第14課、Ku
tsáu thò͘ jik
kâu tsáu tshiūⁿ lia̍h （聲調五）
龜走兔jik 猴走象掠（聲調五）
Ku thò͘ tsáu-sio-jik （龜兔走相jik)
Kâu tsáu tshiūⁿ beh lia̍h （猴走象欲掠）
Ku tsáu thò͘ jik kâu tsáu
tshiūⁿ lia̍h
Thò͘-á kò͘ -khùn jik bô-tio̍h （兔仔顧睏jik
無著）
Kâu-á peh tsiūⁿ tshiū （猴仔爬樹）
Tshiūⁿ mā lia̍h bē-tio̍h （象嘛掠袂著）
Ku tsáu thò͘ jik kâu tsáu
tshiūⁿ lia̍h
Nāu-jia̍t koh sim-sik （鬧熱閣心適）
Ku tsáu thò͘ jik kâu tsáu
tshiūⁿ lia̍h
Nāu-jia̍t koh sim-sik （鬧熱閣心適）
【註解】：
走相jik ：[追逐遊戲]
jik ：jiok/jiok ，[追逐]
掠：lia̍h ，[抓]
jik 無著：bô-tio̍h ，[沒有追到]
掠袂著：lia̍h bē/buē-tio̍h ，[抓不到]
第15課、phang
、phang- phang 、phang-
phang- phang （三連音）
芳、芳芳、芳芳芳（變調練習三連音）
Hue-hn̂g siáⁿ-mi̍h hue siōng-phang ？
Gio̍k-lân hâm-siàu siōng-phang ，
phang 、phang- phang 、pha̋ng- phang- phang。
（花園啥物花上芳？玉蘭含笑上芳，芳、芳芳、芳芳芳。）
Tshù-lāi siáⁿ-mi̍h tsúi siōng líng ？
Ping-tsúi ping-kak siōng líng ，
Líng 、líng-líng 、líng-líng-líng 。
（厝內啥物水上冷？冰水冰角上冷，冷、冷冷、冷冷冷。）
Kàu-sik siáⁿ-mi̍h lâng ài-tshiò ？
A-ing A-íng ài-tshiò ，
Tshiò 、tshiò-tshiò 、tshiò-tshiò-tshiò 。
（教室啥物人愛笑？阿英阿永愛笑，笑、笑笑、笑笑笑。）
Kó-hn̂g siáⁿ-mi̍h kúe-tsí siap ？
Pa̍t-á būe-sik siōng siap ，
Siap 、siap-siap 、siap-siap-siap 。
（果園啥物果子澀？芭lá 未熟上澀，澀、澀澀、澀澀澀。）
Ha̍k-hāu siáⁿ-mi̍h lâng siōng thûi ？
pîn-tūaⁿ gín-á siōng thûi ，
Thûi 、thûi-thûi 、thui̋-thûi-thûi 。
（學校啥物人上槌？貧惰囡仔上槌，槌、槌槌、槌槌槌。）
Lí toh-ūi huat-hông leh tsíng ？
Ba̍k-tsiu phīⁿ-á lóng tsíng ，
Tsíng 、tsíng-tsíng 、tsíng-tsíng-tsíng 。
（你佗位發癀咧腫？目睭鼻仔攏腫，腫、腫腫、腫腫腫。）
Siáⁿ-mi̍h-khúan lâng siōng
kài gōng ？
M̄ tha̍k-tsheh siōng kài gōng ，
Gōng 、gōng-gōng 、gőng-gōng-gōng 。
（啥物款人上蓋戇？毋讀冊上蓋戇，戇、戇戇、戇戇戇。）
Siáⁿ-mi̍h mi̍h-kiāⁿ siōng kài pe̍h ？
Thiⁿ-tíng pe̍h-hûn siōng pe̍h ，
Pe̍h 、pe̍h-pe̍h 、pe̍h-pe̍h-pe̍h 。
（啥物物件上蓋白？天頂白雲上白，白、白白、白白白。）
【註解】：
熟：sik[成熟]；si̍k[煮熟]
Thuî-thuî：槌槌，[傻傻的]
tó-u：佗位[那裡]
huat-hông：發癀[發炎]
沒有留言:
張貼留言