051tsháu-poo-ìnn-á（草埔燕仔、草埔燕仔）＞燕鴴＞Large Indian Pratincola.

051tsháu-poo-ìnn-á（草埔燕仔、草埔燕仔）＞燕鴴＞Large Indian Pratincola.

tsháu-poo-ìnn-á（草埔燕仔）做岫tī海邊草埔、溪埔草地；喙pe短短闊闊，雙翼長長尖尖，尾長必叉是典型ê燕仔尾，飛行姿勢，飛行中tshuē食嘛sîng燕仔。Tī台灣西部平原是普遍ê夏候鳥抑是留鳥；蘭陽平原是春秋定定看著ê過境鳥。

親鳥有裝傷假落翼，覆tiàm塗跤兜，假佯bē飛來引開天敵ê行為，thang hōo鳥仔囝有時間走去覕。

Copy 21冬前台文界ê一層往事：

Copy 21冬前台文界ê一層往事：

彰化台文聯誼會kah聰敏兄永別e5  祭文： <CHTBTS>

　

聰敏兄：

今仔日是1997年，咱人正月廿七，是聰敏兄你beh kap 阮告辭永別e5  日子。

Chit-ku2 咱彰化台文聯誼會e5  兄弟姊妹，做夥徛ti7  聰敏兄你e5  靈前beh kap你相辭，講幾句心內話，請你聰敏兄聽了會歡喜，安心做你去，ti7  另外e5 hit個世界保庇咱e5  台文推sak  ，會得順利，開花結子。

聰敏兄，你是咱彰化台文聯誼會e5  老大兄：咱做夥嘛已經有四、五年--囉！每一擺鬥陣開講，講著台語文，攏是hiah-nih趣味，充滿著理想kap希望，kian3-na7 tng7--著腔口無仝，抑是台文用字有爭執e5  時，你攏是誠客氣來ka7  阮提出真好e5  意見，予阮對台文e5  了解一日一日精進，予咱e5  聯誼會會凍一kou2  月一kou2  月續落去開，無去斷cham7--去。如今，聰敏兄！你喝走就走，喝行就行，留落來予阮e5  是無限e5  懷念kap m7 甘！

聰敏兄，你是一個有向望e5 台文先覺：平常時做夥交談，阮kio3-si7  你kan-taN  趣味台語，有心teh  研究nia5-nia5  ，theng3- hau7 到看著你e5  台文小說〈阿瑛啊！〉了後，才知影你e5  才情不得了。Beh十萬字e5  工程，前後五十冬e5  歷史背景kap語言，閣beh  應用純正e5  台語音來表達，對一個pun2-chiaN5  慣習用華語創作e5  人來  講，是一項偌呢艱苦e5  挑戰，m7- ku2 聰敏兄你做到--a  ，閣是做kah hiah 呢sui2- khui3 lau2-tau3。勤岸兄講：「聰敏兄台文小說e5  成就，絕對會hou7  伊閣活--落來！」有影，聰敏兄，阮永遠都會懷念著你！

聰敏兄，你是一個無求出名，腳踏實地e5  人：良光兄嘛按呢講，有影，你為著beh  推sak  台文，促進台語文字化，你無惜艱苦，南北二路四界奔波，走揣名師學台語、學聲韻、學羅馬白話字，所向望--e5  就是beh  達成：「我e5  手寫我e5  嘴」e5  台語文字化。你m7 -na7 用嘴講，用手寫，閣為著台語文推sak e5 效率kap普遍化，無驚麻煩困難，開始學電腦，拍台文，ui3 TW301學到HOTSYS^R，最近閣抑kah人流行上網路，交朋友，討論台語文，你chit種熱情kut-lat8 e5 精神永遠都是阮e5  好模樣。

聰敏兄，你是一個勤快有包容心e5  人：為著推sak  台語文，你無條件提供資料，閣時常參加捧場有關台語文e5  研討抑是教學；若tng7--著反對e5  聲音，你攏是chiaN5  誠懇kap人討論，從來都m7-bat  堅持家己e5  看法才是著--e5  。你時常講，逐家攏是愛台灣，攏是teh  推動台語文，哪著cheN3  來cheN3  去傷感情--neh？因為聰敏兄chit  款好模範，阮嘛攏學kah chiaN5 細膩chiaN 5客氣。

聰敏兄，舊年你taN-a2 ui3彰客退休落--來，才想beh an3台文路途來大大扑拼一下，siaN2  知蒼天無愛你hiah-nih  勞苦，煞來中途pang3-sak，實在是咱台文界e5  大損失。阮只是m7 甘，人生路有出發就有結束，m7  甘嘛著送你行，聰敏兄！你著寬寬仔行…。

