2020年5月27日 星期三

牽手 牽手 牽手一世人: Lahjih 20200528

牽手 牽手 牽手一世人: Lahjih 20200528

Khan-chhiú khan-chhiú khan chhiú chi̍t-sì-lâng:
牽手 牽手 牽手一世人:
Thiⁿ sù in-iân ǹg-chêng kiâⁿ kiâm sng khó͘ chiáⁿ bô kiaⁿ-hiâⁿ
hoaⁿ-hí saⁿ-kēng lâi kòe-ji̍t sim kam chêng goān kut-la̍t piàⁿ
天賜因緣向前行 鹹酸苦汫無驚惶 歡喜相楗來過日 心甘情願骨力拚
ng mî-phōe
相楗相疼平安過 身苦病痛總嘛會 冤家勞債罕得有 同眠同枕仝一被
Pin-koán eng-hoe chò kiàn-chèng pòaⁿ-sè-kí chêng ì kian-tēng
kiōng-tông kiàn-li̍p chit-ê ke ǹg-bāng kiáⁿ-sun tit kong-bêng
賓館櫻花做見證 半世紀情意堅定 共同建立這个家 向望囝孫得光明
Jîn-seng chek-jīm kàu-chia chí ū khó͘ ū tiⁿ lóng hoaⁿ-hí
khan-chhiú tong-hā tio̍h khan chhiú him-siúⁿ àm-hê siāng chhù-bī
人生責任到遮止 有苦有甜攏歡喜 牽手當下著牽手 欣賞暗霞上趣味

2020年5月9日 星期六

Khiàng-kha--ê pā-kang: 20200509 Lahjih

Khiàng-kha--ê pā-kang:         20200509   Lahjih


Khiàng-kha--ê m̄ chò-sit, kui-ji̍t tiàm chhù-lāi phòng-í the, hāi goán bē-tàng chhut-mn̂g khòa-lāu-jia̍t sì-kè se̍h.

" Khiàng-kha--ê! lí m̄ chhōa-goán chhut-mn̂g hui-hui seh-seh--leh, 5-kang bô khòa hit-châng hoe, bô khòa hit-phiàn chhân-hn̂g, bô kā Pat-kòa-soa chhéng-an kóng gâu-chá, chiok ut-chut--ê lí kám-chai?"

" Hè--à! hè--à! góa mā 5-kang bô thia-tio̍h chiáu-á sia--neh! "
" Góa mā chhùi-kho͘ it-ti̍t chhoah, su-liām hit-tà tōa-tn̂g mī-sòa-kô͘! "
" Khiàng-kha--ê, chhōa goán chhut-khì seh-seh--leh, hó--bò͘? " ba̍k-chiu, hī-khang, chhùi tâng-chê hó-chhùi ko͘-chiâ.

Ah lín sī bô-khòa "kha" koh-iū--hio͘h? í-keng ū 5-ji̍t, ta̍k-ji̍t khí-lo̍h lâu-thui ná ku leh sô, tò-kha kha-pôa kha-thiāu koan-chat ná tàu-bô-tiâu, kiâ-lō͘ oaih--leh oaih--leh sè-hoa̍h sóa, ū-sî koh-ē tiuh-tiuh-thià, lín mā sió lún--leh, bîn-á-chá-khí chiah khòa-māi--leh.

M̄-chai sī chí-thià-io̍h èng-hāu, a̍h-sī thià-kàu kam-goān--ā, kin-á-ji̍t thàu-chá cheng-sîn ē kiâ-lō͘--ā. 

Kóa-kín--ò͘, thi-sek kng-iā-iā, chhōa lín lâi-khì chhit-thô, chioh âng-sek tiān-tōng-chhia, chài ta̍k-ke chhut-mn̂g se̍h--chi̍t-liàn!

Ji̍t-thâu-kng tī hia kng-iā-iā, ū khoài A-lí-san, To̍k-li̍p-soa. Hông-bûn-chùn-pi hit-châng âng-sek hoan-á-hoe, mā khui kah âng-phā-phā, lak kah kui-thô͘-kha, ū-kàu sóng ê hoa-hí

Góa mā-ū thiaⁿ-tio̍h chiáu-á-siaⁿ, pe̍h-thâu-khok-á ku-lú-ko̍k-lo̍k, bāng-tang-tiú-á leh kho͘-si-á, chhiⁿ-tî-á ti-ti-háu, ū-kàu hó-thiaⁿ

" To-siā Khiàng-kha--ê! to-siā Khiàng-kha--ê! "

Án-ni lán hó lâi-khì tńg, bô, tán--leh Khiàng-kha piàn bah-kha tio̍h chia̍h-lat.

