越頭看Siau Lah-jih ê台文路

整理資料，雄雄看著一篇2000年ê短文，貼出來予逐家參考。

【越頭看Siau Lah-jih ê台文路】

感覺chiâⁿ歡喜，多謝彰化.張聰敏兄.提供.鄭教授.ê TW301軟體.予我學。

mā感謝鄭良光兄.ê提示，才知影電腦.拍台語文.ê好處。

猶有，賴彥君先生.對TW301 ê指導，我ê後生.教我電腦.ê使用，lóng一時間.予我.無閒--起來，無閒kah足歡喜.koh 足少年--ē，感謝in 兩个.少年--ē！

做參考：

輕聲.分二種，一種.是固定輕聲，伊ê發聲，chiâⁿ sêng 第三聲。

例：食bē--出來！會相思--bò？轉--去！好--là！

另外一種.是隨前變調.輕聲，伊ê發聲.有第一聲，第三聲，第七聲.ê變化。

例：有伸--a，讀國中--a，查埔--e，查某--è，心適--è，佗位.來--ē，平治--ē。

Tī-Chia，lóng總用(--)記號.標出，(--)ê前一字.讀本調，(--)ê後面.是輕聲。

另外，本文.ê拍字，除了標點符號.以外，tī字.kap字，詞.kap詞.ê中間，有加一點[.]，che是「音界符」，tī[.]ê前一字，愛讀本調，che.對初學寫台語文.ê朋友.有真大.ê幫助。

Che.是ùi 洪惟仁先生.ê台語.經典笑話.內底.學--來è。

2000年整理時ê感想：做文化khang-khòe ê人，lóng真家婆，lóng會食好.tàu相報，bat 一sut-á別人m̄-bat--ê，tō ná得著寶貝仝款，一直boeh kā人教，無管伊.會hō͘內行人.笑--無？（ Lah-jih ）