當代南傳佛教大師（LIVINN GBUDDHISTMASTERS)
佛法精要：Hu̍thoat chengiàu
修行攏是以消除貪、瞋、無明為目標，提掉內心自私自利ê根源。
Siuhēng lóngsī í siautî tham, chhin,bûbêng ûi bo̍kphiau, the̍htiāu lāisim chūsu chūlī ê kingoân.
培養正念是所有內觀禪修ê基礎，著是培養慈悲。
Pôeiáng chèngliām sī só͘ū lāikoan(Vipassanā) siânsiu ê kichhó͘, tio̍hsī pôeiáng chûpi.
法遍佈一切，無論東方、西方，真理攏共款。
Hoat phiànpò͘ itchhè, bôlūn tanghng, sehng, chinlí lóng kângkhoán.
修禪是心靈ê訓練功夫，伊教咱降伏、收攝kap觀察內心。
Siusiân sī simlêng ê hùnliān kanghu, i kàlán hângho̍k, siuliap kap koanchhat lāisim.
「解開慣性制約」ê過程是kā身心ê步調放慢落來，觀察受、想、行、識ê瀑流。
" Káikhui koànsèng chèiak " ê kòethêng sī kā simsin pō͘tiāu pàngbān．lo̍hlâi, koanchhat siū, sióng, hêng, sit ê chúichhiâng.
咱平常時攏hō͘家己ê欲望、偏見、習慣kap本能牽leh行。
Lán pêngsiângsî lóng hō͘ katī ê io̍kbāng, phiankiàn, si̍pkoàn kap púnlêng khan leh kiâⁿ.
禪修著是教咱保持清醒kap警覺，hō͘咱ùi
Siânsiu to̍hsī kàlán póchhî chhengchhéⁿ kap kéngkak, hō͘lán ùi
慣性ê制約中解脫出來，領悟著身心一霎久變化ê過程。
koànsèng ê chèiak tiong káithoat．chhut-lâi, léng-gō͘ tio̍h sinsim chi̍ttiapkú piànhòa ê kòetêng.
禪修hō͘人體驗三項代誌：無常、苦、無我。
Siânsiu hō͘lâng thégiām saⁿhāng tāichì: bû-siâng, khó͘, bûngó͘.
沒有留言:
張貼留言