彰化縣溪州成功旅社_歷史：

彰化縣溪州成功旅社_歷史：

感謝陳義順先生說明，並允准tī〈老人囡仔性閒閒罔話仙 http://chhantionglang.blogspot.com/〉紹介。
▲『承載近百年過往回憶』農用書店塵封30年。

「成功旅社」是一間古早日本式兩樓柴造建築，徛家tī彰化縣溪州鄉溪州市場邊，到taⁿ猶原保留原汁原味原來模樣，ē-tàng看出tsiâⁿ百年前台灣旅社施設造作ê原味。

成功旅社原本是「光田醫院」創辦人王銅鐘先生tī 1920年所起ê「養真醫院」，後--來賣hō͘「林齒科」，tsiah-koh賣人經營「大林旅社」，1956年tsiah-koh 賣hō͘陳義順先生ê老爸陳萬成先生經營，因為旅社頭家名叫陳萬成，to̍h改名「成功旅社」。

俗語講「第一戇插甘蔗hō͘會社磅」，甘蔗是kheh糖ê白甘蔗，會社to̍h是日語「公司」ê稱號，to̍h是糖廠。日本時代台糖總公司tī溪州，to̍h是溪州糖廠，因為溪州糖廠ê規模大，帶動在地鬧熱繁榮，傍伊食穿趁食ê食頭路人、生理人，娛樂界、服務業非常ka-ia̍h[交易ka-ia̍h。指生意興隆的樣子。]，聽講斯當時to̍h有2間戲園，3間旅社，幾若間酒家。有縱貫公路經由kap田中(Chhân-tiong-ng)到二林沿路五分車除了載甘蔗來到溪州糖廠，mā引來真濟走江湖、賣藥、相命、走街生理、搬戲⋯  來tsia暫歇幾日，3間旅社to̍h是暫居(ku)場所。

一樓大廳掛孫文遺像，這是斯當時公共場所ê規矩。二樓有5-6間客房，用柴枋隔間，1960年代做工仔人一工工錢15箍(元) ，人客bueh tuà兩人房房間，一暗to̍h是開100箍銀。

△入門門斗頂柴匾刻「成功旅社」，是1956年民國丙申年立。

△旅社店門正爿有電鈴揤鈕(tshi̍h-liú)：

△兩樓起3-4間店面連做伙ê「成功旅社」，樓跤有涼亭仔[走廊]，樑柱(niû-thiāu)紅毛土，tshun--e木材。

△二樓秀面柴造門窗、磚棚仔[陽台]。

△溪州 成功旅社 轉型 農用書店  開幕記念：

△陳義順先生：