:廖瓊枝小姐. 陳三:陳美雲小姐.演)

 

【戲文】:

 

【陳三】為伊五娘無絲無錦,為娘苦湯我願飲;伊卻將情來自禁,枉我對伊一片心。

 

「落花有意心堅定,流水卻對我無情;我再為奴有何用,m7 -thang 再誤我前程。」

 

「身為男兒愛立志,m7 -thang 為情閣躊躇;包裹雨傘款齊備,回鄉來去娶妻兒。」

 

【陳三】陳三準備beh 起身,

 

【益春】益春留傘隨後面,三哥哪thang chiah 緊,我問三哥乜原因;你tioh8 --a3 !對我- -a3 !對我說分明。

 

枉我賣身有三冬,恁阿娘e5 盆水我白捧;伊e5 婚姻我無望,我今beh 轉娶別人。Beh - -a3 娶別人,益春你ka7 我放,即ka7 我放。

 

【益春】為娘盆水雙手捧,toa3 遮為奴已二冬;我勸三哥,我勸三哥m7 -thang 放,有心- -a3 ia7 - -a3 ,就能見成叢。

 

【陳三】為伊空迷空相思,三年白白費心機,恁娘對我無情義,我閣空等無了時。益春- -a3 m7 - -a3 m7 免來ko -ko 纏,chiah ko - ko 纏!

 

【益春】三哥!慢且- -leh -la3 !我勸三哥你予我留!

 

【陳三】你taN 留我無功效,

 

【益春】千萬你tioh8 m7 -thang 走!

 

【陳三】我taN 決心beh 轉阮兜。

 

【益春】你予我留!

 

【陳三】無功效。

 

【同齊】我勸三哥你予我留! m7 -thang 走! 「益春!m7 ka7 我留。」「 m7 免留。」

 

【益春】三哥!你beh 叨去!

 

【陳三】我beh 轉去泉州娶新婚!

 

【益春】三哥!你be 轉去泉州娶新婚,敢有同阮阿公阿媽相辭。

 

【陳三】三哥長工未到年,我若同你阿公阿媽相辭,就走be7 離。

 

【益春】三哥!你說也是,你m7 同阮阿公阿媽相辭。無!你嘛tioh8 同阮阿娘相辭。

 

【陳三】恁娘對我薄情無義,我同伊相辭beh-ni5 - -a3 

 

【益春】三哥!

 

【陳三】oe -e2 - -chit -e3 

 

【益春】你m7 -tang5 阮阿娘相辭,抑無你嘛帶念益春小妹,暝hng 早起,ka7 你捧燒捧冷,ka7 你洗衫補thiN7 。三哥!你beh - -去!嘛著同益春小妹相辭--一下!

 

【陳三】好- -a3 !帶念chit 段時間,你我好情好義,beh 辭就來辭- -a3 

 

【陳三】益春對我實在好,你e5 情份感動三哥,咱chit 段期間相照顧,此情永記在心窩!此情此義在心窩!

 

【益春】聽伊言來暗喝好,原來我e5 情份有感動三哥,終身有三哥thang 依靠,日後e5 幸福就免驚無,日後幸福免驚無。

 

【陳三】若想恁阿娘- -a7 心火toh8 kah 伊離開是無奈何,包裹雨傘既款好,從此告辭就beh 趕路。

 

【益春】Ah !慢且!三哥!慢且- -a3 !三哥- -a7 三哥!你若有帶念咱e5 情份就m7-thang 走,好心你嘛予我益春仔留,冤家難免會chhau2 -chhau2 鬧鬧,你何必就受氣beh 轉恁兜。

 

我勸三哥你mai3 計較,姻緣m7 -thang beh 放水流,你若正實走出阮e5 門腳口,阮阿娘e5 心肝就會亂操操。

 

【陳三】我知影益春e5 sui2 好,

 

【益春】無影--啦!

 

【陳三】你免kah 我烏白呼,恁娘對我e5 態度,我m7 是憨人,陳三煞看無!

 

【益春】Aih - -iah !三哥!你誤會- -lou3 

 

【陳三】伊講伊e5 終身kah 我是無牽礙,伊講伊甘願ka 林大配和諧;我一切苦心墜落海,滿腹e5 委屈beh 講予啥人知。

 

親情m7 肯我就汰,世間敢無卡sui2 e5 美人才,我若轉去泉州阮厝內,三妻四妾閣排歸排。

 

【益春】不可行- -a3 !不可行!三哥你m7 -thang chiah -nih8 -a2 絕情,你抑閣m7 知阮阿娘e5 koh 性,伊有萬般e5 心事m7 敢表明。

 

伊顧前顧後,顧伊千金小姐e5 體面,伊驚來驚去,驚去予人看輕,伊感情m7 敢對你當面承認,這才是表示伊對你有真實e5 愛情。

 

【陳三】這...

 

【益春】三哥- -a3 !你詳細ka7 伊想看覓!彼個林大敢有三哥仔你這pan7 e5 人才,益春講予你瞭解,我這擺來留你是阮阿娘叫我,我才全工來。

 

【陳三】正實- -e5 -hou3 

 

【益春】當然嘛是正實- -e3 !無,我怎會知三哥你beh - -neh 

 

【陳三】若按呢!五娘果然對我猶閣有情!

