感謝kap感想：
退休後，m̄管是朋友抑是後生，若bueh相招參加旅行團出國tshit-thô，lóng是畏畏搖頭無興趣，tsit一擺確實是例外，後生講bueh 4暝5工tshit-thô北海道，隨時一聲ok，hām牽--e mā驚一趒感覺真意外。
5工來，逐工平順旅程，歡喜坐車、行路、食、睏、看光景，其實心內猶是有淡薄仔壓力，無hiah自在，隨時都leh斟酌身軀ê狀況，是好佳哉⋯
1、有序細陪伴，kan-nā負責tshit-thô to̍h好，kap孫--e仝款，ē-hiáu--è家己來，bē-hiáu--è叫大人去做，m̄-tsiah tsit擺出門攏無開kah半sián錢。序細真貼心，了解阮ê老骨頭iáu-ē堪得，放阮真自由，mā-koh真體貼，需要ê時陣定著主動關心。
2、行程動線有照步來，啥乜時間上車、啥乜時陣到啥乜所在，導遊阿岳tshuā路，配合うんちゃん先生ê敬業專業服務，tsiah-hō͘旅途無拖沙，無耽誤、無困擾、無緊張。阿岳日語、台語、華語lóng-ē講，景點紹介深入詳細閣有淡薄仔詼諧，有修養bē製造無爽快，逐家o-ló伊是真正讚ê導遊。
3、有好ê導遊司機，mā著有好人客配合，雖罔逐家顧tshit-thô互相較無交陪，總--是親像阿岳講--è「互相尊重，遵守時間」攏做有夠。
4、感謝家己有勇氣，願意突破pì-sù畏見笑個性，kā畏出國無奈心思講hō͘朋友知，m̄-tsiah ē得著thang解決ê方法。講一个閉思個性hō͘你知，10幾冬前kap一位朋友仝日做痔瘡手術，幾kó͘月後朋友講伊手術真成功，koh幾若kó͘月後，又閣tn̄g-tio̍h伊，仝款是o-ló kah觸舌，大概是1年外後koh tn̄g-tio̍h，仝款講kah嘴笑目笑，hit个醫生確實高明，手術了實在真giâu疑，人伊hiah-nī順序，我ná-ē tsiah-ní費氣？to̍h開喙問伊：「敢bē無張無持想bueh放屎，著趕緊走便所？」
「ā-tsē bē--ē，出外做生理，定定mā-leh kā人借便所。」
原來朋友比我較食力，人伊ná-ē tsiah-nī輕鬆過日？這to̍h是pì-sù人ê無奈。
退休後，m̄管是朋友抑是後生，若bueh相招參加旅行團出國tshit-thô，lóng是畏畏搖頭無興趣，tsit一擺確實是例外，後生講bueh 4暝5工tshit-thô北海道，隨時一聲ok，hām牽--e mā驚一趒感覺真意外。
5工來，逐工平順旅程，歡喜坐車、行路、食、睏、看光景，其實心內猶是有淡薄仔壓力，無hiah自在，隨時都leh斟酌身軀ê狀況，是好佳哉⋯
1、有序細陪伴，kan-nā負責tshit-thô to̍h好，kap孫--e仝款，ē-hiáu--è家己來，bē-hiáu--è叫大人去做，m̄-tsiah tsit擺出門攏無開kah半sián錢。序細真貼心，了解阮ê老骨頭iáu-ē堪得，放阮真自由，mā-koh真體貼，需要ê時陣定著主動關心。
2、行程動線有照步來，啥乜時間上車、啥乜時陣到啥乜所在，導遊阿岳tshuā路，配合うんちゃん先生ê敬業專業服務，tsiah-hō͘旅途無拖沙，無耽誤、無困擾、無緊張。阿岳日語、台語、華語lóng-ē講，景點紹介深入詳細閣有淡薄仔詼諧，有修養bē製造無爽快，逐家o-ló伊是真正讚ê導遊。
3、有好ê導遊司機，mā著有好人客配合，雖罔逐家顧tshit-thô互相較無交陪，總--是親像阿岳講--è「互相尊重，遵守時間」攏做有夠。
4、感謝家己有勇氣，願意突破pì-sù畏見笑個性，kā畏出國無奈心思講hō͘朋友知，m̄-tsiah ē得著thang解決ê方法。講一个閉思個性hō͘你知，10幾冬前kap一位朋友仝日做痔瘡手術，幾kó͘月後朋友講伊手術真成功，koh幾若kó͘月後，又閣tn̄g-tio̍h伊，仝款是o-ló kah觸舌，大概是1年外後koh tn̄g-tio̍h，仝款講kah嘴笑目笑，hit个醫生確實高明，手術了實在真giâu疑，人伊hiah-nī順序，我ná-ē tsiah-ní費氣？to̍h開喙問伊：「敢bē無張無持想bueh放屎，著趕緊走便所？」
