20140825_台語聲調呼音訓練[二]：

20140825_台語聲調呼音訓練[二]：             Lah-jih_20140825

二、三連音：

▲三連音，第一音節有部份讀一般變調，有部份讀第九聲；第二音節照一般讀變調；第三音節保持讀本調。

▲三連音有時ē使得省略第二音節。

▲第九聲屬高升調，音值親像華語ê第二聲。

▲變調用數字標示「音值」，上標表示音調上升，下標表示音調下降。

第一聲：

1、 內山坑仔水 清清清(tshing-tshing-tshing)：[tshing⁹-tshing₇-tshing] [tshi̋ng-tshing₇-tshing] [tshi̋ng-tshing]

2、這領鵝毛衫 輕輕輕(khin-khin-khin)：[khin⁹-khin₇-khin] [khi̋n-khin₇-khin] [khi̋n-khin]

3、這領花仔衫 花花花(hue-hue-hue)：[hue⁹-hue₇-hue] [hue̋-hue₇-hue] [hue̋-hue]

4、 教室窗仔門 開開開(khu-khui-khui)：[khu⁹-khui₇-khui] [khui̋-khui₇-khui] [khui̋-khui]

5、 這台車猶閣 新新新(sin-sin-sin)：[sin⁹-sin₇-sin] [si̋n-sin₇-sin] [si̋n-sin]

6、 這盒牛奶糖 甜甜甜(tinn-tinn-tinn)：[tinn⁹-tinn₇-tinn] [ti̋nn-tinn₇-tinn] [ti̋nn-tinn]

7、 白色茉莉花 芳芳芳(phang-phang-phang)：[phang⁹-phang₇-phang] [pha̋ng-phang₇-phang] [pha̋ng-phang]

8、 阿媽金旆鍊 金金金(kim-kim-kim)：[kim⁹-kim₇-kim] [ki̋m-kim₇-kim] [ki̋m-kim]

第二聲：

1、 好食枝仔冰 冷冷冷(líng-líng-líng)：[líng₁-líng₁-líng]；[líng⁹-líng₁-líng] [li̋ng-líng₁-líng] [li̋ng-líng]

2、你的頭殼額 腫腫腫(tsíng-tsíng-tsíng)：[tsíng₁-tsíng₁-tsíng]；[tsíng⁹-tsíng₁-tsíng] [tsi̋ng-tsíng₁-tsíng] [tsi̋ng-tsíng]

3、姑娘白肉底 媠媠媠(suí-súi-súi)：[suí₁-súi₁-súi]；[suí⁹-súi₁-súi] [sui̋-súi₁-súi] [sui̋-súi]

4、 米糕糜煮到 洘洘洘(khó-khó-khó)：[khó₁-khó₁-khó]；[khó⁹-khó₁-khó] [khő-khó₁-khó] [khő-khó]

5、 阿公橐袋仔 飽飽飽(pá-pá-pá)：[pá₁-pá₁-pá]；[pá⁹-pá₁-pá] [pa̋-pá₁-pá] [pa̋-pá]

6、 石頭硩一下 扁扁扁(pínn-pínn-pínn)：[pínn₁-pínn₁-pínn]；[pínn⁹-pínn₁-pínn] [pi̋nn-pínn₁-pínn] [pi̋nn-pínn]

第三聲：

1、 得人疼坐予 正正正(tsiànn-tsiànn-tsiànn)：[tsiànn²-tsiànn²-tsiànn]

2、伊真惡面仔 變變變(pìnn-pìnn-pìnn)：[pìnn²-pìnn²-pìnn]

3、躼跤仔跤腿 躼躼躼(lò-lò-lò)：[lò²-lò²-lò]

4、 昨暝伊啉到 醉醉醉(tsuì-tsuì-tsuì)：[tsuì²-tsuì²-tsuì]

5、 你予人食到 夠夠夠(kàu-kàu-kàu)：[kàu²-kàu²-kàu]

6、 予你講一下 對對對(tuì-tuì-tuì)：[tuì²-tuì²-tuì]

第四聲：

1、 菝仔猶未熟 澀澀澀(siap-siap-siap)：[siap²-siap²-siap]

2、牛仔褲傷狹 束束束(sok-sok-sok)：[sok²-sok²-sok]

3、跋落水衫褲 漉漉漉(lok-lok-lok)：[lok²-lok²-lok]

4、 面桶踏一下 塌塌塌(lap-lap-lap)：[lap²-lap²-lap]

5、 拍乒乓輸到 貼貼貼(tah-tah-tah)：[tah²-tah²-tah]

6、 嬰仔看起來 肉肉肉(bah-bah-bah)：[bah²-bah²-bah]