　

彰化台文聯誼會全體會員敬拜

COPY 21年前台文界一段往事：

COPY 21年前台文界一段往事：

故張聰敏先生過身留予台文界朋友無限e5 懷念kap m7 甘: ＜CHTBTS＞

彰化台文通訊聯誼會＜CHTBTS＞ti7  台語網路頂發佈不幸消息：

網路頂e5 兄弟姊妹：（先倒一碗清水予我 ！）

請逐家恬恬聽小弟報告一個心痛e5 消息！

彰化聯誼會e5 老大，台文e5  指導者，推sak台文e5  鼓勵者、安慰者、張聰敏大兄，ti7  今仔日早起時（1997.2.18）離開咱逐家--a！親像好天時e5  一聲chhe3 雷，chiah-ni有向望e5台文先覺，soah m7 koh 繼續ka7 咱指導啟示，che m7- na7是彰化台文通訊聯誼會＜CHTBTS＞e5 phah-sng2，koh khah 是咱台文界e5損失。

聰敏兄本成是一個華文作家，幾年前伊chhan5-chhan5 liau5-loh8 來台文e5 研究kap創作，就無計較結果kap名利，除了鼓吹人去做以外，家己ma7  實實在在teh 創作，〈阿瑛啊！〉著是伊e5  成績，beh十萬字e5  小說作品，經過學白話字e5  訓練，為著beh hou7 台語文字化e5  可能性，會tang3 hou7 人肯定，伊！敬愛e5  聰敏兄！無惜家己e5 年歲已經五十外，身體koh m7 是外好，親像人講--e5 「m7-siau3-hiauhN」，koh ia7 敢chham 人學電腦，利用鄭良偉教授e5  ＜TW301＞台文文書處理來輸入伊e5  作品〈阿瑛啊！〉。目的嘛是beh hou7 人看講：用台語來寫文章嘛是有法度「我e5  手寫我e5 嘴，我e5  嘴有法度講出我e5 心！」Aih！無疑誤，冊猶未出版，伊！我敬愛e5  聰敏兄！Soah自an2-ni  無聲無soeh 來離開--lo3  ！

舊年，為著beh閣卡進一步來推sak台語，聰敏兄已經學會曉＜HOTSYS^R＞台文系統e5  輸入法，嘛會曉入網路kap逐家研究開講，聰敏兄講ti7  網路頂kap逐家開講是一種誠爽e5  代誌，輕輕鬆鬆著會tang3 講咱e5  話，閣會tang3 kap逐家學一寡台文e5  知識。哪知伊chiah peh-chiuN7  網路，tu2-beh 開始kap咱開講nia7-nia7，伊著恬恬來離開--咱lo3！

請逐家目睭kheh-kheh，恬恬來懷念咱e5  聰敏兄！

聰敏兄！請你笑笑去--pah ！咱e5  台文是有向望--e5 ！咱e5  台灣嘛是有向望--e5 ！

　

＜CHTBTS＞Siau Peng-ti （Lah-Jih.S ）1997.2.18  暗時

（蕭平治老師：田中國小教師）

　

　

良光兄平安：

我e5 E- Mail 住址改做：hoktong@changhua.ncue.edu.tw.請你幫我通知台語網，予網路e5  朋友知影。

另外報告一個不幸e5 消息，聰敏兄ti7 chang 早起因為肺炎離開世間，咱台文界痛失一位勇將，真是可惜。

　

福當上1997.2.19.

（陳福當老師：彰化市大竹國小教師）

　

　

網路e5 朋友逐家平安：

彰化＜TBTS＞聯誼會e5  張聰敏先生ti7 chang 早起「蒙主調回」。

聰敏兄本底有糖尿病kap心臟病，過年以後染著重感冒，因為病院無床位，遷延到頂幾日才入院，病症一直惡化，後來併發症發作，引起肺炎，不幸ti7 chang 早起透早四點外來結束伊人生e5  路途。咱台文界痛失一位勇將，實在可惜。

有關聰敏兄出山e5 日期，我初步e5  了解是三月初五，確定e5 日期e7  閣ti7 網路通知各位。

　

彰化台文通訊聯誼會＜CHTBTS＞連絡人：陳福當上1997.2.19.暗時10點25分

　

