009.Àm-kong（暗公）＞夜鷺＞Night Heron.：

009.Àm-kong（暗公）＞夜鷺＞Night Heron.：

  

àm-kong（暗公）是日--時歇睏，暗時討食ê夜行性鳥類，嘛叫做暗公鳥抑是暗鷺。

暗公鳥是形容熬夜到三更半暝m̄睏ê人。

俗語：
「暗公吼tsiūnn山，笠仔棕蓑提來mua；暗公吼落海，笠仔棕蓑提來tshāi。」

暗公鳥kap白翎鷥小白鷺、牛背鷺，三者共同做白翎鷥穴（岫）。

008. Tshân-khiah-á（田隙仔）＞黃小鷺＞Chinese Little Bittern.：

008. Tshân-khiah-á（田隙仔）＞黃小鷺＞Chinese Little Bittern.：

時常出現tī水田裡，特別tī田岸有缺隙ê所在，因為田缺較有魚蝦鰗鰡抑是水生生物thang食。

 Tshân-khiah-á（田隙仔）tī水田中、草phō內liâu水tshuē食，攏將頷頸kiu成z字形，所以tī宜蘭人king-thé一个人kiu-kiu-lun-lun，行路隱痀形，叫做Tshân-khiah-á（田隙仔）。

007.Hái-khiā-á（海徛仔）＞蒼鷺（tshong-lōo）＞Gray Heron.：

007.Hái-khiā-á（海徛仔）＞蒼鷺（tshong-lōo）＞Gray Heron.：

   














時常用一支跤徛--leh，另外一支kiu tī腹肚下，所以叫Hái-khiā-á（海徛仔）。將頷頸kiu成z字形到肩胛頭，而且用靈敏ê眼力，等待獵物。

006. Pe̍h-līng-si（白翎鷥）＞牛背鷺、黃頭鷺＞Cattle Egret.：

006. Pe̍h-līng-si（白翎鷥）＞牛背鷺、黃頭鷺＞Cattle Egret.：

  

黃頭鷺、tī分類上kap小白鷺是無仝款--ê，定定歇tī牛尻脊骿，所以叫做牛背鷺，出現tī田園，作穡人leh犁田時。

005. Pe̍h-līng-si（白翎鷥）＞白鷺＞Egret.：

005. Pe̍h-līng-si（白翎鷥）＞白鷺＞Egret.：

   

因為有白色絲仔形ê羽毛，才叫做白翎鷥，有大白翎鷥、中白翎鷥、唐白翎鷥ê分別。

傳統唸謠：

「西北雨一直落，白翎鷥來趕路，盤山嶺過溪河，tshuē無岫跋一倒，日頭暗，怎樣好，土地公，土地婆，做好心，來tshuā路。」

「白翎鷥擔畚箕，擔到溪仔墘，跋一倒，khioh一圓，買公餅送大姨，大姨嫌無濟，掠雞仔來咒誓。」

「白鷺鷥，捙畚箕，捙到溪仔墘，跋一倒，khioh著兩sián錢。一sián儉起來好過年，一sián買餅送大姨。」

俗語：

「白翎鷥，飛入去胭脂巷，亦是白。」

「白翎鷥拚死食，亦無跤後肚仁。」

004.Lôo-tsî（鸕鶿）＞鸕鶿＞Common Cormorant.：

004.Lôo-tsî（鸕鶿）＞鸕鶿＞Common Cormorant.：

Lôo-tsî（鸕鶿），tī台灣是普遍ê冬候鳥，會曉藏水沬掠魚仔。

Tsúi-pī-á（水避仔）＞小鷿鷈＞Little Grebe

001. Tsúi-pī-á（水避仔）＞小鷿鷈＞Little Grebe.：

大部分ê水鳥仔，拄著危險就飛離水面避險，獨獨Tsúi-pī-á（水避仔）會曉藏入水內閃避危險。in覕tī水草內抑是蘆竹仔跤，伸出伊ê喙pe喘氣，等待天敵離開。