2020年9月19日 星期六

 作田人按怎灌溉淹田:                Lahjih      20200918





彰化縣八堡圳是台灣上蓋古老埤圳之一,17091719康熙年代施世榜建造,造福彰化縣境內八堡農田水利。關係八堡圳ê起造,逐家較趣味 --先生ê傳說,講伊教施世榜用籠仔笱(lam-á-kô)工法,chiah解決濁水溪引水入圳ê困擾。古早為著風調雨順國泰民安,攏會編一寡神話、神ê旨意來an-tah民心,八堡圳ùi二八水分流一圳kah二圳,建 林先生廟;來到田中央造水門hō͘八堡兩圳相通,起 世芳宮林媽廟;然後到鹿港地界,建 天后宮服祀本尊媽祖林默娘,lóng是水神,lóng是姓林。

籠仔笱截水引水入圳,確實是好工法,八堡圳另外一種真重要ê工法,soah罕得有人論述紹介,啥乜工法?浮圳工法,啥乜是 浮圳?

 

八堡圳,在地人講大溪,大溪主流ùi二八水鼻仔頭向西北爿流到鹿港地界,主流koh有分流,號做中圳,設有tòng-mn̂g(擋門)[水門]調節水量,田中地界有鴻門圳、大高圳,中圳有涵孔閘門調節圳水流入大水溝kap細條水溝,水溝仔岸埋圓形涵孔流入水田淹水,構成灌溉水利網。

大溪是按照地形懸低起落,擔塗圳路兩爿坉岸,坉成「凹」字形圳體,是挖溝,圳岸坉塗坉懸懸,koh建造水門通水溝,水溝通田園,大溪、中圳溪底,水溝溝底lóng比水田較懸,溪水水面看起來像浮地面頂懸,所以號做浮圳。圳水溝仔水若boeh淹田,只要水門、涵孔開--開,一港一港濁水溪水自動流入田園。

 

八堡圳灌溉水利網,兩爿坉懸ê溪岸溝仔岸,大量坉塗ùi tó位挖塗?Tòng-áchit个大潭按怎形成,是另外值得思考ê問題。

八堡圳灌溉淹田範圍真闊,二八水、田中央、社頭算是水頭,khah-bē欠水,播田期前後上需要水,為著爭水,有時mā-ē póe-hōe,因為lóng是厝邊隔壁,罕得冤家相拍。

 

下面來講一寡放水淹田ê用語,可能kah別所在有淡薄仔精差:

八堡圳:原名「施厝圳」,叫做「濁水圳」,較捷講「八堡圳」。八堡是東螺東堡、東螺西堡、武東堡、武西堡、燕霧上堡、燕霧下堡、馬芝堡及線東堡。

大溪:八堡圳,在地人慣勢講「大溪」。古早有 大溪岸、大溪水、大溪無崁蓋 語詞。

中圳:八堡圳ê分流[支流]。田中地區有鴻門圳、大高圳。

水溝á:中圳koh分流,是水溝、水溝á

浮圳:浮圳ê構造,親像「凹」字形,圳體浮比地面較懸,圳水親像浮地面。

水門:施設chhiān枋閘水,古早號做tòng-mn̂g/táng-mn̂g (擋門)

水田:食濁水溪溪水ê水田,塗壤肥koh黏。

涵空:圳岸、溝仔岸下面埋圓形暗管,引水入水溝抑是田園。較深安閘門,較淺直接塞破布。

放水:圳水流入水溝,水溝水流入田地,叫做放水、放田水、淹田水、淹水。

濁水窟仔:涵孔水chhiâng-lo̍h所在,留一坪大ê田地挖濁水窟仔,窟仔水chiah盤過水田,濁水窟仔chhēê烏塗膏真肥,聽候犁田前,tō kā烏塗膏清去下坵田。