平治兄：

聽著chit個消息，我感覺真艱苦，因為聰敏兄是我e5  同年--e5 ，請你轉達我e5  哀思予伊厝裡內底e5 親人，雖然我kap in 無熟似。

Ti7 1993年熱天，阮台中市台語社beh  創立e5 時，伊嘛有來台中tau3- saN-kang7 ，嘛是阮社e5 創始會員之一。聰敏兄是一個真熱心、真扑拼、真phoh-sit8  、閣卡有真強台灣意識e5 同志。

請你將有關聰敏兄e5 後事ti7  網路面頂繼續講予咱chia--e5  台語伴知影、若是tou5 - hap8 會抵好、相信有真濟人會去到彰化來kap聰敏兄見最後一面。多謝！

　

Lim Chheng-Siang 敬上

（林清祥教授：東海大學資訊系主任

　

　

平治兄、彰化e5 台文朋友：

聰敏兄對台文完全奉獻e5 精神，kap伊e5  寫作，就是伊留予台灣語文e5  永遠e5 禮物。咱做夥來紀念伊，學伊e5  樣。

　

陳雷敬拜（加拿大醫師台文作家）

平治兄：

透早入來網路，收著你e5 批，知影聰敏兄過身e5  消息，心肝誠艱苦，即呢有向望e5  台文作家，頂日仔才去in兜，chiah-leh kap伊討論beh 按怎掠網路頂e5  好資料……真正想be7 到，真正嚨喉會tiN7 ……che 是台語文學史上e5  大損失，是咱chia--e5 朋友e5  大悲痛。

我才想講theng3-hau7 手邊e5  「吳新榮選集」編好勢，就beh  好好a 寫chit  篇〈阿瑛啊！〉e5 評論，che  嘛是伊在生我就ka7 伊答應--e5  ，如今……伊煞be7 赴看著--a！

平治兄，伊是按怎來過身--e5 ？好好a  人，身體看起來嘛真勇壯e5  款？

伊e5 殯葬儀式是叨一工？請你ka7  逐家講一下。

　

興昌1997.02.19（呂興昌：和美人，清華大學教授）

　

　

平治兄、彰化聯誼會e5 朋友：

聽著聰敏兄過身e5 消息，實在予阮真痛心，我kap聰敏兄嫂見面熟似是ti7 LA e5「台文夏令營」，因為我嘛是彰化人，所以有特別kap聰敏兄嫂「認親」過，講誠濟話。 Ti7 我e5 印象內底，伊是一位親切、好做夥、真有理想e5  人、伊對台文e5 熱心kap無條件e5  奉獻、攏會tang3 做阮逐家e5  模範kap鼓勵、阮永遠siau3  念伊，願主引 chhoa7賜福伊。

　

Loa Pek-Ni Toronto TBTS LGH

（賴柏年牧師：加拿大Toronto TBTS 聯誼會，大村人）

　

　

福當兄、平治兄、kap 彰化聯誼會e5  朋友：

聽著聰敏兄過身e5 消息，心情kui-kang攏真鬱卒！

我愛講幾項我所bat e5 聰敏兄，用按呢來紀念伊！

聰敏兄是一個對朋友熱心e5 人：逐擺我轉去台灣，伊攏真熱情邀請我，著愛去拜訪恁彰化聯誼會。逐遍伊攏事先替我訂彰化hit  間上大間e5 旅社，kian3-pai2  我千交代萬交代，請伊A-thang  先替我付旅社錢，但是kian3-pai2  我beh 去旅社納錢e5  時，錢攏已經納了--a。

聰敏兄是一個無求出名腳踏實地e5 人：台文通訊ti7  台灣各所在bat 有十五個聯誼會，M7-koh  到chit-mai2 kan-na7 恁彰化聯誼會有繼續按時teh  聚會，每擺我若想著台灣e5  草根運動，我就想著彰化聯誼會。

聰敏兄是一個婦女運動e5 實踐者：我kap聰敏嫂kan- na7 ti7 「北美台語文夏令營」見過一面，單面我對聰敏嫂teh  做e5 環保運動kap政治運動，加減攏有了解，因為聰敏兄不時ka7  我提起「盧小姐」所teh 做--e5  代誌，（伊用按呢來稱呼伊e5  牽手）。In翁某二人ti7  無仝e5 戰場互相支援，為台灣e5  前途teh 扑拼。伊所寫e5  〈阿瑛啊！〉（七萬外字小說）是用台灣婦女e5  一生來寫--e5 ，我一直想beh  問伊創作e5 動機，m7- ku2 chit-mai2 無機會--a。

聰敏兄是一位台灣主體意識真清楚e5 人：伊hit  篇猶未完成e5 史材劇「百年志業」是用彰化平埔族做中心e5  歷史劇。伊有用心企劃查考平埔族分佈e5  地頭。我一直有teh 想beh chhoa7 伊去參觀賴貫一個用平埔族做史觀e5  「台灣文物館」，m7-koh chit-mai2 無機會--a。