ちょっと待ってtán--chi̍t-ē, Khiàng-kha--ê, ē-kì-tit chhōa góa lâi-khì bé tōa-tn̂g mī-sòa-kô͘, hah kúi-nā-kang--a!
跤底筋膜炎又閣發作,倒跤疼kah歹伐步,oaih--leh oaih--leh細伐行,無張持koāi--tio̍h tiuh-tiuh疼,想起一年前疼kah bē tam塗跤,kioh是尿酸疼風症,醫館骨科、復健科診斷無結論,kan-nā止痛藥備用,膏藥加減糊,按怎ē行路,無結論͘-chai-iang知影)。
--bat koh疼,仝款止痛、膏藥su-hāu,三工了後仝款旅遊行路,並無各樣。Chit擺雖罔免扞椅頭仔chhek徙位,mā-ē peh樓梯,koh-ū食止痛藥,siáⁿsoah5chiah-ē騎車,知明仔載iáu-ē(猶會)koh--bò͘
Chiâⁿ禮拜無出門,趁早起ē行路ē騎車,出去chi̍t-liàn

2020年5月6日 星期三

Chhái-khēng chhit-chhái(彩虹七彩) 20200502 Lahjih

Chhái-khēng chhit-chhái(彩虹七彩) 20200502 Lahjih

Chhái-khēng(彩虹)有七彩,âng(red紅)、têng/tiân(orange橙)、n̂g/ûiⁿ(yellow黃)、le̍k(green綠)、nâ(blue藍)、tiān(indigo靛)、chí(purple紫)。
Chia-ê色水kan-nā紅色、黃色咱有綴漢字字音讀、寫、講,lóng-bē têng-tâⁿ誤解。其他色水咱tō講柑仔色、chheⁿ色、khóng色、chhíⁿ色、茄仔色,按呢講雖罔通俗,卻是無夠精準,因為lô-má-jī漢字對應無合軀,甚至有時含含糊糊m̄知按怎表達。個人感覺彩虹七彩色緻有必要直接按漢字 紅âng、橙têng、黃n̂g/ûiⁿ、綠le̍k、藍nâ、靛tiān、紫chí來標音發聲,若是bē造成誤解色緻ê表達,tō隨人習俗方音mā無妨。
色水有深淺,深淺僫得分真明,下面咱用彩虹七彩rainbow color做基準,分深淺來記錄在來台語有ê色水名稱kah形容如下:
Âng-sek(red紅色):
Deep red(深紅)、烏tò͘紅Kate Deep Red、暗紅、香跤紅、桃仔紅dark pink、胭脂紅carmine red、柑仔紅Mandarin Red、朱紅;Light Red(淺紅)、粉紅、笑紅。
形容詞有,花 紅kòng-kòng、紅phāⁿ-phāⁿ、紅phā-phā 、紅phà-phà;血 紅kì-kì;果子 紅tìm-tìm;色水 紅hóaⁿ紅hóaⁿ。
烏tò͘紅ê絲絨長衫;烏tò͘紅ê葡萄;粉紅色ê腰帶;紅kòng-kòng ê賀聯;紅phà-phà ê鳳凰花;喙唇胭脂點kah紅kì-kì;喙唇胭脂朱朱紅。柑仔紅ê壁堵siuⁿ過影目。
紅花柳綠十花五色;花無百日紅,人無千日好;紅膏赤蠘âng-ko-chhiah-chhī;紅媠,烏大範âng, súi, o͘ , tōa-pān。
Têng-sek(orange橙色):
柑仔色(orange)、柳丁色(orange)、紅柑仔色(Red orange)、深柑仔色(Deep orange);淺柑仔色(Light orange)。
N̂g-sek(yellow黃色):
深黃(Deep yellow)、金黃色、鵝仔囝黃(Goose yellow)[鵝黃色];黃岩色(n̂g-gâm-sek)、檸檬黃(remon yellow)、淺黃(Light yellow)、笑黃。
生做 黃酸黃酸;面色 黃phí-phí;稻仔 黃gìm-gìm;金黃色ê稻穗;鵝仔囝黃ê膨紗衫;檸檬黃ê洋裝。
Le̍k-sek(green綠色):
深綠色(Deep green)、chheⁿ/chhiⁿ色(青色?);淺綠色(Light green)、笑綠。
綠竹筍、烏跤綠仔、菝仔未熟 chheⁿ/chhiⁿ-phiàng-phiàng、驚kah面仔 chheⁿ/chhiⁿ-sún-sún、chheⁿ-sìm-sìm ê田洋、chheⁿ/chhiⁿ-lèng-lèng ê 韭菜股、chheⁿ/chhiⁿ紅燈(青紅燈?)[紅綠燈]。
Nâ-sek(blue藍色):
深藍(Deep blue)、khóng-sek(紺色Navy blue)[藏青色深藍色]、暗藍;淺藍(Light blue)、笑藍、水色(Aqua color)。
Tiān-sek(indigo靛色):
靛色tiān色、chhíⁿ色、暗chhíⁿ(色)、深靛(色)Deep indigo;淺靛(色)Light indigo、chhián-chhíⁿ、chhiò-chhíⁿ。
Chí-sek(purple紫色):
Chí色、茄仔色(purple)、深紫色(Deep purple):淺紫色(Light purple)、淺茄仔色。
除了紅橙黃綠藍靛紫七色,猶有烏色、白色、殕色。
O͘-sek(black烏色):烏鐵灰(o͘-thih-hoe)。
Phú-sek(gray殕色):深殕(Deep Gray)、暗殕(àm-phú)、烏殕(o͘-phú)、淺殕(Light Gray)、鳥鼠色(niáu-chhí-sek)。
Pe̍h-sek(white白色):粉白(hún-pe̍h)。
khe-khó(稽考)--chi̍t-ē:
漢字「青」--字是chheng抑是chheⁿ/chhiⁿ抑是chhíⁿ?青菜是chheⁿ/chhiⁿ菜、青天白日是chheng天白日、chheⁿ/chhiⁿ色是綠色green抑是青色、chhíⁿ-sek是chhíⁿ色抑是青色?
indigo靛(tiān)色,咱直接講chhíⁿ色、暗chhíⁿ、笑chhíⁿ tō好。