頂坵pôaⁿ下坵:1埒田地抑是1塊田地,倚溝仔邊是頂坵,地較懸,離溝仔較遠是下坵,地較低,涵孔放水了後,利用開田岸隙tō-ē頂坵盤下坵。

田岸隙(chhân-hōaⁿ-khiah):田岸人工掘ê缺隙,破水(phòa-chúiê水路。

làu水:田水siuⁿ滇抑是已經無需要田水,利用田隙瀉水。chit種田岸隙著掘較深。

破水:田岸掘田岸隙來引水抑是退水。

清水溝:濁水溪水是濁--ê,年久月深塗膏ē chhē底,需要人工清除。古早是逐家義務勞動做公工。

清大溪:八堡圳中圳仝款年久月深沈積濁水溪流來ê石頭沙á kah烏塗膏,歸庄人出動義務勞動做公工清除。

2020年9月10日 星期四

Phah火鳥----Ataya紅喙畢仔故事

 Phah火鳥----Ataya紅喙畢仔故事       Lahjih 20200911修正


















蕭惠麗相片


古早古早,Ataya tòa ê所在,有一工火燒山,連燒幾若暝日,範勢非常危急,樹林是鳥隻、野獸ê徛家,內內面有誠濟食物,樹林、野草若是燒了了,但無thang歇岫,thang食,嚴重威脅著in ê討食生存。顧山頭安全ê山神,趕緊調集所有飛鳥野獸ê頭人,開會決定搶救樹林火災辦法,呼籲逐家著同心協力,為著逐家安全活命,一定愛認真來救火,m̄-thang自私驚死,kan-nā知影保護家己,有「日頭赤-iā,隨人顧性命」ê自私心理,按呢咱ê家鄉chiah-bē hō͘無情ê大火,燒kahkhu̍t變成無生命力ê火燒埔。

雖然山神緊急調集,總是自私本成就是動物ê本性,閣再講,大部分ê動物生成就是驚火,看著chiah-ni̍hê大火災,逐家攏kah phi̍h-phi̍h-chhoah gī-gī-chùn,啥物同心協力,啥物坐仝船載--êlóng mā 記得了了,隨ê四散逃命,soah真正有影「日頭赤-iā ,隨人顧性命」相爭逃命,為著家己ê安全,無人願意冒險去救火,平時上gâu展伊gâuêáchit-pái真正走第一,認輸ê hit隻龜mā tòe後壁kho̍k-kho̍k-,飛鼠是走,敢越頭看,恐驚會去hō͘火舌nā--tio̍hniáuá巴,烏鴉á是驚kahá滲尿,kan-nā會曉ah ah ah ah.一直吼無歇,hit種恐怖,連溪谷水內ê魚蝦水族,攏giâ 頭匿匿toeh水底去。

Chit ê時陣,只剩紅喙畢á--落來,in無驚惶,心情鎮靜,有計畫有秩序開始動員剩落來ê族群,按照山神ê來進行phahê工課,有ê開防火巷,chiah-bē hō͘火災繼續湠開;有ê利用in ê雙腳kahpekā to̍hê樹枝遏斷,mài hō͘閣再to̍h--落去,因為in逐家驚艱苦,無惜性命扑拼救火,最後chiah kā火扑hoa去。

扑火救災ê過程中間,紅喙畢á ê族群出上濟力,siāng-kài phah-pià 驚死,死命phah火,soah hō͘火舌nā kah歸身軀全是傷痕,嘴pe kah兩支腳骨燒kahkì-kì,其他ê羽衣mā hō͘火燻燻kahsô-sô是親像咱chit-má看著--ê chit款模樣,che 是紅喙畢á號名ê因由。

因為紅喙畢á in ê出生入死,勇敢拚命救火,chiah 一場可怕ê樹林大火消滅,保全逐家倚靠活命ê家園。山神為著感謝紅喙畢á冒險救火ê精神,慶功賞賜ê同時,賞賜inphah火鳥」ê美名,閣hō͘ in ê囝孫,世世代代攏kah in ê祖先仝款,嘴pe紅紅,雙腳紅紅,配合歸身軀烏金烏金ê羽衣,美麗非常。紅喙畢áphah火鳥」ê美名自按呢流傳到chit-kú

2020年9月8日 星期二

菜豆á糜: Lahjih 2002作品

 菜豆á    Lahjih      2002作品       20200908小可修改
















透早散步,躂--à躂,躂轉去到祖家,早起6點外,對庄腳人來講無算早,二嫂ùi厝邊田園挽一把菜豆hō͘--我,種tī家己田ê田岸,無chōa農藥,做你放心á食。田岸豆,一莢一、二lia̍h長,boeh chit-chūn正當時,免像古早時著聽候到「八月八,牽豆藤,挽豆莢」chiahteh食。

 

轉到厝--裡,趕緊報告牽手知:

Chit把菜豆á是二嫂hō͘--ê,中晝來煮菜豆á糜好--m̄

--ê講:閣chiahchíⁿboeh來煮,足久m̄-bat煮菜豆á糜,你若愛食我來煮hō͘你食!

