古物仔_嫁娶篇_禮盒：陳慶芳收藏/蕭平治翕相

古物仔_嫁娶篇_禮盒：陳慶芳收藏/蕭平治翕相
▲籃仔？盒仔？：
慣勢講法，用竹篾仔、籐篾仔pīⁿ--ē(編織)，有捾耳(kuāⁿ-hīⁿ)--ē 號做籃仔，無捾耳(kuāⁿ-hīⁿ)--ē叫做籠仔。有孔有縫bē-tàng貯油水液體kap微細幼粒粉劑。
若是用木材箍成製造，thang貯糖餅，有蓋是盒仔，無蓋叫觳仔(khok-á)，多數無捾耳(kuāⁿ-hīⁿ)。
△漆器捾盒仔：柴造有捾耳，m̄是siāⁿ籃仔，貯糖仔餅抑是檳榔，嫁娶新tshin-tsiâⁿ禮盒。

▲糖仔餅禮盒：鉛鉼盒仔，貯糖仔餅密封bē-lùn(潤)，雙層圓形，漆紅色、牡丹紅、『宜爾室家』。一看to̍h知是嫁娶禮餅盒。

▲糖仔餅禮盒：竹篾仔編織漆器，pīⁿ kah真幼真密，漆生漆了後bē過風，貯檳榔餅仔好看頭，誠意十足。

▲三層禮餅盒：薄柴皮箍成，比箍籠床猶較幼路ê漆器。

▲糖仔餅禮盒：長株圓(tn̂g-ti-îⁿ)[橢圓形]，紅色漆器。