 

【益春】是- -a7 

 

【陳三】益春- -a3 !恁阿娘若正實對我有意愛,我就甘願閣toa3  chia5 做奴才。

 

信口開言,你莫見怪,我是誠心誠意beh 招伊結將來。

 

【同齊】「拜託益春來安排,我e5 苦心- -a3 !講予阿娘知,aih - -ioh!講予阿娘知!」

 

「益春替你來安排,你e5 苦心- -a3 !講予阿娘知,aih -ioh !講予阿娘知!」

 

【益春】三哥!按呢你m7 - -a3 houN   ?來!雨傘予我ka7 你提,包裹仔嘛煞予我!三哥!咱來去轉!

 

【陳三】益春- -a3 !愛代先答應我一個條件!

 

【益春】是啥乜條件- -neh 

 

【陳三】是啥乜條件- -neh eh !耳仔卡倚- -來咧!

 

【益春】HaN -a2 !你beh chhoa7 阮阿娘走- -哦?

 

【陳三】Aih - iah !你嘛卡細聲- -咧!hiah 濟人leh - -咧!

 

【益春】我m7 敢!

 

【陳三】m7 敢?hng !林大若來娶親,到時陣,咱一切e5 苦心,就變成泡影。

 

我只不過是叫你替我講幾句仔好話,按呢你也m7 答應!免--啦!我猶是tng2 來去泉州,免teh 在此傷心!

 

【益春】e5 !三哥!

 

【陳三】Beh - -bo5 

 

【益春】阮阿娘若kah 你去泉州,抑!我- -neh 

 

【陳三】你- -ou3 !我會更加對你閣卡好,疼惜你!我會將你當做親小妹!

 

【益春】Ah 我益春仔聽著煞 gang7 -gang7 ,無彩我一場e5 憨工,伊kah 阮阿娘成戀夢,ah 益春仔以後是beh 靠啥人。

 

.三年來對伊愛苗生,伊竟然ka7 我當做手足情,三哥kah m7 知就無路用,看我beh 怎樣仔對伊來表明。

 

【陳三】我開言就叫chit -e5 好小妹,有啥乜代誌咱就講坦白,ouh8 !敢是煩惱你e5 媒人禮;你愛金愛玉攏無問題。

 

【益春】人m7 - -啦!

 

【陳三】m7 是!抑無你是愛啥乜- -a3 

 

【益春】我...

 

【陳三】你講- -a7 

 

【益春】Iah 人講見笑是ti7 -teh 頭毛內,我若無peng2 是啥人會知?我beh 當面來去對哥表愛,

 

【陳三】講- -a7 !煞恬- -去!

 

【益春】Aih - -ioh !心驚面紅口又難開。

 

【陳三】你是愛啥乜?

 

【益春】人我beh ...

 

【陳三】你想beh 啥物?講,無要緊- -a 

 

【益春】三年來為哥捧燒捧冷,相處e5 感情是勝過手足情,我若講出恐驚兄m7 肯?

 

【陳三】Beh 哪會會?

 

【益春】我想beh kah 哥結鴛盟。

 

【陳三】哈..哈!原來就是按呢- -a3 !陳三這陣仔才了解,益春- -e有影好口才,原來對我有意愛,陳三實在憨大呆。

 

人講惜花連盆惜,我疼益春仔就無m7-tioh8 ,益春!恁娘若做大你做小,三哥一定ka7 你分予tioh8 

 

【益春】Iah 既三哥.你有歡喜,我益春仔甘願予你做細姨。

 

【陳三】三人同齊回鄉里,夫妻恩愛到百年。

 

【同齊】恩愛到百年- -a3 

 

【註解】:

 

l  無絲無錦:(做人奴才,無thang 穿sui2 

 

l  ia7 籽:[撒下種子

 

l  成叢:[長成大樹

 

l  ko -ko 纏:[纏著不放

 

l  m7 -tang 走:[不可走

 

l  娶新婚:[娶新娘

 

l  同:(tang5 )[

 

l  beh -ni5 [要做什麼

 

l  oe -e2 - -chit -e3 (應你一聲.oe -e2 !) 

 

l  thiN7 [縫補衣服]

 

l  心火toh8 [燒起心裡的一把火

 

l  既款好:[已經打點好了

 

l  慢且:[且慢

 

l  冤家:[吵架

 

l  sui2 好:[嘴巴甜,會講話

 

l  烏白呼:(- -e7 - -e3 .凊彩.講講- -leh ) 

 

l  就汰:[就算了

 

l  koh 性:[個性

 

l  想看覓:[想想看

 

l  chiah -nih -a2 [這樣的,如此的

 

l  pan7 [這種模樣

 

l  toa3 -chia5 [住在這裡

 

l  結將來:[緣訂終身

 

l  倚:[靠近

 

l  chhoa7 [帶著

 

l  hiah 濟人:[那麼多人

 

l  gang7 -gang7 [楞得發呆

 

l  kah -m7 知:[既然不知道

 

l  m7 - -啦!:[人家不是這個意思啦!

 

l  peng2 [上下裡外反覆尋找

 

l  煞恬- -去!:[怎麼默默不說了!]

 

l  beh 哪會會?:[怎麼會不肯呢?

 

l  分予tioh8 [分配到每人有份。有點曖眛的話