過晝後á電視新聞已經報一睏。

--ê:菜豆á糜煮熟--lò

趕緊提碗箸,ám-chhiâ-á gia̍h--leh開始khat,芳kòng-kòngkòng-kòng芳,可惜燒燙燙,bē-tàng吞落喉,講tō hō͘人愛笑,giàn食菜豆á糜,實在無kā汝騙,無張持瀾水soah tin--落來

 

--êTa --àgiànkah chit款,sīm--一下chiahlah!燒燙燙,是boeh按怎食?你mā mài hiah現世ká-nám̄-bat食著?免chhoah嘴箍lah

我無意無意:無lah!猶未boehlah!是kan-nākāhō͘伊冷,聽候等一下收羹了後chiahsu̍t,外好食你敢知?

--ê:騙人m̄-bat食著?等一下lah!閣去看有啥物國內大代誌--bò͘

ká-ná leh騙囡á leh!想想leh,家己有影á仝款,敢有影leh去老還童?抑是leh老番癲leh po̍ah老感情?

 

á糜食落嘴:ŏa~!汰會chiah好食,甜閣芳,菜豆á幼膩,嘴齒ngauh落去ê口感,蓬萊米ê黏濁,閣拄好冷實在有夠讚!

--ê:好--à lah!取hit支嘴,有食心花開,閣會吟詩作對,啥物口感好,啥物濁水米黏濁,hesoah知,猶閣有啥物無仝ê氣味--bò͘

食人飯,犯人問,應話著sè-jīĕ~ká-ná有香菇味--ō͘?猶有tong蝦、肉sò、蝦仁、蔥頭--lio͘h!哪會摻chiah-ni̍h濟佐料?莫怪chiah-ni̍h好食?

--ê有淡薄ákah意聽:「材料夠,是新婦gâu。」俗語講了無著。

有影犯沖--a ho͘h:歹勢chit-ê意思lah!古早êá糜,實在bē-bái食,啥知chit-má你煮ê猶閣好食,原來是摻chiah-chē配料。想往過煮鹹糜,啥物香菇、肉sò,做你免siàu想,做你免孝孤,若有豬油、蔥頭khiàn芳,閣有thangche肉粕átō sut kah m̄知影thang--lò͘

 

--ê繼續詢問:敢chiah香菇、肉sò--niā-niā?閣chhōe看有啥物寶--bò͘

無斟酌soah bē使chitChe散散啥?敢ē干貝?食chiah好?ò͘!猶有蚵乾,鮮蚵á莫怪!莫怪!雖然講「材料夠,是新婦gâu。」若無新婦ê才調,刀子師ê本事,kan-nā有材料,敢有法度變lián,材料夠是新婦ê推辭,gâu新婦chiah是重要。牽--ê!感謝你ê功夫,感謝好新婦!

--ê歡喜tī面:Mài雞母皮--āchiâ是你ê新婦?愛食做你食,màihe hō͘人起雞母皮ê話句,mài話仙--a

煮食,阮牽手有影gâu,無kā汝騙!菜豆á煮糜,有夠好食,信,煮來食看覓leh,你知。

2020年9月4日 星期五

粞粽: Lahjih 20200905

 粞粽:    Lahjih 20200905












M̄ boeh 20m̄-bat食粞粽,hit日市場看著粞粽,隨5粒轉來tehteh喙箍,雖罔縛kah歹看樣,無像較早阿嫂ê技藝,tháu開食看覓koh不止仔好食,有記智ê古早味。

粞粽是用粿粞包餡ê粽,有講做粿粽,用圓秫仔挨漿蝕水nóa做粿粞,chiah一粒一粒包餡包竹箬仔,縛好著一捾一捾落去籠床炊熟,kah做紅龜粿仝款厚工。

永過無冰箱,五日節七月半縛粽,lóng著用餾--ê chiah-bēhō͘臭酸生菇。縛米粽較省工,m̄-koh快生黏,khah-bē--得,若縛粞粽tō ē-tàng加囥幾若工,囡áboeh食,炊軟tō ē使得,有時無炊是食kah喙笑目笑,tī hit个散赤年代ê庄跤囡á,爸母上驚伊看人食。

Chit-má ê人,錢水活、驚費氣,lóng mā買便--ê,錢hō͘人趁較清閒。若是有才調有興趣家己縛粽,是縛米粽(chit-má lóng講做肉粽),siâⁿ人有hit-lō閒工、才調去挨粿、硩粿漿、洗粽箬、縛粽、炊粽‥‥‥?米粽簡單用sa̍h--ê,粿粽需要籠床用炊--êkan-nā 冷一半。

Chit-má ê人,見講是肉粽、『包粽』,kan-nā siàu想選舉boeh贏,考試想boeh『高中』,縛粽文化、意義、語言lóng oai-chhoa̍h kah不顛lā-kài,時代leh變,變kah無傳承,實在可嘆。