「ā-tsē bē--ē，出外做生理，定定mā-leh kā人借便所。」
原來朋友比我較食力，人伊ná-ē tsiah-nī輕鬆過日？這to̍h是pì-sù人ê無奈。
5、罕罕出國無幾擺，kā tshit-thô過程用台語文記錄落來，一--來ē-tàng回想當做koh-tsài tshit-thô一擺；二--來ē-tàng增加台語文書寫遊記ê記載，畢竟用台語文書寫ê遊記實在無濟。
6、有人o-ló講tshit-thô有做功課，tsiah-ē-tàng寫kah tsiah詳細，事實上tshit-thô是真認真，目睭是金金看，耳孔是斟酌聽，轉--來tsiah-koh詳細Google揣地圖，Google景點ê一寡史實，kā需要ê景點地名行程表先輸入電腦輸入法ê「自訂詞庫」，需要to̍h隨拍隨有thang用，hō͘人kioh是juā-gâu--leh，koh-iā bat he日本字，電腦ê厲害tī tsia。因為這是暫時性ê詞庫，所以攏用「北海道/pht」做
指令：
pht 1桃園→千歲機場→日本第二深湖泊~支芴湖→登別溫泉
pht 2登別溫泉→大沼國定公園~大沼遊船→昆布館→西洋城五稜郭城跡→金森倉庫群~明治館→函館~空中纜車~函館山夜景→湯之川
pht 3湯之川→函館朝市→行經洞爺湖→昭和新山→熊牧場~贈送熊餅乾與可愛棕熊互動→定山溪
pht 4定山溪→哈密瓜無限享用→美瑛之丘~拼布之路~四季彩之丘→富田農場→札幌
pht 5札幌→小樽~小樽羅曼蒂克運河~古典蒸氣鐘物語【北一硝子、銀鐘咖啡、音樂鐘博物館】→千歲空港→桃園
phtt さっぽろっ(札幌) phtt ほっかいどう(北海道)
phtt ちとせ(千歳)
phtt ぼりべつ(登別市)
phtt しこつこ(支笏湖)
phtt とうやこ(洞爺湖)
phtt ごりょうかく(五稜郭)
phtt 函館(はこだて)
phtt 富良野(ふらの)
phtt 美瑛(びえい)
phtt 小樽(おたる)
phtt アイヌ語
6、有人o-ló講tshit-thô有做功課，tsiah-ē-tàng寫kah tsiah詳細，事實上tshit-thô是真認真，目睭是金金看，耳孔是斟酌聽，轉--來tsiah-koh詳細Google揣地圖，Google景點ê一寡史實，kā需要ê景點地名行程表先輸入電腦輸入法ê「自訂詞庫」，需要to̍h隨拍隨有thang用，hō͘人kioh是juā-gâu--leh，koh-iā bat he日本字，電腦ê厲害tī tsia。因為這是暫時性ê詞庫，所以攏用「北海道/pht」做
指令：
pht 1桃園→千歲機場→日本第二深湖泊~支芴湖→登別溫泉
pht 2登別溫泉→大沼國定公園~大沼遊船→昆布館→西洋城五稜郭城跡→金森倉庫群~明治館→函館~空中纜車~函館山夜景→湯之川
pht 3湯之川→函館朝市→行經洞爺湖→昭和新山→熊牧場~贈送熊餅乾與可愛棕熊互動→定山溪
pht 4定山溪→哈密瓜無限享用→美瑛之丘~拼布之路~四季彩之丘→富田農場→札幌
pht 5札幌→小樽~小樽羅曼蒂克運河~古典蒸氣鐘物語【北一硝子、銀鐘咖啡、音樂鐘博物館】→千歲空港→桃園
phtt さっぽろっ(札幌) phtt ほっかいどう(北海道)
phtt ちとせ(千歳)
phtt ぼりべつ(登別市)
phtt しこつこ(支笏湖)
phtt とうやこ(洞爺湖)
phtt ごりょうかく(五稜郭)
phtt 函館(はこだて)
phtt 富良野(ふらの)
phtt 美瑛(びえい)
phtt 小樽(おたる)
phtt アイヌ語