聰敏兄是一位熱心推廣台文e5 人：聰敏兄中文寫作kap漢文背景，應該是無贊成羅馬字e5  人，聽講伊去清華聽良偉（良光e5  阿兄鄭良偉教授）e5 課時，本來是beh  去反對羅馬字--e5 ，（伊過去有學過十五音）想be7  到聽幾遍課了後，煞成做羅馬字上堅強e5  支持者。伊bat 對台語網內面無標聲調e5  寫法真煩惱。

聰敏兄是一位主動實踐e5 人：真濟人攏講向少年人教台文真要緊，但是真少人向家己e5  囡仔推銷台文，聰敏兄bat ka7 我講伊e5 囡仔有一個有寫作e5  天分，伊不時teh 想辦法來ka7  介紹台文。

聰敏兄是一個肯學習不時teh 充實家己e5  人：伊ui3 三冬前心臟開刀，身體m7  是真勇，但是伊beh 六十歲--a  ，可能本來連keyboard（鍵盤）嘛be7  曉拍，chit幾冬ka7  台文電腦學kah 真好勢，真少人會tang3  像伊按呢。

雖然kap聰敏兄見面e5  機會m7 是真濟，A-koh  心內感覺伊是一位真親e5 朋友，伊大我十二歲，但是伊無用長輩e5  派頭kap我講話，che予我無形中an3  伊hia 學真濟寶貴e5  人生經驗。

Ti7人生e5 路途中間，我感謝上帝予我有機會熟似著聰敏兄chit  款e5 朋友！

　

良光上19. Feb .1997. 01:36

（鄭良光：台文通訊主編）（台南人）

　

　

福當先生kap平治兄：

多謝恁報阮知聰敏先生「榮歸主懷」。做伊ti7  網路e5一個朋友，對心底表示我e5 m7 甘、痛苦kap追念。

Chit位台文kap台灣文化e5 chu-chhiong者，hiah少年就來離開世間，予阮滿心e5 m7 甘kap追悼。Ti7 chit個痛苦中，我愛恁知阮kap彰化TBTS每一個會員、張先生e5  遺族、親成、朋友kang7 一個心悲哀一慟。Chit個損失，向望伊一生行過e5  好腳跡，會tang3 留teh  予阮做指標阮e5 模範，予阮chit群後代e5  人thang 學習閣用實行來紀念伊。

　

Ng Chin-Kiu, Ottawa,Canada（黃真救）

　

　

平治兄以及彰化e5 朋友：

請逐家節哀，聰敏兄台文小說e5 成就絕對會予伊閣活落來！

請保重！

--KhinhoaN（李勤岸）　

　

興昌兄：

請你ka7 鄭邦鎮（教授）提醒一下！我有ka7  推薦聰敏兄e5 〈阿瑛啊！〉，伊有答應beh ti7 台灣文藝刊登。

--KhinhoaN（Hawaii  大學語言博士）（新化人）

　

　

福當先生kap平治先生：平安！

小弟拄仔對美國轉來New York。已經有十日無看E-mail--lah，今日開機才收著聰敏兄過身e5  消息，予我心內非常悲傷。

我舊年ti7 LA 第一次看著伊kap伊e5  婦人人，有講真濟話，會後閣ti7  去Grand Canyon e5 路中，嘛有幾日做夥，chit-ma2猶ti7  目睭前看著伊誠懇e5 笑容。

我相信伊留咱台文運動者真大e5 遺產，咱beh  紀念伊e5 生，也對伊e5  死來得著閣卡大e5 力量，繼續晉前。

阮真愛用「聰美紀念基金會」e5 名義，寄一份弔禮予伊e5  家族，m7 知著寄去甚麼所在？阮若是beh  做花環（wreath），m7  知美金支票會通無？

阮ti7 Ui-Hiong教會聰美基金會，深深懷念敬愛e5  聰敏兄。伊是一位榮光上帝e5  真理，行ti7 戰場e5  頭前e5 戰士。Chit-e5  禮拜，阮ti7 禮拜中beh  全部為伊來做紀念禮拜。

請代替阮ka7 遺族致哀。

　

Tan PhekSiu牧師敬上。

（陳柏壽：衛鄉台灣教會牧師，NewYork聰美紀念基金會）（斗六人）

053Ting-hiunn-tsiáu（丁香鳥）＞紅燕鷗＞Roseate Tern.

