古物仔_走街生理篇_收租：陳慶芳收藏/蕭平治翕相

古物仔_走街生理篇_收租：陳慶芳收藏/蕭平治翕相
▲較早時常聽人講「中華民國萬萬稅」，有影to̍h-tio̍h，地價稅、房屋稅、田賦、水租、電火料、電話料、水道錢⋯，tshām騎鐵馬、牽牛車、聽ラヂヲ/rajio/收音機 to-tio̍h牌照稅。
古早作田人需要納水租納田租，有ê納稻粟有ê納現金，講做納錢糧。有人納租to̍h有人收租，私人租金私人收，公家機關收租to̍h有專人「到府」服務，若是都合無拄好抑是欠賬，to̍h納租ê人家己去抾稅單位繳納。
△Tsit-kha柴箱仔可能是家己釘，ē-tàng囥賬單ē-tàng貯銀票銅錢(tâng-sián)，tshng 1條黃麻索仔揹tiàm肩胛頭。

△看一个真，hit條索仔有機巧，穿過屜仔面kap屜仔連做伙，囥--落去ē使得開，揹--起來免驚屜仔ē落掉，實在有夠巧。

△帆布公務袋，水利會公務員出門收水租用。

△帆布公務袋，台電公務員出門收電費用。