1.2 母音：

1.2     母音：

  1.2.1 基本母音表：單母音6＋複母音10

a ㄚ	e ㄝ	i ㄧ	oo ㄛ	u ㄨ	o ㄜ
ai ㄞ		ia ㄧㄚ	uaㄨㄚ	uiㄨㄧ
au ㄠ		iauㄧㄠ	uaiㄨㄞ
		io ㄧㄜ	ueㄨㄝ
		iu ㄧㄨ

註：注音符號ㄚㄝㄧㄛㄨㄜ只是倚音[近似音]，做參考。台語母音無ㄩ ㄟ ㄡ ㄦ ㄨㄥ；ㄟ≠e ㄟ＝ㄝ一∕ei ㄡ≠oo ㄡ＝ㄛㄨ∕oou ㄨㄥ≠ong  ong＝ㄛㄥ。華語無ui io iu。

  1.2.1.1  呼音要點：

單母音呼音要點：

	預備狀態(喙形)	發聲狀態
a	喙自然開開開，像大寫「O」，喙舌tī下跤，有看著嚨喉鐘仔抵著舌根。	嚨喉鐘仔kap舌根分開，嚨喉開開，氣流自然推出。
oo	喙開開像小寫「o」，喙phué收縮，小可看著嚨喉鐘仔，無看著喙齒。	嚨喉鐘仔kap舌根分開，嚨喉開開，氣流自然推出。
o	喙自然開像「0坦橫形」，有看著喙齒，頂下齒離一縫，無看著嚨喉鐘仔，舌根升高。是圓唇音。	嚨喉鐘仔kap舌根分開，嚨喉開開，氣流自然推出，發聲部位tī軟喙蓋[顎]。
u	喙唇收縮小可尖尖，喙形像「。」，頂下齒離開開，無看著喙內。	嚨喉鐘仔kap舌根分開，嚨喉開開，氣流自然推出。
e	喙開像「一」字形較開，頂下齒離一大縫，無看著嚨喉鐘仔。	嚨喉鐘仔kap舌根分開，嚨喉開開，氣流自然推出。
i	喙開像「一」字形，頂下齒giōng-beh相抵。	嚨喉鐘仔kap舌根分開，嚨喉開開，氣流自然推出。

複母音呼音要點：

	預備狀態(喙形)	發聲狀態
ai	喙自然開開開，像大寫「O」，預備發「a」ê喙形。	a+i(尾音)=ai (喙形像「一」字形)
au	喙自然開開開，像大寫「O」，預備發「a」 ê喙形。	a+u(尾音)=au (喙形像「。」)
ia	喙開像「一」字形，頂下齒giōng-beh相抵，預備發「i」ê喙形。	i+a(尾音)=ia (喙形像大寫「O」)
iau	喙開像beh發「ia」音。	ia+u(尾音)=iau (喙形像「。」)
io	喙開像「一」字形，頂下齒giōng-beh相抵，預備發「i」ê喙形。	i+o(尾音)=io (喙形像「0坦橫形」)
iu	喙開像「一」字形，頂下齒giōng-beh相抵，預備發「i」ê喙形。	i+u=iu (喙形像「。」)
ua	喙唇收縮小可尖尖，喙形像「。」，beh發「u」ê喙形。	u+a(尾音)=ua (喙形像大寫「O」)
uai	喙唇收縮小可尖尖，喙形像「。」，beh發「u」ê喙形。	ua+i(尾音)=uai (喙形像「一」字形)
ue	喙唇收縮小可尖尖，喙形像「。」，beh發「u」ê喙形。	u+e(尾音)=u (喙形像「一」字形較開)
ui	喙唇收縮小可尖尖，喙形像「。」，欲beh發「u」ê喙形。	u+i(尾音)=ui (喙形像「一」字形)