第五聲：

1、 阿啄仔目睭 濁濁濁(lô-lô-lô)：[lô⁹-lô⁷-lô] [lő-lô⁷-lô]；[lô⁹-lô₃-lô] [lő-lô₃-lô]；[lő-lô]

2、鳳凰木開花 紅紅紅(âng-âng-âng)：[âng⁹-âng⁷-âng] [a̋ng-âng⁷-âng]；[âng⁹-âng₃-âng] [a̋ng-âng₃-âng]；[a̋ng-âng]

3、昨暝我醉到 茫茫茫(bâng-bâng-bâng)：[bâng⁹-bâng⁷-bâng] [ba̋ng-bâng⁷-bâng]；[bâng⁹-bâng₃-bâng] [ba̋ng-bâng₃-bâng]；[ba̋ng-bâng]

4、 平均分予伊 齊齊齊(tsiâu-tsiâu-tsiâu)：[tsiâu⁹-tsiâu⁷-tsiâu] [tsia̋u-tsiâu⁷-tsiâu]；[tsiâu⁹-tsiâu₃-tsiâu] [tsia̋u-tsiâu₃-tsiâu]；[tsia̋u-tsiâu]

5、 豬胚仔大隻 肥肥肥(puî-puî-puî)：[puî⁹-puî⁷-puî] [pui̋-puî⁷-puî]；[puî⁹-puî₃-puî] [pui̋-puî₃-puî]；[pui̋-puî]

6、 樹仔跤歇睏 涼涼涼(liâng-liâng-liâng)：[liâng⁹-liâng⁷-liâng] [lia̋ng-liâng⁷-liâng]；[liâng⁹-liâng₃-liâng] [lia̋ng-liâng₃-liâng]；[lia̋ng-liâng]

7、 日斜西人影 長長長(tn̂g-tn̂g-tn̂g)：[tn̂g⁹-tn̂g⁷-tn̂g] [tn̋g-tn̂g⁷-tn̂g]；[tn̂g⁹-tn̂g₃-tn̂g] [tn̋g-tn̂g₃-tn̂g]；[tn̋g-tn̂g]

第六聲：

第七聲：

1、 驚一下走佮 遠遠遠(hn̄g-hn̄g-hn̄g)：[hn̄g⁹-hn̄g₃-hn̄g] [hn̋g-hn̄g₃-hn̄g]；[hn̋g-hn̄g]

2、祝福你食到 老老老(lāu-lāu-lāu)：[lāu⁹- lāu₃-lāu]；[la̋u-lāu₃-lāu]；[la̋u-lāu]

3、厚面皮面皮 厚厚厚(kāu-kāu-kāu)：[kāu⁹-kāu₃-kāu]；[ka̋u-kāu₃-kāu]；[ka̋u-kāu]

4、 阿里山山路 崎崎崎(kiā-kiā-kiā)：[kiā⁹-kiā₃-kiā]；[kia̋-kiā₃-kiā]；[kia̋-kiā]

5、 啥物代看到 霧霧霧(bū-bū-bū)：[bū⁹-bū₃-bū]；[bű-bū₃-bū]；[bű-bū]

6、 共代誌推佮 離離離(lī-lī-lī)：[lī⁹-lī₃-lī]；[li̋-lī₃-lī]；[li̋-lī]

第八聲：

1、 阿公的頭毛 白白白(pe̍h-pe̍h-pe̍h)：[pe̍h⁹-pe̍h₃-pe̍h] [pe̋h-pe̍h₃-pe̍h]；[pe̋h-pe̍h]

2、伊共巡畫佮 直直直(ti̍t-ti̍t-ti̍t)：[ti̍t⁹-ti̍t₃-ti̍t] [ti̋t-ti̍t₃-ti̍t]；[ti̋t-ti̍t]

3、這張玻璃紙 薄薄薄(po̍h-po̍h-po̍h)：[po̍h⁹-po̍h₃-po̍h] [pőh-po̍h₃-po̍h]；[pőh-po̍h]

4、 鳥鼠仔覕到 密密密(ba̍t-ba̍t-ba̍t)：[ba̍t⁹-ba̍t₃-ba̍t] [ba̋t-ba̍t₃-ba̍t]；[ba̋t-ba̍t]

5、 寬仔行塗跤 滑滑滑(ku̍t-ku̍t-ku̍t)：[ku̍t⁹-ku̍t₃-ku̍t] [kűt-ku̍t₃-ku̍t]；[kűt-ku̍t]

6、 老實人講話 實實實(si̍t-si̍t-si̍t)：[si̍t⁹-si̍t₃-si̍t] [si̋t-si̍t₃-si̍t]；[si̋t-si̍t]