Lâng-sn̂g boeh chhoe-kóe（籠床炊粿）： 20220107 Lahjih（蕭平治）
Chhoe-kóe tio̍h iōng lâng-sn̂g
Lâng-sn̂g ū lâng-sn̂g-kòa kah lâng-sn̂g-chân-á（籠床蓋籠床層仔）
Siāng ē-kha chân lâng-sn̂g-chân-á hō-chò láng-pho͘（籠舖）
Siāng bīn-téng chân hō-chò pìn-á（箄仔平面架）
Lâng-sn̂g chhoe-kóe ū nō chióng（兩種）
Chit-chióng chhoe tiⁿ-kóe chhài-thâu-ké ō͘-hoâiⁿ-kóe ō͘-kóe
Kan-nā iōng láng-pho͘ chhoe（籠舖）
Láng-pho͘ su-iàu chhu kóe-kin kah khǹg kóe-khùi（粿巾粿氣）
Chhoe chi̍t-pái hō-chò chhoe chi̍t-pho͘（一舖）
Chit-chióng chhoe âng-ku-ké pau-á-kóe hoat-kóe óaⁿ-kóe ō͘-so-á/ō͘-kóe-khiau⋯（紅龜粿包仔粿發粿碗粿芋梭仔/芋粿曲）
Láng-pho͘ chân-á pín-á khǹg kah tĭⁿ-tīⁿ-tīⁿ hō-chò chhoe chi̍t-sn̂g（一床）
Lâng-sn̂g láng pho͘ hō-miâ chin sim-sek（心適）
Lâng-sn̂g ná bîn-chhn̂g（眠床）
Láng-pho͘ chhiūⁿ chhn̂g-pho͘（床舖）
Tiⁿ-kóe teh-nî hoat-kóe hoat-chîⁿ（teh年發錢）
Pau-á-kóe pau-kim chhài-thâu-ké kiat tiám-sim（包金食點心）
Lán-lâng kòe-nî tit-boeh kàu（咱人得欲）
Ta̍k-ke kám-ē chiâⁿ kî-thāi（逐家敢會chiâⁿ期待）
沒有留言:
張貼留言