播田進前ê khang-khòe[二]：
圖片：lê pē loa̍h-tâng lián-á(犁耙捋筒輪仔)
1、犁田：休耕、收成過ê水田，boeh-koh 播田插秧仔，代先khang-khòe to̍h是犁田，重犁深掘chiah有好收成，駛牛兄倒手牽牛索指揮牛拖犁，正手hōaⁿ犁柄角度分深淺，力頭節大細，深犁塗胚chiah-ē大塊，nà日suh空氣chiah-ē chiâu-ûn(齊勻)，幾日後chiah開始淹田水，淹hō͘伊塗肉ē nńg-lio̍h[柔軟]。
2、淹水、pháng田、踏koah-pē：犁好ê田，曝日曝hō͘焦，chiah koh淹水淹hō͘淀淀(tīⁿ-tīⁿ)，等待塗肉nńg-lio̍h開始pháng田，pháng田家私是koah-pē(割耙)，割耙ê割刀是竹仔削--è，人踏tī割耙頂，一直se̍h一直pháng，pháng kah塗肉chiâu幼，若是田角所在to̍h需要用鋤頭掘kap thóaⁿ(剷)。 che是播稻仔ê水田，m̄是園仔(焦園)，所以ngiáu-á(撓仔)、la̍k-ta̍k(磟碡)用bē著。
3、loa̍h-pêⁿ(捋平)：先kā田水làu一寡掉，用thih-cha̍h(鐵鍘)chhiám捋筒(loa̍h-tâng)kā田土loa̍h hō͘ 平，捋筒是1-支直直丈外長ê大支竹管抑是杉仔箍，牛tī頭前拖，駛田兄tī後壁hōaⁿ鐵鍘，boeh按怎運轉to̍h kap駛車kāng一樣，需要技巧、功夫。註：chit-mái ê台語人講sái-chhia無好聽，著講「開車」，kan-nā油門抑是車門phah開，車敢著家己ē走？駛、屎仝音無好聽，按呢著m̄-thang放屎，khah-bē無好聽khah-bē臭ko͘ⁿ-ko͘ⁿ。
4、kài-sûn(界紃)：捋平了後需要界紃thang插秧仔，界紃ê家私叫做liàn-á(輪仔)，是用1-支大約5,6尺長ê káu-chàn-á(九層仔)柴做軸心(te̍k-sim)，大約1-尺闊掛1-kâi柴輪仔，chiah-tī兩爿邊仔tàu柄hō͘人ē-tàng牽leh拖。拖liàn-á進前，先用細條楊麻索仔ùi chit爿田岸到hit爿田岸牽1條基線，chiah鉛基線拖chiah-ē直，工夫--e坦直坦橫攏界紃，功夫厲害ê播田兄，m̄免牽liàn-á kài-sûn，kan-nā倚hit條基線to̍h ē-tàng播田插秧仔。「播田播無choa̍h，ngeh肉kiap相拖」是leh keng-thé kut-la̍t食pîn-tōaⁿ做ê播田夫。
5、播田：插秧仔姿勢用半khû徛，秧船仔tī尻脊後，ná播ná倒退lu，秧船仔ná póe行，1手提秧仔，1手liàm，ná捻ná插，跤手緊--è 1擺插5-choa̍h(縒)，跤手慢--ē 插4縒，心適興到--à to̍h相輸比賽，無下注(tù)，心適趣味--niā-niā。倒退lu到田岸，已經插好4,5縒，倒退lu to̍h是向前行，作田人ê顧謙哲學tī chia。播田進前ê khang-khòe[二]：
圖片：lê pē loa̍h-tâng lián-á(犁耙捋筒輪仔)
1、犁田：休耕、收成過ê水田，boeh-koh 播田插秧仔，代先khang-khòe to̍h是犁田，重犁深掘chiah有好收成，駛牛兄倒手牽牛索指揮牛拖犁，正手hōaⁿ犁柄角度分深淺，力頭節大細，深犁塗胚chiah-ē大塊，nà日suh空氣chiah-ē chiâu-ûn(齊勻)，幾日後chiah開始淹田水，淹hō͘伊塗肉ē nńg-lio̍h[柔軟]。
2、淹水、pháng田、踏koah-pē：犁好ê田，曝日曝hō͘焦，chiah koh淹水淹hō͘淀淀(tīⁿ-tīⁿ)，等待塗肉nńg-lio̍h開始pháng田，pháng田家私是koah-pē(割耙)，割耙ê割刀是竹仔削--è，人踏tī割耙頂，一直se̍h一直pháng，pháng kah塗肉chiâu幼，若是田角所在to̍h需要用鋤頭掘kap thóaⁿ(剷)。 che是播稻仔ê水田，m̄是園仔(焦園)，所以ngiáu-á(撓仔)、la̍k-ta̍k(磟碡)用bē著。
3、loa̍h-pêⁿ(捋平)：先kā田水làu一寡掉，用thih-cha̍h(鐵鍘)chhiám捋筒(loa̍h-tâng)kā田土loa̍h hō͘ 平，捋筒是1-支直直丈外長ê大支竹管抑是杉仔箍，牛tī頭前拖，駛田兄tī後壁hōaⁿ鐵鍘，boeh按怎運轉to̍h kap駛車kāng一樣，需要技巧、功夫。註：chit-mái ê台語人講sái-chhia無好聽，著講「開車」，kan-nā油門抑是車門phah開，車敢著家己ē走？駛、屎仝音無好聽，按呢著m̄-thang放屎，khah-bē無好聽khah-bē臭ko͘ⁿ-ko͘ⁿ。
4、kài-sûn(界紃)：捋平了後需要界紃thang插秧仔，界紃ê家私叫做liàn-á(輪仔)，是用1-支大約5,6尺長ê káu-chàn-á(九層仔)柴做軸心(te̍k-sim)，大約1-尺闊掛1-kâi柴輪仔，chiah-tī兩爿邊仔tàu柄hō͘人ē-tàng牽leh拖。拖liàn-á進前，先用細條楊麻索仔ùi chit爿田岸到hit爿田岸牽1條基線，chiah鉛基線拖chiah-ē直，工夫--e坦直坦橫攏界紃，功夫厲害ê播田兄，m̄免牽liàn-á kài-sûn，kan-nā倚hit條基線to̍h ē-tàng播田插秧仔。「播田播無choa̍h，ngeh肉kiap相拖」是leh keng-thé kut-la̍t食pîn-tōaⁿ做ê播田夫。
5、播田：插秧仔姿勢用半khû徛，秧船仔tī尻脊後，ná播ná倒退lu，秧船仔ná póe行，1手提秧仔，1手liàm，ná捻ná插，跤手緊--è 1擺插5-choa̍h(縒)，跤手慢--ē 插4縒，心適興到--à to̍h相輸比賽，無下注(tù)，心適趣味--niā-niā。倒退lu到田岸，已經插好4,5縒，倒退lu to̍h是向前行，作田人ê顧謙哲學tī chia。
