淡薄仔lāu-thian-tho̍h，bē記得咱tī fb交陪有外久，ná-ē熟似無張持，bueh走也無相辭，to̍h按呢看你入院ê相片，了後to̍h無koh有消息。
Tshiâu-tshuē fb過去，才知咱是2015-7-25 6:59熟似，是你無棄嫌：「蕭老師，久仰大名，我和佳音是無所不談的老友，老家在彰化，算是您的同鄉晚輩。等一下發出交友邀請，若不嫌棄，當常有請益的機會。陳政三(Tan Jackson)敬上」
驚一下，tshuah-tsi̍t-tiô，竟然有學者bueh佮咱交陪做朋友，自按呢便若有你ê文章上網，定著ē gán--一下，可惜歷史根基差，真濟故事lóng是『有看沒有懂』。
經過一再了解，tsiah發現tsia-ê歷史kap咱台灣關係密切，罕罕--à提出疑問，koh得著阿三哥ê肯定鼓勵，原來伊是疼惜我一个老學長猶有淡薄仔價值，ē-hiáu講出端的ê台語，ē-tàng補助伊思考稽考ê方向。學術上伊是ku-mo͘頂真，做人卻是多情、真心、全詼諧，to̍h是好鬥陣。
了解伊ê著作有關台灣歷史ê重要，私底下要求伊替我訂兩部，為著傳承hō͘後生、囝婿看，(紙本冊我ê目睭bē堪得)。伊講
今年會出再版本三種：《泡茶走西仔反》、《征臺紀事》、《翱翔福爾摩沙》，另有近期已出的《福爾摩沙島的過去與現在》(2015)、《紅毛探親記》(2013)、《紅毛探親再記》(2014)、《美國油匠在台灣》(2012)。其中《福爾摩沙島的過去與現在》最貴、也最大本'分上下兩冊，定價2400。但印刷精美，內容值得一讀，花我10功夫才完成。但如老師有興趣，一律以作者價+郵費提供，全部共約3000元。2015-10-12 6:55
OK。會先寄《福爾摩沙島的過去與現在》上下冊，這本極力推薦，可傳後代。其它小本的，等再版本上市再一起寄。銀兩不急。第二批收到後，再給。要不要我在書上簽名？如要，簽誰的名字，還是老師和令公子的大名一起簽？
老師是貴賓，例外~~舊曆過年日阿三哥你如約來到田中央(Chhân-tiong-ng)阮兜，kan-na泡茶開講，to̍h是歡喜，你講猶有代誌著做，無暇食晝to̍h離開，siáⁿ知，咱ê頭一擺見面，紲是上尾一擺離開。
2016年2月28日我kā你阿三哥講「gâu早！」
你回我 「gâu早，謝謝蕭老師關心。」
因為你貼出蹛院ê相片，心內憢疑「大事不妙」，過年日kap你見面to̍h看你面色烏荒烏荒，m̄是紅ko赤tshī ê阿三哥，勸你暫時歇睏靜養，你to̍h是「回過留言關心的人，也是應該。再來就照老師的建議了」
提出勇氣私訊hō͘伊阿三哥「足久無你消息，恢復健康未，fb関門了。」
「謝謝蕭老師，仍在治療中，會是持其奮鬥。帽子放彰化，但插鼻胃管，不敢返鄉探母，所以不知何時有機會回去？」
「請堅持信念，願好友早日康復！」
生住異滅，生老病死，生生滅滅，生滅生滅，萬法終歸一滅，阿三哥，軀體雖滅，笑容常在眼前，典範藏在心中，安息吧！阿三哥！
痛失學弟、好朋友、好老師，熟似才一冬，舊年過年日才來田中阮tau見頭一擺面。買伊ê全部著作兩大套，lóng是伊親身mo͘h冊郵寄，我是買予後生囝婿看，家己目睭bē堪得看紙本，想講伊若恢復健康，to̍h ē使得FB加減看，siáⁿ知？aih！不定數ê人生，自按呢來結緣閣來無緣鬥陣互動，請阿三哥 安歇！
下面附註kap阿三哥Facebook面冊ê對話：
7早8早to̍h增加真濟智識，歡喜一工開始。
分析China>Chi-na支那>Chin-a秦仔，按呢敢會通？
蕭老師按怎講、按怎教，攏嘛是正確ㄟ！
會通抑袂通？欲來去拍乒乓，轉來tsiah看你ê回答。
通通通，按台灣頭通kàu台灣尾...乒乓愛打贏遮會當返來喔。
我做輸兄。
無要緊啦，師兄疼痛其它ㄟ滷肉腳，假輸嘛是功德一件。
陳政三生前是文化部文化資產局專門委員，他在從公之餘長年研究台灣歷史，以他留英資歷的英語能力，翻譯、研究、註解十九世紀歐美學者、探險家、外交官、工程師書寫的台灣歷史，辛苦治學，讓人感佩。(曹銘宗)
沒有留言:
張貼留言