教囝叫，抑是綴囝叫：

 教囝叫，抑是綴囝叫：                Lahjih（蕭平治）20210220

傳統習俗，娶入新婦需要降一輩稱呼翁婿平輩ê兄弟姊妹，大伯仔叫大伯，大姆仔叫大姆，細叔仔叫阿叔，細嬸仔叫阿嬸。大伯大姆、二伯二姆、三叔三嬸、屘叔屘嬸，kap伊ê後生查某囝仝款稱呼，號做教囝叫，抑是綴囝叫。

個人認為 教囝叫 較合理路。

囡仔自出世開始，大部份時間跟綴老母認bat世事，親人親情稱呼lóng是老母教示較濟，m̄-chiah老母著用囡仔ê身份角度，教囝叫伊ê阿伯阿姆、阿叔阿嬸、阿姑姑丈，私底下，做老母--ê才照倫理叫 大伯仔大姆仔、細叔仔細嬸仔、阿姑仔姑丈--ā。

若是阿媽教孫，著教孫叫伯公姆婆、叔公嬸婆、婆祖丈公，私底下，做阿媽--ê著照倫理叫 伯公仔姆婆仔、叔公仔嬸婆仔、姑婆仔丈公--a。

講kah 花kô͘-kô͘ 霧sà-sà，男女平等新時代，咱著來改善一下。

娶入新婦m̄免koh降一輩稱呼翁婿平輩ê兄弟姊妹，直接綴翁婿叫一切順序ok。若是教囝叫，無論阿母、阿爸、阿公、阿媽⋯，攏總徛tiàm囡仔身份教伊叫，直接講：叫阿公，叫阿伯，叫姆婆、叫丈公；叫阿媽食飯、叫阿爸chhōa你去chhit-thô，kā姨丈說多謝，叫屘叔來唱歌。m̄免加「你，恁」，