053Ting-hiunn-tsiáu（丁香鳥）＞紅燕鷗＞Roseate Tern.

Ting-hiunn-tsiáu（丁香鳥），上蓋hìng食丁香魚，定定規陣飛tiàm丁香魚魚群ê空中，掠食丁香魚。漁民就根據in出現ê所在來斷定一定有丁香魚群ê存在，澎湖漁村就將tsit種鳥仔號做丁香鳥。

另外伊ê頭殼頂面到後斗觳仔有烏色ê羽紋，有烏頭鬃仔ê別名，是真súi ê海鳥，tī澎湖地區是罕有ê夏候鳥。

048.kim-gán（金眼）＞小環頸鴴＞Little Ringed Plover.

048.kim-gán（金眼）＞小環頸鴴＞Little Ringed Plover.

  

kim-gán（金眼），目睭深烏色，目孔有一圈真影目ê金黃色，真súi。

kim-gán（金眼）是普遍ê留鳥kap冬候鳥，時常20~30隻，抑是三、五隻做陣出現tī海邊沙埔抑是溪埔仔地、魚池仔邊tshuē食；飛行時直飛速度tsiânn緊，se̍h圓箍仔、斡方向攏真liú-lia̍h su̍t-tíng。

親鳥tī孵卵抑是tshuē鳥仔囝tshit-thô活動時，若tn̄g著有天敵出現，伊會假影跛跤落翼裝做著傷，去引誘天敵ê注意，hōo鳥仔囝有時間thang閃避逃命。水生小動物、小型無枝骨動物抑是細隻蟲仔攏是伊ê主食。

Chheⁿ-á-châng chi bāng: 20180823_Lah-jih

Chheⁿ-á-châng chi bāng:  20180823_Lah-jih

1、

Lò-sia̍k-sia̍k khiā-thêng-thêng

Boeh khòaⁿ kong-kéng góa siāng-bêng

Hn̄g-hn̄g sī pat-kòa-soaⁿ  kīn-kīn sī chhân-hn̂g

Lông-bîn sin-khó͘ chia̍h gō͘-tǹg

So-chháu koah-tiū  chhiú sng kha nńg

Thàu-chá chhut-mn̂g tio̍h kàu ji̍t-hông-hun

Chheⁿ-á-châng khòaⁿ chiok-kú  siòng chin-hn̄g

Kó͘-chá kàu-taⁿ  tō-sī choh-chhân-lâng siāng sim-sng

2、

Chheⁿ-á-châng góa pún-sèng

Boeh chò sit-thâu góa siāng-hèng

Chá-chá sûn chhân-chúi  òaⁿ-òaⁿsûn âm-khang

Chá-àm kut-la̍t ke chi̍t-kang

Chhân-thô͘  iām-ji̍t chhiah-ia̍h  kōaⁿ-lâu

Ji̍t-ji̍t sio-liân  siāng-kiaⁿ ji̍t-tiong-tàu

Chheⁿ-á-châng  thó͘-ti̍t sèng pì-sù chêng

Sai-nai chhùi-súi  tō-sī choh-chhân-lâng siāng bē-cheng

菁仔叢之望：

一、

躼sia̍k-sia̍k 徛挺挺

欲看光景我上明

遠遠是八卦山  近近是田園

農民辛苦食五頓

挲草割稻手痠跤軟

透早出門著到日黃昏

菁仔叢看足久相真遠

古早到今  就是作田人上心酸

二、

菁仔叢我本性

欲做穡頭我上興

早早巡田水 晏晏巡涵孔

早暗骨力加一工

田塗炎日刺疫汗流

日日相連上驚日中晝

菁仔叢土直性閉思情

司奶喙水 就是作田人上袂精

047.tshân-niau-á（田貓仔）＞小辮鴴＞Lapwing.

047.tshân-niau-á（田貓仔）＞小辮鴴＞Lapwing.

tshân-niau-á（田貓仔），歇tī海邊抑是溪口附近ê溼地、草菢、水田內；伊ê吼聲「miau、miau、miau…」kài-sîng貓仔聲。國外嘛因為伊ê叫聲ná貓leh吼，kā號做濱貓、貓鳥。

田貓仔ê後斗觳仔（āu-táu-khok-á）有像頭鬃尾仔ê羽飾，號名小辮鴴，「鴴」是日本創作ê日本國字，m̄是漢字。

田貓仔是上普遍ê冬候鳥，蘭陽平原一帶ê度冬區tsiânn捷看著，三、五隻一小群，數十隻十大陣，做伙tshuē食，警戒心強，無容易接近，hìng食杜蚓、杜猴、草蜢仔。